పెరిగిన కాలుష్యం వల్ల ఎన్నో ఇబ్బందులు.. మిమ్మల్ని మీరు రక్షించుకోవాలంటే ఈ ఆహారాలు తప్పనిసరి..

Health: గత కొన్ని సంవత్సరాలుగా కాలుష్యం విపరీతంగా పెరుగుతోంది. నగరాల్లో వింత పొగలు కమ్ముకుంటున్నాయి. వేగంగా పెరుగుతున్న కాలుష్య స్థాయిల కారణంగా

Pollution

uppula Raju |
Updated on: Nov 12, 2021 | 3:52 PM

Health: గత కొన్ని సంవత్సరాలుగా కాలుష్యం విపరీతంగా పెరుగుతోంది. నగరాల్లో వింత పొగలు కమ్ముకుంటున్నాయి. వేగంగా పెరుగుతున్న కాలుష్య స్థాయిల కారణంగా ప్రజలు అనేక రకాల శారీరక సమస్యలను ఎదుర్కొంటున్నారు. ఢిల్లీతో సహా పలు మెట్రో నగరాల్లో కాలుష్యం తీవ్ర స్థాయికి చేరుకుంది. ఈ కారణంగా పిల్లలు, వృద్ధులు, అనారోగ్యంతో ఇబ్బందులు పడుతున్నారు. జలుబు, దగ్గు, గొంతు మూసుకుపోవడం వంటి సమస్యలను ఎదుర్కొంటున్నారు. ఇలాంటి సమయంలో మిమ్మల్ని మీరే కాలుష్యం నుంచి కాపాడుకోవాలి. అందుకోసం శరీరానికి కావాలసిన ఆహారాలను అందించాలి. అవేంటో ఒక్కసారి తెలుసుకుందాం.

1. పసుపు ఉపయోగించండి మీ జీవనశైలిలో పసుపుని ముందుగానే ఉపయోగించడం ప్రారంభించండి. పసుపులో యాంటీ బాక్టీరియల్, యాంటీవైరల్ వంటి ప్రయోజనకరమైన లక్షణాలు ఉంటాయి. ఇవి వ్యాధులతో పాటు కాలుష్యంతో పోరాడటానికి ప్రయోజనకరంగా ఉంటాయి. పసుపు దగ్గు, జలుబు, జ్వరం, గొంతు నొప్పి, ఆస్తమా, బ్రాంకైటిస్, ఊపిరితిత్తుల ఇన్ఫెక్షన్లకు దివ్యౌషధం. వేడి పాలలో లేదా నీళ్లలో పసుపు వేసి ప్రతిరోజూ తాగాలి.

2. బీటా కెరోటిన్ ఆహారాలు కాలుష్య స్థాయి ఎక్కువగా ఉన్నప్పుడు శరీరాన్ని డిటాక్స్ చేయడానికి మీరు బీటా కెరోటిన్ సహాయం తీసుకోవచ్చు. ఇది కాలుష్యం వల్ల వచ్చే తలనొప్పి మొదలైన వాటి నుంచి మిమ్మల్ని విముక్తి చేస్తుంది. ఇది రోగనిరోధక శక్తిని పెంచడంలో సహాయపడుతుంది. వీటితో పాటు చిలగడదుంపలు, క్యారెట్లు, ముదురు ఆకుకూరలు, బటర్‌నట్ స్క్వాష్, సీతాఫలం, పాలకూర, మిరపకాయ, నేరేడు, బ్రకోలీ వంటి కూరగాయలను మీ రోజువారీ జీవితంలో చేర్చడం మంచిది. ఇది మీకు ప్రయోజనకరంగా ఉంటుంది.

3. నెయ్యి నెయ్యి ఆరోగ్యానికి ఎంతో మేలు చేస్తుంది. స్వచ్ఛమైన నెయ్యి శరీరంలోని అన్ని కాలుష్య కణాలను తొలగిస్తుంది. మీరు ఇంట్లో పిల్లలకు నెయ్యితో మసాజ్ కూడా చేయవచ్చు. నెయ్యితో అరికాళ్లకు బాగా మసాజ్ చేసుకోవచ్చు.

4. తులసి టీ తులసి శరీరంలో రోగనిరోధక శక్తిని పెంచుతుంది. దీనితో పాటు ఇది సర్వరోగ నివారిణి. దీని వినియోగం ఆరోగ్యానికి చాలా ఉపయోగకరంగా ఉంటుంది. తులసి ఆకులు ఊపిరితిత్తులను శుభ్రపరుస్తాయి. మీరు ప్రతిరోజూ తులసిని ఉపయోగించవచ్చు. మీరు వేడి నీటిలో 7-8 తులసి ఆకులను వేసుకొని కూడా తాగవచ్చు.