Chicken Roll Recipe: జిమ్ ప్రియుల కోసం స్పెషల్ డైట్.. కండరాల పుష్టికి ఈ ఒక్క చికెన్ రోల్ చాలు!

ఆరోగ్యం రుచి రెండింటినీ బ్యాలెన్స్ చేయడం ఒక కళ. ముఖ్యంగా పెరుగుతున్న పిల్లలకు, కండరాల పుష్టిని కోరుకునే యువతకు అధిక ప్రోటీన్ కలిగిన ఆహారం ఎంతో అవసరం. గోధుమ చపాతీ, తాజా క్యారెట్, క్యాబేజీ ముక్కలతో కలిపి చేసే ఈ చికెన్ రోల్ కేవలం కడుపు నింపడమే కాదు, శరీరానికి అవసరమైన పోషకాలను కూడా అందిస్తుంది. హోటల్ స్టైల్ రుచితో, ఇంటి స్వచ్ఛతతో ఈ హెల్తీ చికెన్ రోల్ ఎలా తయారు చేయాలో ఇప్పుడు తెలుసుకుందాం..

కావలసిన పదార్థాలు:

చికెన్ కీమా: 250 – 500 గ్రాములు

పిండి: గోధుమ పిండి (మైదాకు బదులుగా వాడటం శ్రేయస్కరం)

కూరగాయలు: ఉల్లిపాయ, తురిమిన క్యాబేజీ, క్యారెట్

మసాలాలు: అల్లం వెల్లుల్లి పేస్ట్, పసుపు, కారం, జీలకర్ర పొడి, ధనియాల పొడి, గరం మసాలా, మిరియాల పొడి

పెరుగు (2 టేబుల్ స్పూన్లు),

నిమ్మరసం,

గుడ్లు (1-2),

కొత్తిమీర,

టమోటా కెచప్,

వెన్న లేదా తక్కువ నూనె.

తయారీ విధానం:

చికెన్ కీమాను కడిగి అందులో పసుపు, కారం, అల్లం వెల్లుల్లి పేస్ట్, మసాలా పొడులు, నిమ్మరసం మరియు పెరుగు వేసి బాగా కలపాలి. కనీసం ఒక గంట పాటు పక్కన పెడితే చికెన్ ముక్కలకు మసాలా బాగా పడుతుంది.

పాన్ లో కొద్దిగా నూనె వేసి మ్యారినేట్ చేసిన చికెన్ వేయాలి. చికెన్ లోని నీరంతా ఆవిరైపోయి, ముక్కలు మెత్తగా ఉడికే వరకు వేయించి పక్కన పెట్టుకోవాలి.

గోధుమ పిండితో చపాతీలు చేసి పెనంపై కాల్చాలి. చపాతీ సగం కాలిన తర్వాత దానిపై ఉప్పు, మిరియాల పొడి కలిపిన గుడ్డు మిశ్రమాన్ని వేసి రెండు వైపులా కాల్చాలి.

ఇప్పుడు చపాతీ మధ్యలో తయారుచేసిన చికెన్ ఫిల్లింగ్ ఉంచి, పైన తురిమిన క్యారెట్, క్యాబేజీ, కొంచెం టమోటా కెచప్ వేసి రోల్ చేయాలి. కావాలనుకుంటే పైన కొద్దిగా వెన్న రాసుకోవచ్చు.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహదు. జిమ్ కి వెళ్లేవారు, బరువు తగ్గాలనుకునే వారు కెచప్, వెన్నను తక్కువ మోతాదులో వాడటం మంచిది.