Excessive Sweating : మీకు విపరీతమైన చెమటపడుతుందా..? నిర్లక్ష్యం చేయకండి.. అది ఈ వ్యాధులకు లక్షణం..!
మీరు కూడా అధిక చెమట సమస్యతో ఇబ్బంది పడుతున్నారా..? ఏ కారణం లేకుండా అకస్మాత్తుగా విపరీతంగా చెమటలు పట్టడం ప్రారంభిస్తే, దానిని నిర్లక్ష్యం చేయవద్దని నిపుణులు చెబుతున్నారు.. అధిక చెమట తీవ్రమైన వ్యాధుల సంకేతం అంటున్నారు. ఈ పరిస్థితిని 'హైపర్ హైడ్రోసిస్' అని పిలుస్తారు. పూర్తి వివరాలు ఇక్కడ తెలుసుకుందాం..
Updated on: Mar 10, 2024 | 7:37 AM
చెమటలు అందరికీ పడతాయి. ఇది మన శరీరం సహజ ప్రక్రియ. చెమట శరీర ఉష్ణోగ్రతను నియంత్రిస్తుంది. ఎక్కువ శారీరక శ్రమ, వ్యాయామాలు చేసినప్పుడు, అలాగే వేడి వాతావరణంలో ఉన్నప్పుడు సాధారణంగా అందరికీ చెమటలు పడుతుంటాయి. అయితే విపరీతమైన చెమట కూడా కొన్ని వ్యాధులకు సంకేతమని మీకు తెలుసా? అవును ఇది నిజం! కొంతమందికి సాధారణం కంటే కూడా అధికంగా చెమటలు పడుతుంటాయి. మీరు కూడా అధిక చెమట సమస్యతో ఇబ్బంది పడుతున్నారా..? ఏ కారణం లేకుండా అకస్మాత్తుగా విపరీతంగా చెమటలు పట్టడం ప్రారంభిస్తే, దానిని నిర్లక్ష్యం చేయవద్దని నిపుణులు చెబుతున్నారు.. అధిక చెమట తీవ్రమైన వ్యాధుల సంకేతం అంటున్నారు. ఈ పరిస్థితిని ‘హైపర్ హైడ్రోసిస్’ అని పిలుస్తారు. పూర్తి వివరాలు ఇక్కడ తెలుసుకుందాం..
హైపర్ హైడ్రోసిస్ – (హైపర్ హైడ్రోసిస్) అనేది సాధారణ స్థాయి కంటే ఎక్కువ చెమటలు పట్టే వ్యాధి. ఇది సాధారణంగా చేతులు, పాదాలు, చంకలు, ముఖం వంటి ప్రాంతాల్లో కనిపిస్తుంది. హైపర్ హైడ్రోసిస్‌లో, మీ శరీరంలోని స్వేద గ్రంథులు అతిగా చురుగ్గా పనిచేస్తాయి. దీని వల్ల మీకు ఎటువంటి కారణం లేకుండా చెమటలు పట్టడం మొదలవుతుంది.
థైరాయిడ్ – థైరాయిడ్ గ్రంధి ఎక్కువ లేదా తక్కువ హార్మోన్లను ఉత్పత్తి చేసినప్పుడు, శరీరం జీవక్రియ ప్రభావితమవుతుంది. ఇది అధిక చెమటకు దారితీస్తుంది.
మధుమేహం: అధిక చెమట సమస్య మధుమేహ రోగులలో కూడా కనిపిస్తుంది. రక్తంలో చక్కెర స్థాయిలు అసాధారణంగా ఎక్కువగా లేదా తక్కువగా ఉన్నప్పుడు ఇది ప్రత్యేకంగా జరుగుతుంది.
గుండె జబ్బులు: అధిక చెమట కూడా గుండె సంబంధిత వ్యాధుల సాధారణ లక్షణం కావచ్చు. ముఖ్యంగా గుండెపోటు.
ఆందోళన రుగ్మత లేదా ఒత్తిడితో బాధపడుతున్న వ్యక్తులు కూడా అధిక చెమట సమస్యను ఎదుర్కొంటున్నారు.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే.)
మరిన్ని లైఫ్ స్టైల్ న్యూస్ కోసం క్లిక్ చేయండి
