తక్కువ నిద్ర బరువు పెరగడానికి ఎలా కారణమవుతుందో తెలుసా..? ఓర్నాయనో.. పెద్ద కథే ఉందిగా..
మీ బరువు పెరుగుతుంటే మీరు మీ నిద్ర దినచర్యపై శ్రద్ధ వహించాలి. సరైన నిద్ర రాకపోవడం హార్మోన్లపై ప్రభావం చూపుతుందని వైద్యులు అంటున్నారు. ఇది బరువుపై కూడా ప్రభావం చూపుతుంది. మీరు ఎంత నిద్రపోతున్నారు.. అది శరీరంపై ఎలాంటి ప్రభావం చూపుతుంది అనే దానిపై శ్రద్ధ వహించాలి..
Updated on: Apr 14, 2025 | 12:44 PM
ప్రస్తుత కాలంలో ఊబకాయం పెను సమస్యగా మారుతోంది.. అయితే.. గుండె జబ్బులతోపాటు.. పలు రకాల సమస్యలకు స్థూలకాయమే కారణమని నిపుణుఉ హెచ్చరిస్తున్నారు. అయితే.. మీ బరువు పెరుగుతుంటే మీరు మీ నిద్రపై శ్రద్ధ వహించాలి. నిద్ర మీ బరువుకు నేరుగా సంబంధం ఉంటుందని.. నిపుణులు చెబుతున్నారు. నిద్రపోతున్నప్పుడు శరీరం విశ్రాంతి పొందుతుంది.. కానీ అదే సమయంలో కొన్ని హార్మోన్లు కూడా విడుదలవుతాయి. ఈ హార్మోన్లు బరువుకు సంబంధించినవి. ఈ హార్మోన్లు మీ శరీరంలో అధికంగా ఉంటే మీకు నిద్ర సమస్యలు ఉండవచ్చు. నిద్ర లేకపోవడం, అధిక నిద్ర రెండూ శరీర బరువును ప్రభావితం చేస్తాయని పరిశోధనలు చెబుతున్నాయి.
నిద్రలో మన శరీరంలో కార్టిసాల్ అనే హార్మోన్ విడుదలవుతుందని ఢిల్లీలోని సీనియర్ వైద్యుడు డాక్టర్ అజయ్ కుమార్ వివరించారు. ఈ కార్టిసాల్ హార్మోన్ ఉదయం నిద్రలేచే సమయంలో అత్యధిక స్థాయిలో ఉంటుంది. దీని తరువాత, ఈ హార్మోన్ రోజంతా క్రమంగా తగ్గుతుంది. ఈ హార్మోన్ పూర్తిగా తగ్గకపోతే, నిద్ర రాదు. ఈ హార్మోన్ బరువు పెరగడానికి ప్రధాన కారణం. అంతేకాకుండా, తక్కువ నిద్ర ఆకలిని పెంచుతుంది.. ఎక్కువ ఆహారం తీసుకునేలా చేస్తుంది. దీనివల్ల బరువు కూడా వేగంగా పెరుగుతుంది.
నిద్ర జీవక్రియను ఎలా ప్రభావితం చేస్తుంది..
తక్కువ నిద్రపోవడం వల్ల మీ జీవక్రియ మందగిస్తుంది. దీని వల్ల బరువు పెరిగే అవకాశం ఉంది. దీనితో పాటు, తక్కువ నిద్ర కూడా శరీరంలో హార్మోన్ల అసమతుల్యతకు కారణమవుతుంది. తక్కువ నిద్రపోవడం వల్ల లెప్టిన్, గ్రెలిన్ హార్మోన్లు అసమతుల్యత చెందుతాయి. లెప్టిన్ కడుపు నిండిన అనుభూతిని కలిగించే హార్మోన్ కాగా.. గ్రెలిన్ ఆకలిని పెంచే హార్మోన్.. అయితే.. తక్కువ నిద్రపోవడం వల్ల లెప్టిన్ తగ్గి గ్రెలిన్ పెరుగుతుంది. దీని కారణంగా ఒక వ్యక్తి ఎక్కువ ఆహారం తీసుకుంటాడు.
రోజంతా అలసట..
తక్కువ నిద్రపోవడం వల్ల రోజంతా అలసట కలుగుతుంది. దీని కారణంగా మీరు వ్యాయామం లేదా శారీరక శ్రమలను తగ్గిస్తారు. దీనివల్ల బరువు కూడా పెరుగుతుంది. తక్కువ నిద్రపోవడం వల్ల ఒత్తిడి కూడా పెరుగుతుంది. పెరుగుతున్న ఒత్తిడి బరువును ప్రభావితం చేస్తుంది. తక్కువ నిద్రపోయేవారికి BMI, ఊబకాయం పెరిగే అవకాశం ఎక్కువగా ఉందని నిపుణులు అంటున్నారు.
పరిశోధనలు ఏం చెప్పాయంటే..
కొన్ని పరిశోధనలు తక్కువ నిద్రపోవడం వల్ల బరువు పెరుగుతుందని కూడా చూపిస్తున్నాయి. తక్కువ నిద్రపోవడం బరువు పెరగడానికి ఒక ముఖ్యమైన కారణం. అయితే.. మంచి.. గాఢ నిద్ర బరువును తగ్గిస్తుందని నిపుణులు చెబుతున్నారు.
అయితే, ఓ వ్యక్తి దాదాపు 8గంటలపాటు నిద్రపోవాలి.. లేకపోతే ఇతర సమస్యలు సైతం వచ్చే ప్రమాదముంది. నిద్రలేమి సమస్యలతో బాధపడుతుంటే మీరు వెంటనే వైద్యులను సంప్రదించి చికిత్స పొందండి.. దీనిద్వారా.. ఈ సమస్యను అధిగమించవచ్చు..
మరిన్ని హెల్త్ వార్తల కోసం ఇక్కడ క్లిక్ చేయండి..
