Toothache: పంటి నొప్పికి ఇంటి చిట్కాలు.. చిటికెలో రిలీఫ్ ఇచ్చేలా.. ఇవి ట్రై చేయండి

పంటి నొప్పి చాలా అసౌకర్యంగా, బాధాకరంగా ఉంటుంది. సాధారణంగా దంత క్షయం, చిగుళ్ల వాపు లేదా దెబ్బతినడం వల్ల ఈ నొప్పి వస్తుంది. డాక్టర్ దగ్గరికి వెళ్లే వరకు నొప్పి నుంచి ఉపశమనం పొందడానికి కొన్ని సులభమైన ఇంటి చిట్కాలు ఇక్కడ ఉన్నాయి.

ఉప్పు నీటి చికిత్స

ఒక గ్లాసు గోరువెచ్చని నీటిలో కొద్దిగా ఉప్పు వేసి పుక్కిలించండి. ఇది నోటిలోని బ్యాక్టీరియాను తొలగించి, చిగుళ్ల వాపును తగ్గిస్తుంది. దీనివల్ల నొప్పి నుంచి తక్షణ ఉపశమనం లభిస్తుంది.

లవంగం నూనె అద్భుతం

లవంగం నూనెలో యూజినాల్ అనే పదార్థం ఉంటుంది. దీనికి నొప్పిని తగ్గించే గుణం ఉంది. ఒక దూది ఉండను లవంగం నూనెలో ముంచి నొప్పి ఉన్న పంటిపై ఉంచండి. కొన్ని నిమిషాల్లో నొప్పి మాయమవుతుంది.

వెల్లుల్లి

వెల్లుల్లిలో యాంటీబయాటిక్ లక్షణాలు పుష్కలంగా ఉంటాయి. వెల్లుల్లి రెబ్బను మెత్తగా నలిపి, నొప్పి ఉన్న పంటి మీద ఉంచితే మంచి ఫలితం ఉంటుంది. ఇది నోటిలోని హానికరమైన బ్యాక్టీరియాను నిరోధిస్తుంది.

ఐస్ ప్యాక్ మాయాజాలం

వాపు, నొప్పి ఉంటే ఐస్ ప్యాక్ చక్కగా పనిచేస్తుంది. కొన్ని ఐస్ ముక్కలను ఒక గుడ్డలో చుట్టి, నొప్పి ఉన్న చోట బుగ్గపై ఉంచండి. ఇది వాపును తగ్గించి, నొప్పి నుంచి ఉపశమనం ఇస్తుంది.

ఇవి కేవలం చిన్న పాటి హోమ్ రెమిడీస్ మాత్రమే. పంటి నొప్పి తరచుగా వస్తూ భరించలేనంత నొప్పి కలుగుతుంటే వెంటనే వైద్యులను సంప్రదించడం మేలు.