Lassi Recipes: ఎండ దెబ్బ నుండి తప్పించుకోవాలా?..ఇన్స్టంట్ శక్తినిచ్చే 3 రకాల లస్సీ వెరైటీలివి!
మార్చి నెల రాకముందే భానుడు తన ప్రతాపాన్ని చూపిస్తున్నాడు. ఎండకు అలిసిపోయిన శరీరానికి తక్షణమే చల్లదనాన్ని ఇచ్చే పానీయం ఏదైనా ఉందంటే అది కచ్చితంగా లస్సీయే. బజారులో దొరికే ప్రిజర్వేటివ్స్ కలిపిన పానీయాల కంటే, మన కళ్ల ముందే స్వచ్ఛమైన పెరుగుతో చేసుకునే లస్సీ ఎంతో ఆరోగ్యకరం.ఈ 5 నిమిషాల రెసిపీలతో మీరు కేవలం సాధారణ లస్సీనే కాకుండా, మామిడి, రోజ్, కుంకుమపువ్వు ఫ్లేవర్లలో లస్సీని సిద్ధం చేసుకోవచ్చు.
Updated on: Mar 05, 2026 | 9:07 PM
వేసవిలో కడుపు నిండా భోజనం చేయడం కంటే, చల్లని ద్రవ పదార్థాలు తాగడానికే మన మనసు మొగ్గు చూపుతుంది. మరి అటు ఆరోగ్యం, ఇటు రుచిని ఇచ్చే లస్సీని ఇంట్లోనే హోటల్ స్టైల్లో ఎలా చేయాలో మీకు తెలుసా? మందపాటి పెరుగు, కొంచెం ఏలకుల పొడి ఉంటే చాలు.. అద్భుతమైన లస్సీ బేస్ సిద్ధం. దీనికి మామిడి పండు ప్యూరీ కలిపితే ‘మ్యాంగో లస్సీ’, కుంకుమపువ్వు కలిపితే ‘రాయల్ లస్సీ’ రెడీ అయిపోతాయి. వేసవి తాపాన్ని తరిమికొట్టే ఈ అద్భుతమైన డ్రింక్స్ తయారీ విధానం ఇప్పుడు తెలుసుకుందాం..
1. కుంకుమపువ్వు – పిస్తా లస్సీ :
వెచ్చని పాలలో కుంకుమపువ్వు దారాలను నానబెట్టండి.
బ్లెండర్లో కొన్ని పిస్తాపప్పులు, కుంకుమపువ్వు పాలు వేసి మెత్తగా చేసి, దీనిని బేసిక్ లస్సీకి కలపండి.
పైన మరికొన్ని పిస్తా ముక్కలతో అలంకరిస్తే రాజభోగం లాంటి లస్సీ రెడీ!
2. మామిడి లస్సీ :
తియ్యని మామిడి పండు గుజ్జును మిక్సీలో వేసి ప్యూరీలా చేయండి.
ఈ ప్యూరీని లస్సీ బేస్లో వేసి బాగా కలపండి.
గ్లాసులో పోసేటప్పుడు కొన్ని చిన్న మామిడి ముక్కలు వేస్తే తాగేటప్పుడు రుచి అదిరిపోతుంది.
3. రిఫ్రెషింగ్ రోజ్ లస్సీ :
బేసిక్ లస్సీకి తగినంత రోజ్ సిరప్ జోడించండి.
గ్లాసు అంచులపై రోజ్ సిరప్తో గార్నిష్ చేసి, పైన కొన్ని తాజా గులాబీ రేకులు చల్లితే అద్భుతమైన లుక్ మరియు టేస్ట్ వస్తుంది.
