బరువు తగ్గాలనుకుంటే మాత్రం ఈ పానీయాల జోలికి వెళ్లొద్దు..! అయినా తాగారో అంతే సంగతులు..

Do Not Drink These Drinks : మీరు బరువు తగ్గాలని ప్రయత్నిస్తున్నారా.. అయితే చాలామంది చాలా రకాల సలహాలు ఇస్తారు. అన్నం

Do Not Drink

uppula Raju |

Updated on: May 14, 2021 | 10:08 AM

Do Not Drink These Drinks : మీరు బరువు తగ్గాలని ప్రయత్నిస్తున్నారా.. అయితే చాలామంది చాలా రకాల సలహాలు ఇస్తారు. అన్నం తినొద్దని కొందరు, జ్యూస్‌లు తాగాలని కొందరు, ఒకటే పూట తినాలని మరికొందరు ఇలా ఎవరికి తోచింది వారు చెబుతుంటారు అయితే నిజంగా బరువు తగ్గాలని అనుకుంటే మాత్రం ఈ పానీయాల జోలికి మాత్రం అస్సలు వెళ్లకండి.. ఎందుకంటే ఇవి తీసుకుంటే మీకు తెలియకుండానే మళ్లీ బరువు పెరిగేస్తారు. ఇప్పుడు వాటి గురించి వివరంగా తెలుసుకుందాం..

1) పాలు, పాల పానీయాలు పాల పానీయాలలో చక్కెరతో పాటు, కొవ్వు పదార్థం కూడా ఉంటుంది. ఇవి తీసుకుంటే మీరు అదనపు కేలరీలను పొందతారు. అయితే పాలు పిల్లలకు మంచిది. మీరు బరువు తగ్గాలని నిర్ణయించుకుంటే మాత్రం టిఫిన్స్‌లో పాలు, పాల పదార్థాలను తినడం మానేయడం మంచిది.

2) కాఫీ సహజమైన బ్లాక్ కాఫీ తాగితే ఏం కాదు. కానీ అందులో కలిపే సప్లిమెంట్ల వల్ల బరువు పెరుగుతారు. ఇది సాధారణ చక్కెర, క్రీమ్, సిరప్, ఘనీకృత పాలు మొదలైనవి కావచ్చు. మీరు బరువు తగ్గాలంటే ఇవేవి కలపకుండా కాఫీ తాగడం ప్రారంభించండి.

3) నిల్వ చేసిన పండ్ల రసాలు మీరు రోజంతా డైట్ చేసి నిల్వ చేసిన పండ్ల రసాలను తాగారో ఆ డైట్ మొత్తం వృథా. వీటిని తాగడం వల్ల బరువు తగ్గుతారనేది అపోహ మాత్రమే. వీటిని తాగేముందు ప్యాక్ చేయబడిన వాటిపై ఉన్న ఇన్‌స్ట్రక్షన్స్‌ ఒక్కసారి చదవండి. మీకు అర్థమవుతుంది. ఇందులో చక్కెర, కలర్స్, ఇంకా చాలా పదార్థాలు కలిసి ఉంటాయి. ఇవి తీసుకుంటే త్వరగా బరువు పెరుగుతారు. మీరు నిజంగా బరువు తగ్గాలంటే తాజాగా పిండిన పండ్ల రసాలను మాత్రమే తాగాలి.

4) కార్బోనేటేడ్ పానీయాలు ఎండాకాలంలో ప్రతి ఒక్కరూ కార్బోనేటేడ్ పానీయాలు తాగడం అలవాటు చేసుకున్నారు. నిజానికి ఇవి చాలా రుచిగా ఉంటాయి. వీటిని తిరస్కరించడం కొంచెం కష్టమే. కానీ ఈ పానీయంలో చక్కెర చాలా ఉంటుంది. ఒక గ్లాసు పానీయం ఒక క్రీమ్‌ కేక్‌తో సమానం. అందువల్ల మీరు సాధారణ మినరల్ వాటర్ లేదా గ్యాస్ లేని నీటిని తాగాలి.

5. బీర్ తాగడం మానుకోవాలి “బీర్ బెల్లీ” అనే వ్యక్తీకరణ గురించి అందరికీ తెలుసు. మీరు పెద్ద మొత్తంలో బీర్ తాగితే త్వరగా బరువు పెరుగుతారు. వైన్ కూడా అధిక కేలరీల పానీయం చక్కెర చాలా ఉంటుంది. వోడ్కా అధిక కేలరీల పానీయం కనుక సాయంత్రం వోడ్కా తాగిన వారు ఉదయం తినడానికి ఇష్టపడరు. మీరు బరువు తగ్గాలని మరియు మీ శరీరాన్ని సాధారణ స్థితికి తీసుకురావాలని నిర్ణయించుకుంటే చక్కెర లేకుండా సాధారణ కార్బోనేటేడ్ నీరు లేదా గ్రీన్ టీ తాగడానికి పరిమితం చేసుకోవడం మంచిది.