Health Tips: స్ట్రెస్‌.. స్ట్రెస్‌.. స్ట్రెస్‌.. ఒత్తిడిని జయించి హ్యాపీగా ఉండాలంటే ఈ చిట్కాలు పాటించండి చాలు..

ఈ రోజుల్లో చాలామంది తీవ్రమైన ఒత్తిడితో సతమతమవుతున్నారు. దీనివల్ల అనారోగ్య సమస్యలు పెరిగే అవకాశముంది. కుటుంబం లేదా సంబంధాలు.. పనిచేసే ప్రదేశం ఇలా ఎన్నో కారణాల వల్ల స్ట్రెస్ అనేది జీవితంలో భాగంగా మారింది.

Stress

Updated on: Mar 25, 2023 | 9:42 AM

ఈ రోజుల్లో చాలామంది తీవ్రమైన ఒత్తిడితో సతమతమవుతున్నారు. దీనివల్ల అనారోగ్య సమస్యలు పెరిగే అవకాశముంది. కుటుంబం లేదా సంబంధాలు.. పనిచేసే ప్రదేశం ఇలా ఎన్నో కారణాల వల్ల స్ట్రెస్ అనేది జీవితంలో భాగంగా మారింది. అయితే, మీరు కూడా ఎప్పుడూ ఒత్తిడికి లోనవుతున్నట్లయితే, మీ ఆరోగ్యం గురించి జాగ్రత్తగా చూసుకోవాలి. ఎందుకంటే మీరు మీ శరీరాన్ని రిలాక్స్‌గా ఉంచుకోకపోతే అనేక వ్యాధులు మిమ్మల్ని చుట్టుముడతాయి. అటువంటి పరిస్థితిలో, మీరు ఒత్తిడిని దూరం చేయాలని పేర్కొంటున్నారు ఆరోగ్య నిపుణులు.. ఒత్తిడిని ఏయే మార్గాల్లో తగ్గించుకోవచ్చో ఇప్పుడు తెలుసుకోండి..

ఈ మార్గాలతో ఒత్తిడి దూరం

వ్యాయామం కోసం సమయాన్ని వెచ్చించండి: మీరు రోజూ కొంత సమయం పాటు వ్యాయామం చేస్తే, అది మనస్సుకు విశ్రాంతినిస్తుంది. దానివల్ల మీ ఒత్తిడి దూరమవుతుంది. ఇందుకోసం వర్కవుట్, వాకింగ్, స్విమ్మింగ్ వంటివి చేయాలి.
శరీరాన్ని రిలాక్స్ అయ్యేలా చేయండి: ఒత్తిడిని తగ్గించడానికి మీ కండరాలను విశ్రాంతినివ్వండి. దీని కోసం, మీరు స్ట్రెచింగ్, మసాజ్, రాత్రి మంచి నిద్ర మొదలైనవి తీసుకోవాలి. ఇలా చేయడం ద్వారా మీ ఒత్తిడి తగ్గిపోతుంది.
లోతైన శ్వాస తీసుకోండి: ఒత్తిడికి గురవుతుంటే మీరు లోతైన శ్వాస తీసుకోవాలి. దీని కోసం, మీరు పడుకుని ధ్యానం చేయండి. లేదా కూర్చొని అయినా లోతైన శ్వాస తీసుకోండి. ఇలా చేయడం వల్ల మీ ఒత్తిడి దూరమవుతుంది.
సమస్య ఏంటో తెలుసుకోండి: తీవ్రమైన ఒత్తిడితో బాధపడుతుంటే.. మీ ఒత్తిడిని ప్రేరేపించే అంశాలు ఏమిటో మీరు మొదట తెలుసుకోవాలి. పని స్థలం, చదువులు, సంబంధం లేదా దేని వల్ల జరుగుతుందో ముందుగా గుర్తించాలి. దీంతో కొన్ని రోజులు ఆ విషయాల నుంచి విరామం తీసుకోవచ్చు. ఇది ఒత్తిడి నుండి ఉపశమనం పొందడంలో మీకు సహాయపడుతుంది.

ఇవి కూడా చదవండి

సత్యాన్ని అంగీకరించండి: మీరు ఏదైనా ఒత్తిడికి లోనవుతున్నట్లయితే, మీరు ఒత్తిడికి లోనవుతున్న విషయాన్ని అంగీకరించాలి. ఆ తప్పును అంగీకరించడం ద్వారా, మీరు మీ ఒత్తిడిని తగ్గించుకోవచ్చు. ఇలా చేయడం వల్ల మీ ఒత్తిడి దూరమవుతుంది.
పాటలు వినండి: మీరు ఒత్తిడికి లోనవుతున్నట్లయితే ఆ సమయంలో మీకు ఇష్టమైన పాటను వినాలి. ఎందుకంటే సంగీతం వినడం వల్ల ఒత్తిడి తగ్గుతుంది. అందుకే ఒత్తిడి సమయంలో పాట వినాలని సూచిస్తున్నారు.

మరిన్ని హెల్త్ వార్తల కోసం..

టీవీ9 తెలుగు ఛానల్ ఫాలో అవ్వండి