ఆస్పత్రిలో నర్సు ఉద్యోగం మానేసి సాగు బాట పట్టింది.. ఇప్పుడు లక్షల్లో సంపాదిస్తుంది..

Nabanita Das: వ్యవసాయ రంగంలో చాలా అవకాశాలున్నాయి. కష్టపడి, పట్టుదలతో పనిచేస్తే విజయం తథ్యం. ఇదే విషయాన్ని నిరూపించింది అసోంకు చెందిన నబనితా దాస్.

Organic Farming

Updated on: Nov 07, 2021 | 5:58 PM

Nabanita Das: వ్యవసాయ రంగంలో చాలా అవకాశాలున్నాయి. కష్టపడి, పట్టుదలతో పనిచేస్తే విజయం తథ్యం. ఇదే విషయాన్ని నిరూపించింది అసోంకు చెందిన నబనితా దాస్. ఆమె తన ఉద్యోగం మానేసి వ్యవసాయం చేయడానికి ప్రయత్నించింది. ఈ రోజు ఆమె సేంద్రియ వ్యవసాయానికి యజమానిగా మారింది. వ్యవసాయం ఆమెకు గౌరవాన్ని, ప్రతిష్టను ఇవ్వడమే కాకుండా సంపాదన కూడా తెచ్చిపెట్టింది. నబానితా దాస్ 2010 వరకు ప్రభుత్వ ఆసుపత్రిలో అసిస్టెంట్ నర్సుగా పనిచేశారు.

అయినప్పటికీ ఆమె నిత్యం వ్యవసాయం గురించే ఆలోచించేది. ఉద్యోగం మానేసిన తర్వాత 2014లో వ్యవసాయంలో ఫార్మల్‌ శిక్షణ తీసుకుని క్రమంగా విజయం సాధించింది. వ్యవసాయంతో పాటు చేపల పెంపకం, పశుపోషణలో కూడా ప్రయత్నించి విజయం సాధించింది. సంప్రదాయ వ్యవసాయంతో ప్రారంభించిన నబానితా దాస్ నేడు అన్ని రకాల కూరగాయలు, పండ్లను పండిస్తున్నారు. ఇప్పుడు పూర్తిగా సేంద్రీయ వ్యవసాయం చేయడం ప్రారంభించింది. వారి వ్యవసాయ ఉత్పత్తులకు గిరాకీ, ధర కూడా బాగానే ఉంది. ఆరోగ్యంపై అవగాహన పెరగడం వల్ల ప్రజలు ఆర్గానిక్ ఉత్పత్తులను పెద్ద ఎత్తున ఉపయోగించడం ప్రారంభించారు.

ఎన్నో అవార్డులు అందుకున్నారు నేడు నబానిత పొలం చిన్న వ్యవసాయ కేంద్రంగా మారింది. సంప్రదాయ పంటల నుంచి వివిధ రకాల పూల వరకు కూడా ఇక్కడ పండిస్తారు. నాబానీత పొలంలో వరితో పాటు పండ్లు, కూరగాయలు, పప్పులు, నూనె గింజల పంటలు సాగు చేస్తున్నారు. అంతే కాకుండా వివిధ జాతుల కోళ్లు, పావురాలు, బాతులకు చెందిన దేశీ, విదేశీ జాతులను పెంచుతున్నారు. ప్రసిద్ధ కడక్‌నాథ్‌తో సహా నబానిత ఫారమ్‌లో అనేక రకాల కోళ్లు కూడా కనిపిస్తాయి.

డిడి కిసాన్ నివేదిక ప్రకారం.. నబానితా దాస్ వ్యవసాయ రంగంలో చేసిన విశేష కృషికి అనేక అవార్డులతో సత్కరించారు. నేటి కాలంలో రైతులందరికీ నాబానీత స్ఫూర్తిదాయకంగా మారింది. ఆమెకు గౌరవం రావడమే కాకుండా వ్యవసాయం ద్వారా పెద్ద మొత్తంలో డబ్బు సంపాదిస్తోంది. నేడు, యువ రైతులు వారి సేంద్రియ వ్యవసాయాన్ని చూడటానికి సుదూర ప్రాంతాల నుంచి వచ్చి సమాచారం తెలుసుకున్న తర్వాత నబానిత మాదిరి సాగు చేయాలని తిరిగి వెళుతున్నారు.