Beauty Tips: మెరిసే ముఖారవిందం కావాలా? అయితే, ఈ పండ్లను తినండి..

Beauty Tips: చర్మ సౌందర్యం, రక్షణ కోసం ఎన్నో ప్రయత్నాలు చేస్తుంటాం. మార్కెట్‌లో లభించే కాస్మోటిక్స్ అన్నింటినీ వాడేస్తుంటాం. అయితే, ముఖారవిందానికి,

Beauty Tips: మెరిసే ముఖారవిందం కావాలా? అయితే, ఈ పండ్లను తినండి..
Skin Tone

Beauty Tips: చర్మ సౌందర్యం, రక్షణ కోసం ఎన్నో ప్రయత్నాలు చేస్తుంటాం. మార్కెట్‌లో లభించే కాస్మోటిక్స్ అన్నింటినీ వాడేస్తుంటాం. అయితే, ముఖారవిందానికి, చర్మ సౌందర్యానికి ప్రతీసారి కాస్మోటిక్స్ ఉపయోగించడం కూడా అంత శ్రేయస్కరం కాదని చెబుతున్నారు నిపుణులు. మనం తినే ఆహారం ద్వారానే చర్మాన్ని సంరక్షించుకోవడం, ముఖారవిందాన్ని పెంచుకోవడం చేయొచ్చంటున్నారు. శరీరంలో ఏ భాగానికైనా, చర్మం ఆరోగ్యంగా ఉండాలన్నా.. సరైన పోషకాలు అవసరం. అలాంటి చర్మ సంరక్షణ ఆహారం గురించి నిపుణులు కీలక విషయాలు చెప్పారు. గోజీ బెర్రీ చర్మ సౌందర్యాన్ని రెట్టింపు చేయడమే కాకుండా.. ఆరోగ్యంగా కూడా ఉండేలా చేస్తుందట. మరి గోజీ బెర్రీల వలన కలిగే ఉపయోగాలేంటో ఇప్పుడు తెలుసుకుందాం.. గోజీ బెర్రీలో మానవ శరీరానికి అవసరమైన పోషకాలు పుష్కలంగా ఉన్నాయి. ఈ బెర్రీలు చర్మాన్ని మెరిసేలా, యవ్వనంగా, తాజాగా ఉంచుతాయి. అందుకే చర్మ సంరక్షణ పోషకాలలో ఈ బెర్రీలను సూపర్ ఫుడ్‌గా పేర్కొంటున్నారు.

1. చర్మపై వచ్చే మంటలను తగ్గిస్తుంది..
అధిక మొత్తంలో యాంటీఆక్సిడెంట్‌లతో నిండిన గోజీ బెర్రీలు.. చర్మ సంబంధిత ఇన్‌ఫెక్షన్లను తగ్గిస్తుంది. చర్మపై వచ్చే మంటలను కంట్రోల్ చేస్తుంది. వీటిల్లో ఉండే కొవ్వు ఆమ్లాలు.. రోగ నిరోధక శక్తిని పెంచుతాయి. అలాగే చర్మం మరింత మెరిసేలా చేస్తుంది.

2. గీతలు, ముడతలు కనిపించడాన్ని తగ్గిస్తుంది..
గోజీ బెర్రీలో అమైనో ఆమ్లాలు, ఇతర ముఖ్యమైన ఖనిజాలు అధికంగా ఉండటం వల్ల చర్మ కణాలను అకాల వృద్ధాప్యానికి కారణమయ్యే ఫ్రీ రాడికల్స్ నుండి రక్షిస్తుంది. అదనంగా, గోజీ బెర్రీలు చర్మ కణాలలో కొల్లాజెన్, ఎలాస్టిన్ ఉత్పత్తిని ప్రోత్సహించడం ద్వారా చర్మం రూపాన్ని బలోపేతం చేస్తాయి. శక్తివంతంగా ఉంచుతాయి.

3. మచ్చలను తగ్గిస్తుంది..
గోజీ బెర్రీలు చర్మంలోని మెలనిన్ కంటెంట్‌ని మెరుగుపరుస్తాయి. ఇది మొటిమల వల్ల వచ్చే మచ్చలు కనిపించకుండా చేస్తుంది. అంతేకాదు.. గోజీ బెర్రీలు మచ్చ ఏర్పడిన కణజాలం క్రింద రక్త ప్రవాహాన్ని పెంచుతాయి. ఇది అట్రోఫిక్, లోతైన కణజాల మచ్చలను త్వరగా తొలగిపోవడానికి సహాయపడుతుంది. ఈ విధంగా, గోజీ బెర్రీ వినియోగం కొత్త చర్మ కణాల పెరుగుదలను ప్రోత్సహించడం ద్వారా చర్మాన్ని ప్రకాశవంతంగా, మృదువుగా చేస్తుంది.

4. చర్మాన్ని సూర్యరశ్మి నుంచి కాపాడుతుంది..
ఎండ నుంచి చర్మాన్ని కాపాడుతుంది. అధిక సూర్యరశ్మి ద్వారా ఏర్పడే మచ్చలు, ఇతర సమస్యల నుంచి ఉపశమనం కలిగిస్తుంది. ఇందులో బీటా కెరోటిన్ అధిక స్థాయిలో ఉన్నందున పాడైన చర్మాన్ని సూపర్ ఫుడ్‌గా నయం చేస్తుంది. చర్మ కణజాలానికి పునరుజ్జీవం ఇస్తుంది.

5. స్కిన్ హైడ్రేషన్‌ను మెరుగుపరుస్తుంది..
గోజీ బెర్రీలలో అమైనో ఆమ్లాలు ఉంటాయి. ఇవి చర్మంలో తేమను మెరుగుపరుస్తాయి. నిర్జలీకరణం, నిస్తేజంగా కనిపించే చర్మం రూపాన్ని తగ్గిస్తాయి. దాంతోపాటు.. ఈ సూపర్ ఫుడ్ యాంటీ ఏజింగ్ లక్షణాలను కలిగి ఉంటుంది. స్కిన్ టోన్‌ను పెంచుతుంది.

Also read:

Capricorn: మకర రాశి గురించి ఇప్పటి వరకు ఎవరికీ తెలియన ఆసక్తికరమైన విషయాలు.. మీకోసం..

Covid 19 Vaccine: వ్యాక్సినేషన్‌లో చరిత్ర సృష్టించిన భారత్.. ఒక్క రోజులో కోటీ 30 లక్షలకు పైగా వ్యాక్సిన్ల పంపిణీ..

భర్త పుట్టినరోజుకు సర్ ప్రైస్ ఇచ్చిన డిప్యూటీ సీఎం పుష్ప శ్రీవాణి..:AP Deputy CM pPushpa Sreevani Photos.

Click on your DTH Provider to Add TV9 Telugu