Beetroot Juice: బీట్ రూట్ జ్యూస్ తాగితే ఏం జరుగుతుందో తెలుసా?

బీట్ రూట్ ఆరోగ్యానికి ఎంతో మంచిదన్న విషయం ప్రత్యేకంగా చెప్పాల్సిన పని లేదు. బీట్ రూట్‌తో కేవలం శరీర ఆరోగ్యమే కాకుండా అందాన్ని కూడా పెంచుకోవచ్చు. అందాన్ని పెంచుకోవడంలో కూడా బీట్ రూట్ ఎంతో చక్కగా సహాయ పడుతుంది. కానీ బీట్ రూట్స్ తినడం చాలా మందికి ఇష్టం ఉండదు. కానీ అన్ని కూరగాయల్లో కంటే ఎక్కువ పోషక విలువలు ఉన్నవి బీట్ రూట్లు. వీటిని తినడం వల్ల ఎన్నో రకాల సమస్యలను తగ్గించుకోవచ్చు. ముందే పలు దీర్ఘకాలిక వ్యాధులు రాకుండా జాగ్రత్త పడొచ్చు. అధిక బరువు, కొలెస్ట్రాల్, గుండె, షుగర్ వ్యాధి, రక్త హీనత సమస్యలను దూరం చేయడంలో బీట్ రూట్ ముందు ఉంటుంది. బీట్ రూట్ కంటే జ్యూస్ తాగడం ఇంకా మేలని ఆరోగ్య నిపుణులు చెబుతున్నారు. మరి బీట్ రూట్ జ్యూస్ తాగితే ఎలాంటి ఉపయోగాలు ఉన్నాయో ఇప్పుడు తెలుసుకుందాం.

మెమరీ పవర్ పెరుగుతుంది:

ప్రస్తుత కాలంలో మతి మరుపు, అల్జీమర్స్ వంటి వ్యాధులు ఎక్కువగా వస్తున్నాయి. సరైన పోషకాహారం తీసుకోకపోవడం వల్ల ఈ సమస్యలు తలెత్తుతున్నాయి. ఈ సమస్యలను దూరం చేసి, తిరిగి బ్రెయిన్‌ని యాక్టీవ్ చేయడంలో బీట్ రూట్ జ్యూస్ చక్కగా సహాయ పడుతుంది. జ్ఞాపక శక్తిని, ఏకాగ్రతను పెంచుతుంది. పిల్లలకు ఈ జ్యూస్ ఇవ్వడం వల్ల మంచి ఫలితం ఉంటుంది.

కొలెస్ట్రాల్ తగ్గుతుంది:

ప్రస్తుత కాలంలో చాలా మంది చెడు కొలెస్ట్రాల్‌తో ఇబ్బంది పడుతున్నారు. బీట్ రూట్ జ్యూస్ తాగితే.. శరీరంలోని చెడు కొవ్వు కరిగి.. మంచి కొవ్వు పెరుగుతుంది. మలబద్ధకం సమస్య కూడా కంట్రోల్ అవుతుంది. దీంతో చక్కగా వెయిట్ లాస్ అవుతారు. ఎనర్జీ డ్రింక్స్‌ బదులు ఈ జ్యూస్ తాగితే చాలు.

ఇవి కూడా చదవండి

ఈ ఆకుకూర వారంలో ఒక్కసారి తిన్నా.. రోగాలే రావు!

బ్రేక్ ఫాస్ట్ గా అన్నం తినవచ్చా.. తింటే ఏం జరుగుతుంది?

ప్రతిరోజూ ఉదయం ఈ టీ తాగితే డయాబెటీస్ రాకుండా అడ్డుకోవచ్చు!

ఎర్ర జామ పండు తింటున్నారా.. అయితే ఈ విషయాలు మీ కోసమే!

రోగ నిరోధక శక్తి పెరుగుతుంది:

బీట్ రూట్ జ్యూస్ తాగడం వల్ల శరీరంలో అనేక రోగ నిరోధక శక్తి అనేది పెరుగుతుంది. దీంతో వైరస్, ఇన్ ఫెక్షన్ల బారిన పడకుండా ఉంటారు. అంతే కాకుండా సీజనల్ వ్యాధులు దరి చేరకుండా ఆరోగ్యంగా ఉంటారు.

గుండె ఆరోగ్యం:

బీట్ రూట్ జ్యూస్ తాగడం వల్ల గుండె ఆరోగ్యం కూడా మెరుగు పడుతుంది. గుండెను ఆరోగ్యంగా ఉంచడంలో బీట్ రూట్‌ని మించింది లేదు. తరచూ బీట్ రూట్ జ్యూస్ తాగితే.. ఎలాంటి గుండె సంబంధిత వ్యాధులు రాకుండా ఉంటాయి. గుండె ఆరోగ్యంగా ఉంటుంది.

చర్మం మెరిసిపోతుంది:

బీట్ రూట్ జ్యూస్ తాగడం వల్ల చర్మం ఎంతో అందంగా, కాంతివంతంగా తయారవుతుంది. కొద్ది రోజుల్లోనే మీకు ఆ మార్పు ఖచ్చితంగా కనిపిస్తుంది. ముఖం మంచి గ్లో అవుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్‌ స్టైల్‌ వార్తల కోసం క్లిక్‌ చేయండి..