LPG Gas Price Hike: పండగకు ముందు షాకిచ్చిన గ్యాస్‌ సిలిండర్‌ ధర.. ఎంత పెరిగిందో తెలుసా?

LPG Gas Price Hike: పండుగ సీజన్‌కు ముందు నెల మొదటి రోజే ద్రవ్యోల్బణం రూపంలో ఒక పెద్ద షాక్ తగిలింది. అక్టోబర్ 1న జరిగే మార్పులలో వాణిజ్య సిలిండర్ రేటులో కీలక మార్పు చోటు చేసుకుంది.. వాణిజ్య గ్యాస్‌ సిలిండర్‌పై రూ.60 నుంచి రూ.71 వరకు పెరిగింది. ఢిల్లీలో ఈ రోజు నుండి వాణిజ్య సిలిండర్ ధర రూ. 62.50 పెరగనుంది. ఢిల్లీలో గత నెల సెప్టెంబర్‌లో 19 కేజీల వాణిజ్య సిలిండర్ ధర రూ. 9.50 పెరిగి, రూ. 2747.50కి చేరింది. ఇప్పుడు అక్టోబర్ 1న దీని ధర రూ. 62.50 పెరిగి, రూ. 2810కి చేరింది. కాగా, ఇండియన్ ఆయిల్ ప్రకటించిన కొత్త ధరల ప్రకారం, చెన్నైలో వాణిజ్య సిలిండర్ ధర ఇప్పుడు రూ.2,983గా ఉంది. సెప్టెంబర్‌లో దీని ధర రూ.2,916.50గా ఉండేది. ఇక్కడ గృహ వినియోగ సిలిండర్ ధర రూ.957.5గా ఉంది. ముంబైలో వాణిజ్య సిలిండర్ ధర రూ.63 పెరిగి రూ.2,701 నుండి రూ.2,764కు చేరింది. గృహ వినియోగ సిలిండర్ ధర రూ.941.5 వద్ద స్థిరంగా ఉంది. హైదరాబాద్‌లో వాణిజ్య సిలిండర్‌ ధర ప్రస్తుతం రూ.2,996 ఉండగా, గృహ వినియోగం (14.2 కిలోలు) ధర రూ.994.00 ఉంది. అయితే ప్రాంతాలను బట్టి ధరల్లో స్వల్ప తేడా ఉంటుందని గుర్తించుకోండి.

ఎల్పీజీ ధరను ఎలా నిర్ణయిస్తారు?

ఇండియన్ ఆయిల్ ప్రకారం, ఎల్‌పిజి ధరలలో ఏ పెరుగుదల లేదా తగ్గుదల అయినా భారతదేశ వ్యయాలపై ప్రభావం చూపుతుంది. ధరల నిర్ధారణకు అంతర్జాతీయ ఎల్‌పిజి రేట్లను ప్రామాణికంగా తీసుకుంటారు. మరియు చమురు మార్కెటింగ్ కంపెనీలు (OMCలు) గత నెల సగటు ప్రామాణిక రేటు, విదేశీ మారకపు రేట్ల ఆధారంగా ధరలను సర్దుబాటు చేస్తాయి.

మరోవైపు దేశీయ 14.2 కేజీల ఎల్‌పిజి ధర పూర్తిగా మార్కెట్‌పై ఆధారపడి ఉండదు. అవసరమైన విధంగా ధరలను స్థిరంగా ఉంచమని ప్రభుత్వం ఆయిల్ మార్కెటింగ్ కంపెనీలను (OMCలను) ఆదేశించవచ్చు. ఉదాహరణకు మే 2026లో అంతర్జాతీయ ఇంధన ధరలు పెరిగినప్పటికీ, దేశీయ ఎల్‌పిజి ధర యథాతథంగా ఉందని, తద్వారా దేశీయ వినియోగదారులను అంతర్జాతీయ ధరల పెరుగుదల నుండి కాపాడిందని ఐఓసిఎల్ (IOCL) పేర్కొంది. అంటే అంతర్జాతీయ ఎల్‌పిజి ధర పెరిగినంత మాత్రాన దేశీయ సిలిండర్ కూడా అదే నిష్పత్తిలో ఖరీదైనదిగా మారుతుందని కాదు.

సబ్సిడీలు ధరలు

ప్రభుత్వం అర్హులైన వినియోగదారుల బ్యాంకు ఖాతాలకు నేరుగా ఎల్‌పిజి సబ్సిడీలను అందించవచ్చు. ప్రస్తుతం పిఎమ్‌యువై వినియోగదారులకు, కేంద్ర ప్రభుత్వం సంవత్సరానికి గరిష్టంగా 12 రీఫిల్‌ల కోసం ప్రతి 14.2 కేజీల సిలిండర్‌పై రూ.300 వరకు సబ్సిడీని అందిస్తోంది.

మరిన్ని బిజినెస్ వార్తల కోసం ఇక్కడ క్లిక్ చేయండి