Makhana: పరగడుపున మఖానా తింటే బోలెడు ప్రయోజనాలు.. ఇలా ట్రై చేయండి.. స్లిమ్‌ అవుతారు..!
మధుమేహ వ్యాధిగ్రస్తులకు ఇది మంచిది. మఖానాలోని యాంటీఆక్సిడెంట్లు గుండెను ఆరోగ్యంగా ఉంచడంలో సహాయపడతాయి. బరువు తగ్గాలంటే నెయ్యిలో మఖానా వేయించుకుని తినొచ్చు. మీరు బ్రేక్‌ఫాస్ట్‌, సాయంత్రం గ్రీన్ టీతో కాల్చిన మఖానాను తీసుకోవచ్చు. ఇది తినడానికి రుచికరంగా ఉండటమే కాకుండా బరువు తగ్గడానికి కూడా సహాయపడుతుంది.
మఖానాలో ఆరోగ్యానికి అవసరమైన పోషకాలు పుష్కలంగా ఉన్నాయి.. మఖానా తీసుకోవడం ఆరోగ్యానికి చాలా మేలు చేస్తుంది. ఇందులో ప్రోటీన్, ఫైబర్, కాల్షియం, ఐరన్, మెగ్నీషియ, యాంటీ ఆక్సిడెంట్లు వంటి పోషకాలు శరీరానికి చాలా ముఖ్యమైనవి. వీటివల్ల అనేక ఆరోగ్య సమస్యలు శరీరానికి దూరంగా ఉంటాయి. అందుకే దీనిని సూపర్‌ఫుడ్‌గా పరిగణిస్తారు. ఖాళీ కడుపుతో మఖానా తినడం వల్ల అద్భుత ప్రయోజనాలు ఉన్నాయంటున్నారు ఆరోగ్య నిపుణులు. వాటి గురించి వివరంగా తెలుసుకుందాం.
మఖానాలో ఫైబర్, ప్రోటీన్ పుష్కలంగా ఉన్నాయి. ఇది బరువు తగ్గడానికి సహాయపడుతుంది. అదే సమయంలో ఇది కేలరీలు, కొవ్వు తక్కువగా ఉంటుంది. ఇది తింటే చాలా సేపు కడుపు నిండుగా అనిపించి పదే పదే ఆకలి వేయదు. దీని కారణంగా మీరు అతిగా తినకుండా ఉంటారు. ఇది బరువు నియంత్రణలో సహాయపడుతుంది. ఇందులో మంచి కొవ్వులు ఉంటాయి. అధిక కొలెస్ట్రాల్‌ను నియంత్రించడంలో సహాయపడుతుంది. అదనంగా ఇది బరువు తగ్గడానికి సహాయపడుతుంది. మఖానాను క్రమం తప్పకుండా తీసుకోవడం వల్ల కొద్ది రోజుల్లోనే బొడ్డు చుట్టూ పేరుకుపోయిన కొవ్వు తగ్గుతుంది. ఎముకలను బలపరుస్తుంది. జీర్ణవ్యవస్థను ఆరోగ్యంగా ఉంచుతుంది. దీని వినియోగం అధిక రక్త చక్కెరను అదుపులో ఉంచుతుంది.
మఖానాలో ఫైబర్ అధికంగా ఉంటుంది. అందువల్ల ఇది జీర్ణక్రియ ప్రక్రియని ప్రోత్సహిస్తుంది. అంతే కాకుండా అజీర్ణం, మలబద్ధకం వంటి పొట్ట సమస్యలను నివారిస్తుంది. మఖానాలో గ్లైసెమిక్ ఇండెక్స్ తక్కువగా ఉంటుంది. దీని కారణంగా రక్తంలో చక్కెర స్థాయి అదుపులో ఉంటుంది. మఖానాలో మెగ్నీషియం పరిమాణం ఎక్కువగా ఉంటుంది సోడియం పరిమాణం తక్కువగా ఉంటుంది. మధుమేహ వ్యాధిగ్రస్తులకు ఇది మంచిది. మఖానాలోని యాంటీఆక్సిడెంట్లు గుండెను ఆరోగ్యంగా ఉంచడంలో సహాయపడతాయి. బరువు తగ్గాలంటే నెయ్యిలో మఖానా వేయించుకుని తినొచ్చు. మీరు బ్రేక్‌ఫాస్ట్‌, సాయంత్రం గ్రీన్ టీతో కాల్చిన మఖానాను తీసుకోవచ్చు. ఇది తినడానికి రుచికరంగా ఉండటమే కాకుండా బరువు తగ్గడానికి కూడా సహాయపడుతుంది.
చాట్ రూపంలో తీసుకోవచ్చు..
మీరు బరువు తగ్గాలనుకుంటే, మీరు మీ ఆహారంలో మఖానా చాట్ తయారు చేసుకుని తీసుకొవచ్చు. దీని కోసం, ఒక గిన్నెలో వేయించిన మఖానా, సన్నగా తరిగిన ఉల్లిపాయ, సన్నగా తరిగిన టమాటాలు, సన్నగా తరిగిన పచ్చిమిర్చి, ఒక చెంచా వేయించిన వేరుశెనగ వేసి కలపాలి. ఇప్పుడు కొద్దిగా నల్ల మిరియాల పొడి, చాట్ మసాలా, ఒక చెంచా నిమ్మరసం, రుచికి సరిపడా ఉప్పు వేసుకోండి. అంతే టేస్టీ టేస్టీ మఖానా చాట్ రెడీ అయినట్టే.. దీన్ని మీరు బ్రేక్‌ఫాస్ట్‌గా కూడా తినొచ్చు. దీన్ని తినడం వల్ల త్వరగా ఆకలి వేయదు. దీంతో మీ బరువును నియంత్రించడం సులభం చేస్తుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి…
