Yoga Poses : ఈ 3 యోగాసనాలను క్రమం తప్పకుండా సాధన చేయండి.. రక్తప్రసరణను మెరుగుపరచుకోండి..

Yoga Poses : శరీరంలో రక్తప్రసరణ సరిగా సాగకపోతే అనేక అనారోగ్య సమస్యలు ఉత్పన్నమవుతాయి. ఒక్కోసారి ప్రాణాలకే ముప్పు వాటిల్లుతుంది. రక్తమే శరీరానికి, అవయవాలకు అవసరమైన పోషకాలను, ఆక్సిజన్‌ను సరఫరా చేస్తుంది. అలాంటిది రక్త ప్రసరణ సక్రమంగా లేకపోతే.. పరిస్థితి వేరేలా మారిపోతుంది. అందుకే శరీరంలో రక్త ప్రసరణ సక్రమంగా ఉండాలంటే మంచి ఆహారం తీసుకోవడంతో పాటు.. శారీరక శ్రమ కూడా చాలా అవసరం. ముఖ్యంగా యుగ యుగాల నుంచి నుంచి వస్తున్న యోగ ఆసనాలు.. శరీరంలో రక్తప్రసరణను మెరుగు పరచడానికి ఎంతగానో దోహదపడుతాయి. యోగాలో కీలకమైన 3 యోగాసనాలను ప్రతి రోజూ సాధన చేయడం ద్వారా మంచి ఫలితం ఉంటుందని నిపుణులు చెబుతున్నారు. మరి ఆ మూడు యోగాసనాలు ఏంటో ఇప్పుడు తెలుసుకుందాం..

వజ్రాసనం: వజ్రాసనం చేయడం వలన అనేక ఆరోగ్య ప్రయోజనాలు ఉన్నాయని ఆరోగ్య నిపుణులు చెబుతున్నారు. ఆ ఆసనం ద్వారా శరీరంలో రక్తప్రసరణ సక్రమంగా జరుగుతుంది. బొటన వేళ్ల నుంచి తల వరకు రక్త ప్రసరణ ఎటువంటి ఆటంకం లేకుండా జరుతుంది.

పశ్చిమోత్తనాసనం : ఈ ఆసనం కూడా రక్తప్రసరణను మెరుగుపరచడంలో చాలా ఉపయుక్తంగా ఉంటుంది. మానసిక ఒత్తిడి నుంచి ఉపశమనం కలిగిస్తుంది. అలాగే, కోపం, చిరాకును తొలగించి.. మనసు ప్రశాంతంగా ఉండేలా చేస్తుంది. వెన్నెముకు సాగదీస్తుంది. మలబద్ధకం, జీర్ణ సమస్యలను నివారణకు ఈ ఆసనం అద్భుతంగా పనిచేస్తుంది.

కపాల్భాతి: ఈ ఆసనం జీర్ణ సమస్యలను తొలగిస్తుంది. ఉదర కండరాలను బలపరచడంలో సహాయపడుతుంది. అలాగే నాసికా భాగాలను బలపరుస్తుంది. అలాగే ఛాతిలోని అడ్డంకులను తొలగిస్తుంది. చర్మం మెరిసేలా చేయడంలో సహాయపడుతుంది. ఒత్తిడి నుంచి ఉపశమనం కల్పిస్తుంది. శరీరంలోని అదనపు కొవ్వును తొలగించి.. రక్త ప్రసరణకు ఎటువంటి ఆటంకం లేకుండా చేయడంతో ఉపకరిస్తుంది.

Also read:

ఆస్పత్రిలో నర్సు ఉద్యోగం మానేసి సాగు బాట పట్టింది.. ఇప్పుడు లక్షల్లో సంపాదిస్తుంది..

CM KCR: రాత్రి 7 గంటలకు తెలంగాణ సీఎం కేసీఆర్ కీలక ప్రెస్‌మీట్.. ఈ అంశాలపై..

Viral Video: నాగుపాము, కొండచిలువ మధ్య భీకర యుద్దం.. ఎవరు గెలిచారో చూడండి..