క్యాబ్‌లో జస్ట్‌ ఆరున్నర కిలోమీటర్లు ట్రావెల్ చేశాడు.. బిల్లు చూసి అతని గుండె గుభేల్.. లక్షల్లో

ఆరున్నర కిలోమీటర్ల దూరం.. ప్రయాణించిన సమయం 15 నిమిషాలు.. అందుకు క్యాబ్ నిర్వహణ సంస్థ వేసిన బిల్లు ఏకంగా రూ.32 లక్షలు. ఏంటి ఈ వార్త విని మీరు షాకవుతున్నారా..? పాపం ఇంక ఆ కస్టమర్ సంగతి ఊహించుకోండి. అతనికి తలతిరిగి కిందపడినంత పనయ్యింది. కాసేపటి తర్వాత తేరుకుని.. కస్టమర్‌ కేర్‌కి కాల్ చేయడంతో అసలు విషయం రివీలయ్యింది. వివరాల్లోకి వెళ్తే.. ఇంగ్లాండ్‌లోని మాంచెస్టర్‌‌లో ఉండే.. లివర్‌ కప్లాన్‌ తన ఫ్రెండ్స్‌ను కలిసేందుకు పబ్‌కు వెళ్లాలనుకున్నాడు. ఇందుకోసం ఉబర్ క్యాబ్ బుక్ చేశాడు.  ఆరున్నర కిలోమీటర్ల దూరాన్ని 15 నిమిషాల్లో రీచ్ అయ్యాడు. బుక్ చేసినప్పుడు అతనికి నార్మల్ ఛార్జీనే కనిపించింది. తెల్లారి మార్నింగ్ ఫోన్ ఓపెన్ చేయగానే కనిపించిన మెసేజ్‌ అతడ్ని షాక్‌కు గురిచేసింది.

‘క్యాబ్‌ రైడ్ వినియోగించుకున్న మీకు 35,427 పౌండ్‌ స్టెర్లింగ్‌లు ఛార్జీ అయింది. మీ కార్డులో తగినంత మొత్తం లేనందన.. ఆ నగదు తీసుకోలేకపోతున్నాం’ అని రాసి ఉంది. దీంతో వెంటనే  క్యాబ్‌ సంస్థను సంప్రదించాడు లివర్‌ కప్లాన్‌. వారు వెరిఫై చేయగా మిస్టేక్ ఎక్కగా జరిగిందో తెలిసిపోయింది. డ్రాప్‌ ఆఫ్‌ లోకేషన్‌ ఛేంజ్ అవ్వడం వల్ల.. బిల్లు మొత్తం మారిపోయింది. మాంచెస్టర్‌లోని ‘విచ్‌వుడ్‌ పబ్‌’కు టూ అడ్రస్ పెడితే.. అది ఆస్ట్రేలియా విక్టోరియాలోని ‘విచ్‌వుడ్ పార్కు’గా మారిపోయింది. దీంతో బిల్లు తడిసి మోపెడయ్యింది. టెక్కికల్ ఇష్యూ కారణంగా ఇలా జరిగి ఉండవచ్చని సంస్థ ఇంజనీర్లు తెలిపారు. వెంటనే ప్రాబ్లమ్ సాల్వ్ చేశారు.

తన అకౌంట్లో అంత మనీ లేదు కాబట్టి సరిపోయింది. ఒకవేళ డబ్బు కట్ అయి ఉంటే.. సమస్య పరిష్కారం కోసం వారి చుట్టు చెప్పులరిగేలా తిరగాల్సి వచ్చేదని లివర్‌ కప్లాన్‌ సరదాగా వ్యాఖ్యానించాడు. అంత భారీ మొత్తం బిల్లు చూసి ఒక అరగంట చాలా టెన్షన్ పడ్డట్లు చెప్పాడు.

మరిన్ని ట్రెండింగ్ వైరల్ వార్తల కోసం ఇక్కడ క్లిక్ చేయండి..