HealthTips : ఉదయాన్నే ఖాళీ కడుపుతో గోరువెచ్చని ఈ నీరు తాగితే ఎం అవుతుందో తెలుసా ?.. తెలిస్తే ఔరా అంటారు

జీలకర్ర ఆహారానికి రుచిని అందించడమే కాకుండా, అనేక ఆరోగ్య ప్రయోజనాలను కూడా కలిగి ఉంది. జీలకర్రలో యాంటీఆక్సిడెంట్లు ఉన్నందున బరువు తగ్గడంలో ముఖ్యమైన పాత్ర పోషిస్తుంది. జీలకర్రలో పాలీఫెనాల్స్, శరీరంలో ఆక్సీకరణ ఒత్తిడిని నిరోధించే అనేక ఇతర సమ్మేళనాలు పుష్కలంగా ఉన్నాయి. వివిధ రకాల జీర్ణ సమస్యలను దూరం చేయడంలో జీలకర్ర నీరు సహాయపడుతుందని నిపుణులు అంటున్నారు. మంచి జీర్ణవ్యవస్థ సమర్థవంతమైన బరువు తగ్గడానికి సహాయపడుతుంది. మెరుగైన జీర్ణక్రియ జీవక్రియ రేటును మెరుగుపరచడంలో, బరువు తగ్గడంలో కూడా జీలకర్ర నీరు అద్భుతంగా సహాయపడుతుంది.

శరీరంలోని అధిక కొవ్వును తగ్గించడంలో జీలకర్ర సహాయపడుతుందని అధ్యయనాలు చెబుతున్నాయి. జీలకర్ర నీరు తాగటం వల్ల శరీరం కొత్త, ఆరోగ్యకరమైన కణాలను ఉత్పత్తి చేస్తుంది. ఇది జీర్ణక్రియను మెరుగుపరుస్తుంది. జీవక్రియ రేటును పెంచుతుంది. జీలకర్ర నీటిలో కేలరీలు తక్కువగా ఉంటాయి. ఒక టీస్పూన్ జీలకర్రలో ఏడు నుంచి ఎనిమిది కేలరీలు మాత్రమే ఉంటాయి.

గర్భధారణ సమయంలో జీర్ణక్రియను మెరుగుపరచడంలో జీలకర్ర నీరు కూడా ప్రభావవంతంగా ఉంటుందని నిపుణులు అంటున్నారు. ఇది కార్బోహైడ్రేట్లు మరియు కొవ్వుల జీర్ణక్రియకు అవసరమైన ఎంజైమ్‌లకు ఉత్ప్రేరకంగా పనిచేస్తుంది. జీలకర్రలోని ఫ్లేవనాయిడ్స్ రక్తంలో గ్లూకోజ్ స్థాయిలను తగ్గిస్తాయి. జీలకర్ర టైప్ 2 డయాబెటిస్‌లో ఫాస్టింగ్ బ్లడ్ షుగర్, సీరం ఇన్సులిన్ స్థాయిలను తగ్గిస్తుంది. జీలకర్రలో ఉండే ఐరన్, పీచు రోగనిరోధక శక్తిని పెంపొందించడానికి, సీజనల్ వ్యాధులతో పోరాడటానికి బాగా ఉపయోగపడుతుంది. ఒక గ్లాసు జీలకర్ర నీరు తాగడం వల్ల మీ పొట్ట ఎక్కువసేపు నిండుగా ఉంటుంది. మరే ఇతర జంక్ ఫుడ్ తినకుండా చేస్తుంది.

ఇవి కూడా చదవండి

పరగడుపునే పసుపు నీళ్లు తాగితే ఏమవుతుంది.? ఆడవాళ్లలో వచ్చే..

చుక్కనూనె లేకుండా స్వీట్‌ పోటాటో..ఇలా తింటే మీ గుండె పదిలం,యవ్వనం

పాము విషం శరీరంలోని రక్తాన్ని ఎలా ప్రభావితం చేస్తుందో తెలుసా?

ఆవు, గేదె పాలు.. ఎముకల ఆరోగ్యం కోసం ఏవి మంచిది..?

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..