Weight Loss: చిన్న సీక్రెట్‌తో 56 కేజీలు తగ్గిన మహిళ.. ఆమె డైట్ ప్లాన్ ఇదే..

ఈ రోజుల్లో బరువు తగ్గడం చాలా మందికి ఓ పెద్ద సమస్య. ఎన్ని డైట్లు మెయింటైన్ చేసినా, జిమ్ వర్కవుట్లు చేసినా ఫలితం ఉండట్లేదని చాలా మంది ఫీలవుతుంటారు. అయితే బెంగళూరు నగరానికి చెందిన ఒక మహిళ అందరినీ ఆశ్చర్యపరిచేలా 56 కిలోల బరువు తగ్గింది. ఇందుకు ఆమె పాటించిన డైట్ రహస్యాన్ని కూడా షేర్ చేసుకుంది. అయితే ఇది చూసిన వారంతా నిజంగానే షాకవుతున్నారు. తన డైల్ రొటీన్ లో కేవలం చిన్న చిన్న మార్పులు చేసుకుని ఆమె తన బరువును సునాయాసంగా తగ్గించుకున్నట్టు తెలిపింది. అదెలాగో మీరూ తెలుసుకోండి..

అలా మొదలైంది..

ఈ మహిళ మొదట అనారోగ్యకరమైన ఆహారం, బద్ధకంగా ఉండడం వంటి అలవాట్లను మార్చుకుంది. ఆమె బరువు తగ్గడం కంటే ఆరోగ్యంగా జీవించాలని నిర్ణయించుకుంది. కష్టాలు ఎదురైనా, ఆమె సులభమైన జీవనశైలి మార్పులతో విజయం సాధించింది.

ఆహారం: ఆరోగ్యకరమైన ఎంపికలు

ఆమె రోజూ తినే ఆహారంలో ప్రోటీన్‌తో కూడిన ఆహారం, కూరగాయలు, మంచి కొవ్వులు ఉండేలా చూసుకుంది. కేక్‌లు, చిప్స్, చక్కెర ఎక్కువ ఉండే ఆహారాన్ని పూర్తిగా మానేసింది. తక్కువ మోతాదులో, సరైన సమయంలో ఆహారం తీసుకుంది. ఇది ఆమెకు శక్తిని, ఆరోగ్యాన్ని ఇచ్చింది.

వ్యాయామం: సింపుల్ రొటీన్

ఆమె వ్యాయామంలో రకరకాల పద్ధతులను ఫాలో అయ్యింది. బరువులు ఎత్తడం, నడక లేదా రన్నింగ్, యోగా వంటివి చేసింది. రోజూ కొంత సమయం వ్యాయామానికి కేటాయించి, తన శరీరాన్ని బలంగా, చురుకుగా మార్చుకుంది. ఆమె సాధారణ వ్యాయామాలతోనే పెద్ద మార్పును తేగలిగినట్టు పేర్కొంది.

రహస్యం: మనసు, సంతోషం

ఆమె చెప్పిన అసలు రహస్యం ఏమిటంటే, సరైన ఆలోచనలు శరీరంపైనా ప్రభావం చూపుతాయి. ఆమె చిన్న చిన్న లక్ష్యాలు పెట్టుకుని, వాటిని సాధించినప్పుడు వాటిని సెలబ్రేట్ చేసుకున్నట్టు తెలిపింది. తొందరగా ఫలితాలు కోరుకోకుండా, నెమ్మదిగా, ఓపిగ్గా ముందుకు సాగింది. మంచి నిద్ర, తగినంత నీళ్లు తాగడం కూడా ఆమె రొటీన్‌లో భాగం.

మనసులోనే ఉంది కిటుకు

ఈ మహిళ కథ ఆరోగ్యంగా ఉండాలనుకునే వారికి స్ఫూర్తి. ఆమె ఏ మాయమందులు లేకుండా, సాధారణ జీవనశైలి మార్పులతో 56 కిలోలు తగ్గింది. మనసును సిద్ధం చేసుకుంటే ఏదైనా సాధ్యమేనని ఆమె రుజువు చేస్తోంది.