న్యూ ఇయర్ సెలబ్రేషన్స్… మంటల్లో వానరాల సజీవదహనం

కొత్త సంవత్సర వేడుకలు మూగజీవాలైన వానరాల సజీవ దహనానికి దారి తీశాయి. జర్మనీలోని క్రెఫోర్డ్ జూ లో తమ ఎంక్లోజర్లో సేద దీరిన ఒరాంగుటాన్లు, చింపాంజీలు వాటి పిల్లలతో సహా సజీవదహనమై.. ఆ మంకీ ఎంక్లోజర్ బుగ్గి బూడిదయింది. నూతన సంవత్సరానికి స్వాగతం పలుకుతూ జర్మనీ వాసులు పేల్చిన తారాజువ్వలు, ఇతర టపాసుల నిప్పురవ్వలు ఈ జూ లోని వీటి ఎంక్లోజర్ పై పడడంతో క్షణాల్లో అది మంటలకు ఆహుతయింది. ఈ ఘటనలో ఈ మూగజీవాలన్నీ ప్రాణాలు కోల్పోయాయి. కనీసం ఒక్క జీవి కూడా తప్పించుకోలేకపోయింది. ఈ ఘటనపై జర్మనీ ప్రభుత్వం విచారణకు ఆదేశించింది.