ఆ దేశంలో ’39 నెంబర్’ వద్దంటే వద్దంటున్నారు.. అందుకోసం లంచాలు కూడా ఇస్తున్నారు.. ఎందుకో తెలుసా..

అఫ్ఘానిస్థాన్ దేశ వాసులు 39 నెంబర్ తమకు ఇవ్వొద్దంటూ ఆర్టీఏ ఆఫీసర్లను వేడుకుంటున్నారు. అంతేకాకుండా లక్షల రూపాయల లంచాలు ఇచ్చి మరీ ఆ నెంబర్ వద్దంటున్నారు. కొంతమంది ఫ్యాన్సీ నెంబర్ తీసుకోవడం స్టేటస్‌గా భావిస్తారు. ఇంకొందరు ఆ సంఖ్య వల్ల తమకు అదృష్టం కలిసి వస్తుందని నమ్ముతారు. మరికొందరు సెంటిమెంట్ కోసం లక్కీ నెంబర్స్ కొనుగోలు చేస్తారు. ఈ క్రమంలో కొన్నిసార్లు కారు కంటే ఆ కార్ నెంబర్‌కే ఎక్కువ ఖర్చు చేసిన సందర్భాలు కూడా ఉన్నాయి. కానీ అఫ్ఘానిస్థాన్ దేశ వాసులు మాత్రం39 నెంబర్ తమకు ఇవ్వొద్దంటూ ఆర్టీఏ ఆఫీసర్లను వేడుకుంటున్నారు. అసలు వాళ్లు ఆ నెంబర్‌ ఎందుకు వద్దంటున్నారంటే..

అప్ఘాన్‌లోని పశ్చిమ ప్రాంతంలో ఉన్న హెరట్ అనే సిటీలో వ్యభిచార గృహాలను నిర్వహించే ఓ వ్యక్తికి 39 అనే నెంబర్ అదృష్ట సంఖ్య. ఆ సంఖ్యనే తన కార్ నెంబర్లకు ఉపయోగించుకునేవాడు. దీంతో అతడిని అందరూ ‘39’ గా పిలిచేవారు. ఆ నెంబర్ గల కారులో ఎవరైనా ప్రయాణిస్తే, ఆకతాయిలు ఆ కారు వెంటపడుతూ వ్యంగ్యమాటలతో దూషించడం, అవమానించడం చేసేవాళ్లు. ఈ కారణంగా హెరట్ నగరంలోని ప్రజలు ఆ నెంబర్ ఉన్న కారులో వెళ్లడానికే జంకేవారు. ఈ విషయం కాస్త దేశమంతా వ్యాపించి, ఆ నెంబర్ కార్లలో ప్రయాణిస్తున్నారంటే వారిని వ్యభిచారులుగా అనుకోవడం మొదలైంది. దాంతో ‘39’ సంఖ్య అప్ఘాన్‌ దేశవాసులకు ఓ పీడకలలా మారింది. ఆ భయంతో 39 నెంబర్‌ ఉన్న ఫోన్ నెంబర్లు కూడా వాడటం మానేశారు. ఈ క్రమంలో ‘39’ నెంబర్ ఇవ్వొద్దని ఆర్టీఏ అధికారులకు వినతులు రావడం, ఒకవేళ ఒప్పుకోకపోతే ఆ సంఖ్య తమకు కేటాయించకుండా ఉండటానికి అధికారులకు లంచాలు ఇవ్వడం మొదలెట్టారు. ఈ విషయం ప్రభుత్వం దృష్టికి రావడంతో ‘39’ సంఖ్యను కలిగి ఉన్న లైసెన్స్ ప్లేట్లను రిటైర్ చేస్తున్నట్లు ప్రకటించింది.

Yadadri works: చివరి దశకు చేరుకున్న యాదాద్రి ఆలయ పనులు.. భక్తుల దర్శనానికి అనుమతి ఎప్పుడో తెలుసా..