Health Tips: వర్షాకాలంలో టమాటను ఇలా తింటే.. రోగనిరోధక శక్తికి ఢోకా లేనట్లే..
Tomato Health Benefits: లైకోపీన్ యాంటీ ఆక్సిడెంట్ టొమాటోలో ఉంటుందని తెలిసిందే. వర్షాకాలంలో టమోటాలు తీసుకోవడం ఆరోగ్యానికి ఎంతో మంచిది.
Updated on: Aug 19, 2022 | 11:23 AM
మన శరీరంలో రోగనిరోధక శక్తిని పెంచడంలో సహాయపడే లైకోపీన్ యాంటీ ఆక్సిడెంట్ టొమాటోలో ఉంటుందని తెలిసిందే. వర్షాకాలంలో టమోటాలు తీసుకోవడం ఆరోగ్యానికి మంచిదని భావిస్తారు. అందుకే ఈ రోజు మనం గ్రీన్ టొమాటో పచ్చడి గురించి తెలుసుకుందాం. ఈ ఊరగాయలో ఉంచిన అన్ని మసాలా దినుసులు, వాటి పరిమాణం మీ ఆరోగ్యానికి అనేక విధాలుగా మేలు చేస్తుంది. ఇది మీ రోగనిరోధక శక్తిని బలంగా ఉంచడమే కాకుండా అనేక వ్యాధుల నుంచి రక్షిస్తుంది. అలాగే, ఈ ఊరగాయలో పీచుపదార్థం కూడా జీర్ణక్రియకు సహాయపడుతుంది.
గ్రీన్ టొమాటో పచ్చడి తయారీకి కావల్సిన పదార్థాలు..
పచ్చి టొమాటోలు, పచ్చిమిర్చి, ఆవాల నూనె, వెల్లుల్లి పేస్ట్, ఎర్ర మిరపకాయ, ఉప్పు, నల్ల మిరియాలు, నిమ్మకాయ
గ్రీన్ టొమాటో పచ్చడి తయారు చేసే విధానం..
గ్రీన్ టొమాటో పచ్చడి చేయడానికి, ముందుగా 200 గ్రాముల పచ్చి టొమాటోలను కడిగి శుభ్రం చేసుకోవాలి. ఇప్పుడు వాటిని చిన్న ముక్కలుగా కట్ చేసి పక్కన పెట్టుకోవాలి. ఇప్పుడు ఒక పాత్రలో ఆవాల నూనె వేడి చేసి, 1 tsp ఆవాలు, 1 tsp వెల్లుల్లి పేస్ట్, కరివేపాకు, ఎర్ర మిరపకాయలను వేయాలి. వీటిని బాగా వేగనివ్వాలి. తర్వాత ఒక టేబుల్ స్పూన్ శనగపప్పు, 1 కప్పు కొబ్బరి, 1 టీస్పూన్ ఎర్ర మిరపకాయ, పసుపు, ఎండుమిర్చి, ఆపై పచ్చి టమోటాలు వేసి, అన్నింటిని బాగా కలపాలి. ఇప్పుడు చివరగా ఉప్పు వేసి ఉడికించాలి. టమోటాలు కరిగిపోయే వరకు ఉడికించాలి. ఆ తర్వాత దించి, చల్లార్చి తినేయడమే. దీన్ని చాలా కాలం పాటు నిల్వ చేసి తినవచ్చు.
