రాత్రంతా నానబెట్టిన మెంతుల నీటిని తీసుకోవడం వల్ల అదిరిపోయే ప్రయోజనాలు..
ఆరోగ్యంగా ఉండటానికి ఆహారంలో విత్తనాలు, గింజలను చేర్చుకోవడం చాలా మంచిదని ఆరోగ్య నిపుణులు చెబుతున్నారు. ముఖ్యంగా విత్తనాలు ఆరోగ్యానికి చాలా ప్రయోజనకరంగా ఉంటాయి. వాటిని తినడం వల్ల ఊహించని లాభాలు కలుగుతాయి. ముఖ్యంగా మీరు విత్తనాలను నానబెట్టిన తర్వాత తినడం వల్ల వాటి పోషక విలువలు పెరుగుతాయి. వాటిని నానబెట్టిన నీరు తాగడం వల్ల కూడా శరీరానికి మరిన్ని ప్రయోజనాలను అందిస్తాయి. అలాంటివే మెంతులు కూడా. రాత్రంతా మెంతులు నీళ్లలో నానబెట్టి ఆ మర్నాడు ఉదయాన్నే ఆ నీటిని తాగేయాలి.. దీంతో ఎలాంటి లాభాలు ఉన్నాయంటో ఇక్కడ తెలుసుకుందాం...
Updated on: Jul 23, 2025 | 2:19 PM
మెంతులు జీర్ణక్రియను మెరుగుపరుస్తాయి. రోజూ మెంతులు నానబెట్టి నీళ్లు తాగడం మలబద్ధకాలను నివారిస్తుంది. మెంతులు రక్తంలో చక్కెర స్థాయిలను నియంత్రించడానికి సహాయపడతాయి, ఇది మధుమేహం నివారణలో సహాయపడుతుంది. మెంతులు మీ శరీరానికి రోగనిరోధక శక్తిని పెంచుతాయి. వీటి ద్వారా మీరు అనేక రోగాలకు దూరంగా ఉండవచ్చు. మెంతులు మీ మెటబోలిజాన్ని వేగవంతం చేస్తాయి. బరువు తగ్గించడంలో కీలకమైన పాత్ర పోషిస్తాయి. మెంతుల నీరు చర్మ ఆరోగ్యాన్ని పెంచుతుంది. ఇది ఫ్రీ రాడికల్స్ను తొలగించి, చర్మాన్ని నిగారించడానికి సహాయపడుతుంది. మెంతులు నానబెట్టిన నీటిని ప్రతిరోజు ఉదయాన్నే తాగడం వల్ల మీరు చాలా ఆరోగ్య ప్రయోజనాలను పొందవచ్చు.
మెంతి నీరు అజీర్ణం, ఉబ్బరం, మలబద్ధకం వంటి జీర్ణ సమస్యలను తగ్గించడంలో సహాయపడుతుంది. ఇందులో అధిక ఫైబర్ కంటెంట్ ఉంటుంది. దీని వల్ల ఆరోగ్యం మెరుగు పడేందుకు ఎంతగా ఉపయోగపడుతుంది. ఈ నీరు ఆకలిని అణచివేయడం, జీవక్రియ రేటును పెంచడం, కొవ్వు పేరుకుపోవడాన్ని తగ్గించడం ద్వారా బరువు తగ్గడంలో సహాయపడుతుంది. ఇలా తయారు చేసిన మెంతి నీటిని క్రమం తప్పకుండా తీసుకోవడం వల్ల ఎల్డిఎల్ (చెడు) కొలెస్ట్రాల్ స్థాయిలను తగ్గించి మొత్తం గుండె ఆరోగ్యాన్ని మెరుగుపరుస్తుంది. దీని వల్ల శరీరంలో చెడు కొలెస్ట్రాల్ పెరగకుండా అడ్డుకుంటుంది.
మెంతినీరు రక్తంలో చక్కెర స్థాయిలను నియంత్రిస్తుంది. మధుమేహం లేదా ఇన్సులిన్ నిరోధకత కలిగిన వ్యక్తులకు ఇది ప్రయోజనకరంగా ఉంటుంది. శరీరంలో ఆర్మోన్ల సమతుల్యతకు మెంతి నీరు అద్భుతంగా పని చేస్తుంది. మెంతి నీరు దాని ఫైటోఈస్ట్రోజెన్ కంటెంట్కు ప్రసిద్ధి చెందింది. ఇది హార్మోన్ల అసమతుల్యతను నియంత్రించడంలో సహాయపడుతుంది. మెంతి నీళ్లలో యాంటీ ఇన్ఫ్లమేటరీ ఎఫెక్ట్స్ ఉండే కాంపౌండ్స్ ఉంటాయి, ఆర్థరైటిస్, ఆస్తమా వంటి ఇన్ఫ్లమేషన్-సంబంధిత సమస్యలను తగ్గించడంలో సహాయపడుతుంది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
