Snake Bite: పాము విషాన్ని తొలగించే ఈ మొక్క గురించి తెలుసా..? క్షణాల్లోనే రిలీఫ్..

వర్షాకాలం వచ్చిందంటే పాము కాటు భయం పట్టుకుంటుంది. పాములు ఎప్పుడు, ఎక్కడ కాటేస్తాయో అంచనా వేయడం కష్టం. వర్షాకాలం, చలికాలంలో వాటి సంచారం ఎక్కువగా ఉంటుంది. ఒకవేళ పాము కాటు వేస్తే వెంటనే వైద్య సహాయం తీసుకోవడం చాలా ముఖ్యం. అయితే, డాక్టర్ దగ్గరకు వెళ్లేలోపు విషం శరీరమంతా వ్యాపించకుండా చూసుకోవాలి. దీనికి ఆయుర్వేదంలో కొన్ని పరిష్కారాలు ఉన్నాయి. ఆయుర్వేదం ప్రకారం.. బోడ కాకరకాయ ఉపయోగించి కేవలం ఐదు నిమిషాల్లో పాము విషం ప్రభావాన్ని తగ్గించవచ్చని నిపుణులు చెబుతున్నారు.

బోడ కాకరకాయ.. ఒక ఆయుర్వేద ఔషధం

బోడ కాకరకాయను కాంక్రోల్, కంటోల, కత్రాల్ వంటి పేర్లతో కూడా పిలుస్తారు. ఈ మొక్క వేరు నుంచి తయారు చేసిన పొడి విషం ప్రభావాన్ని తగ్గిస్తుందని ఆయుర్వేద నిపుణులు అంటున్నారు. ఈ మొక్కపై నిర్వహించిన అధ్యయనాల్లో కూడా, దీని వేరు నుండి తయారైన మూలికా ఔషధాలను చాలా కాలంగా యాంటీ-వినమ్ గా ఉపయోగిస్తున్నారని తేలింది. ఈ మొక్క కేవలం పాము విషంపైనే కాదు, అన్ని రకాల విషాలపై కూడా పనిచేస్తుందని చెబుతారు. బోడ కాకరకాయలో ఇతర కూరగాయల కంటే 50 శాతం ఎక్కువ ప్రొటీన్లు ఉంటాయి. ఇది చాలా పోషకమైన, రుచికరమైన కూరగాయ.

బోడ కాకరకాయను ఎలా ఉపయోగించాలి?

ఒకవేళ ఎవరైనా పాము కాటుకు గురైతే, తక్షణ ఉపశమనం కోసం బోడ కాకరకాయను ఈ క్రింది విధంగా ఉపయోగించవచ్చు:

వేరు పొడి: బోడ కాకరకాయ వేరును రెండు రోజులు ఎండలో ఆరబెట్టి, పొడి చేసుకోవాలి. పాము కాటుకు గురైన వ్యక్తికి ఒక చెంచా పొడిని పాలలో కలిపి త్రాగించాలి.

రూట్ పేస్ట్: నేషనల్ ఇన్‌స్టిట్యూట్ ఆఫ్ హెల్త్ నివేదిక ప్రకారం.. పాము కాటు వేసిన వెంటనే బోడ కాకరకాయ చెట్టు యొక్క రూట్ పేస్ట్‌ను  కాటు వేసిన చోట పూయడం వల్ల కూడా విషం తగ్గుతుంది.

ఆకుల రసం: బోడ కాకరకాయ తాజా ఆకులను రుబ్బి, ఆ రసాన్ని తాగడం వల్ల కూడా విష ప్రభావం తగ్గుతుంది.

ముఖ్య గమనిక: పాము కాటు ప్రాణాపాయం కలిగించేది. పైన చెప్పిన చిట్కాలు కేవలం డాక్టర్ దగ్గరకు వెళ్లేలోపు విషం శరీరం అంతటా వ్యాపించకుండా సహాయపడతాయి. ఈ చిట్కాలపై పూర్తిగా ఆధారపడితే ప్రాణాలకు ప్రమాదం ఏర్పడవచ్చు. అందువల్ల పాము కాటుకు గురైన వెంటనే, ఎటువంటి ఆలస్యం చేయకుండా దగ్గరలోని ఆసుపత్రికి వెళ్లి వైద్యుడిని సంప్రదించడం అత్యంత ముఖ్యం.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..