ఈ లడ్డూలు తింటే జలుబు, దగ్గు మటుమాయం.. రోగనిరోధక శక్తి సూపర్..

Flax seeds laddu: అవిసె గింజలు శరీరానికి చాలా మంచివి. శీతాకాలంలో గుండె, ఆర్థరైటిస్ మొదలైన రోగులకు సమస్య తీవ్రంగా ఉంటుంది. అందుకే అవిసె గింజల

Laddoo

Updated on: Jan 22, 2022 | 6:37 PM

Flax seeds laddu: అవిసె గింజలు శరీరానికి చాలా మంచివి. శీతాకాలంలో గుండె, ఆర్థరైటిస్ మొదలైన రోగులకు సమస్య తీవ్రంగా ఉంటుంది. అందుకే అవిసె గింజల వినియోగం వారికి చాలా ప్రయోజనకరంగా ఉంటుంది. వీటిని తీసుకోవడం వల్ల శరీరం వేడెక్కుతుంది. గుండె కొట్టుకోవడం నార్మల్‌గా ఉంటుంది. ఇతర గుండె సంబంధిత సమస్యల ప్రమాదం తగ్గుతుంది. ఇది కాకుండా ఆర్థరైటిస్ రోగులకు అవిసె గింజలు కూడా చాలా ఉపయోగకరంగా ఉంటాయి.

వీటని తినడం వల్ల కీళ్లలో వాపు, నొప్పుల నుంచి ఉపశమనం లభిస్తుంది. ఇందులో ఉండే ఫైబర్, ఒమేగా-3 యాసిడ్స్ శరీరంలో చక్కెర స్థాయిని నియంత్రిస్తాయి. వీటిని తినడం వల్ల రోగనిరోధక శక్తి పెరుగుతుంది. కానీ చాలా మంది అవిసె గింజలను నేరుగా తినలేరు ఎందుకంటే ఇవి కొద్దిగా జిగటగా ఉంటాయి. కానీ మీరు అవిసె గింజలని లడ్డూలుగా చేసుకొని తినవచ్చు. ఇవి రుచికరంగా ఉంటాయి. అయితే వీటిని ఎలా తయారుచేసుకోవాలో తెలుసుకుందాం.

అవిసె గింజల లడ్డుల తయారీకి కావలసిన పదార్థాలు..

అరకిలో బెల్లం, అర కిలోగోధుమ పిండి, జీడిపప్పు, బాదం, పిస్తా, అరకిలో నెయ్యి, యాలకులు మొదలైనవి.

లడ్డూలు ఎలా తయారు చేయాలి..?

ముందుగా అవిసె గింజలను వేయించి చల్లార్చాలి. తరువాత పాన్‌లో నెయ్యి వేసి గోధుమ పిండిని లేతగా వేయించాలి. తరువాత అవిసె గింజలను గ్రైండర్లో రుబ్బి, ఆ పేస్ట్‌ని ఒక పాత్రలో ఉంచుకోవాలి. ఇప్పుడు బాణలిలో కాస్త నెయ్యి వేయాలి. అందులో జీడిపప్పు, బాదం, పిస్తా, ఇతర డ్రై ఫ్రూట్స్‌ వేసి లేతగా వేయించి మెత్తగా రుబ్బుకోవాలి. ఇప్పుడు బాణలిలో నీళ్లు, బెల్లం వేసి పాకం వచ్చేవరకు ఉడికించాలి. తర్వాత దానికి మైదా, గ్రౌండ్ లిన్సీడ్, డ్రై ఫ్రూట్స్ రుబ్బిన ఏలకులు కలపాలి. ఒక పాన్‌లో అన్ని పదార్థాలను వేసి బాగా కలపాలి. తరువాత అరచేతులకు కొంచెం నెయ్యి రాసుకొని నిమ్మకాయ సైజులో గుండ్రని లడ్డూలను చేయాలి. అంతే అవి ఆరిపోయిన తర్వాత గట్టిపడుతాయి.