Calcium Rich Foods: ఎముకలు బలంగా ఉండాలంటే.. ఈ 10 ఆహారాలను మీ డైట్‌లో చేర్చాల్సిందే..!

Calcium Rich Foods: ఎముకలు బలంగా ఉండాలంటే.. ఈ 10 ఆహారాలను మీ డైట్‌లో చేర్చాల్సిందే..!
Calcium Food

కాల్షియం లోపం కారణంగా, ఎముకలు బలహీనపడుతుంటాయి. ఈ లోపంతో రోగనిరోధక శక్తి కూడా ప్రభావితమవుతుంది. అయితే, కాల్షియం రిచ్ ఫుడ్స్‌తో ఈ సమస్య నుంచి బయటపడొచ్చు.

Venkata Chari

|

Jan 22, 2022 | 2:00 PM

Calcium Deficiency: శరీరాన్ని ఆరోగ్యంగా, దృఢంగా మార్చడానికి కాల్షియం చాలా ముఖ్యం. కాల్షియం ఎముకలకు బలాన్నిఇస్తుంది. గుండె, కండరాలు, నరాల బలహీనతకు కాల్షియం లోపం ప్రధాన కారణంగా ఉంటుంది. మన శరీరంలో 1 శాతం క్యాల్షియం రక్తం, కండరాలలో ఉంటుంది. అయితే 99 శాతం కాల్షియం ఎముకలు, దంతాలలో ఉంటుంది. ఇలాంటి పరిస్థితిలో, మీరు ఎముకల ఆరోగ్యానికి కాల్షియం అధికంగా ఉండే ఆహారాన్ని తీసుకోవాలి. ఇవి ఎముకలు విరిగే ప్రమాదాన్ని తగ్గిస్తుంది. సరైన మోతాదులో కాల్షియం శరీరానికి చేరడం వల్ల ఎముకల్లో నొప్పి సమస్య ఉండదు. కాల్షియం లోపాన్ని తీర్చేందుకు మీరు తప్పనిసరిగా ఈ 10 ఆహారాలను మీ డైట్‌లో చేర్చుకోవాలి.

కాల్షియం అధికంగా ఉండే ఆహారాలు..

1. పాల ఉత్పత్తులు- పాల ఉత్పత్తులు కాల్షియానికి ఉత్తమ మూలంగా ఉంటాయి. కాల్షియం లోపాన్ని తీర్చడానికి మీరు ఆహారంలో పాలు, పెరుగు, జున్ను చేర్చాలి. కాల్షియం రోజువారీ అవసరాలను తీర్చడానికి, పాలు, పాలతో చేసిన వస్తువులను తినవచ్చు.

2. సోయాబీన్- కాల్షియం లోపాన్ని తీర్చడానికి మీ ఆహారంలో సోయాబీన్‌ను కూడా చేర్చుకోవాలి. సోయాబీన్‌లో కాల్షియం, ఐరన్ పుష్కలంగా ఉంటాయి. ఎముకలను బలోపేతం చేయడానికి, వాటికి సంబంధించిన వ్యాధులను తొలగించడంలో సోయాబీన్ సహాయపడుతుంది. సోయాబీన్ రోగనిరోధక శక్తిని పెంచడంలో కూడా సహాయపడుతుంది.

3. ఆకుపచ్చని కూరగాయలు- కాల్షియం లోపాన్ని తీర్చడానికి, ఖచ్చితంగా ఆకుపచ్చ కూరగాయలను ఆహారంలో చేర్చండి. ఆకుపచ్చని కూరగాయలలో విటమిన్లు, ఖనిజాలు పుష్కలంగా లభిస్తాయి. ఆహారంలో బచ్చలికూర, మెంతులు, బీన్స్, బ్రోకలీని చేర్చవచ్చు. బ్రోకలీ, బీన్స్‌లో కాల్షియం పుష్కలంగా ఉంటుంది.

4. పండ్లు- ఆరోగ్యంగా ఉండాలంటే ఆహారంలో పండ్లను కూడా చేర్చుకోవాలి. కాల్షియం కోసం ప్రతిరోజూ 2 నారింజలను తింటారు. నారింజలో విటమిన్ సితో పాటు కాల్షియం పుష్కలంగా ఉంటుంది. 2 నారింజ పండ్లను తినడం ద్వారా రోజువారి కాల్షియం అవసరాలను తీర్చవచ్చు.

5. ఉసిరి- కాల్షియం లోపాన్ని తీర్చడానికి, మీరు ఉసిరిని తీసుకోవాలి. ఉసిరికాయ నిత్య ఫలం అని చెబుతారు. ఉసిరికాయలో యాంటీఆక్సిడెంట్ గుణాలు పుష్కలంగా ఉన్నాయి. ఇది శరీరాన్ని ఇన్ఫెక్షన్ నుంచి కాపాడుతుంది. ఉసిరిలో కాల్షియం కూడా పుష్కలంగా లభిస్తుంది. ఇది రోగనిరోధక శక్తిని బలపరుస్తుంది.

6. రాగి- కాల్షియం కోసం రాగులను ఆహారంలో చేర్చాలి. రాగుల్లో కాల్షియం పుష్కలంగా లభిస్తుంది. రాగులు ఆరోగ్యానికి ఎంతో మేలు చేస్తాయి. రాగిని పాయసం, రోటీ లేదా చీలా తయారు చేసి తీసుకోవచ్చు.

7. నువ్వులు- మీరు కాల్షియం లోపాన్ని తీర్చడానికి నువ్వులను కూడా ఉపయోగించవచ్చు. నువ్వులను సలాడ్‌లు లేదా సూప్‌లకు జోడించడం ద్వారా మీరు వాటిని తీసుకోవచ్చు. 1 టీస్పూన్ నువ్వులలో 88 మిల్లీగ్రాముల కాల్షియం ఉంటుంది.

8. నాన్ వెజ్- నాన్ వెజ్ తినే వారి శరీరంలో ప్రొటీన్, క్యాల్షియం లోపం ఎక్కువగా ఉండదు. కాల్షియం లోపాన్ని తీర్చడానికి మీరు సాల్మన్, ట్యూనా, మాకేరెల్ చేపలను ఆహారంలో చేర్చుకోవచ్చు. అంతే కాకుండా చికెన్, మటన్‌లో కూడా క్యాల్షియం ఉంటుంది.

9. బాదం- డ్రై ఫ్రూట్స్ ఎల్లప్పుడూ ప్రయోజనకరంగా ఉంటాయి. ఫిట్‌గా ఉండాలంటే రోజూ బాదంపప్పు తినాలి. బాదంపప్పులో కాల్షియం పుష్కలంగా లభిస్తుంది. రోజూ బాదంపప్పు తినడం వల్ల కాల్షియం లోపాన్ని చాలా వరకు తీర్చుకోవచ్చు.

10. జీలకర్ర- శరీరంలో కాల్షియం లోపాన్ని జీలకర్ర నీటిని తాగడం ద్వారా తీర్చవచ్చు. దీని కోసం, 1 గ్లాసు గోరువెచ్చని నీటిలో 1 టీస్పూన్ జీలకర్ర వేసి, ఈ నీటిని రోజుకు 2-4 సార్లు త్రాగాలి. దీంతో శరీరానికి క్యాల్షియం అందుతుంది.

గమనిక: ఈ కథనంలో పేర్కొన్న పద్ధతులు కేవలం సూచనలుగా మాత్రమే తీసుకోండి. ఇటువంటి చికిత్స/మందు/ఆహారం అనుసరించే ముందు, డాక్టర్‌ను సంప్రదించండి.

Also Read: Kanda-Vankay Curry: గోదావరి జిల్లా స్టైల్లో రుచికరమైన కంద, వంకాయ పులుసు తయారీ..

19-Year British Girl: యువతి పార్ట్‌ టైం జాబ్‌.. వార్డ్ రోబ్ లో బట్టలు సర్దుతూ నెలకు 50 వేల సంపాదన..

Follow us on

Related Stories

Most Read Stories

Click on your DTH Provider to Add TV9 Telugu