Garlic Benefits: వేసవికాలం వెల్లుల్లి కచ్చితంగా డైట్‌లో ఉండాలి.. ఎందుకంటే..?

Garlic Benefits: వెల్లుల్లి రుచిని అందరు ఇష్టపడుతారు. కానీ దాని వాసనని మాత్రం కొంతమంది ఇష్టపడరు. ఎందుకంటే దీనిని తిన్న తర్వాత నోటి నుంచి దుర్వాసన వస్తుంది. అయితే

Garlic Benefits

Updated on: May 10, 2022 | 6:57 AM

Garlic Benefits: వెల్లుల్లి రుచిని అందరు ఇష్టపడుతారు. కానీ దాని వాసనని మాత్రం కొంతమంది ఇష్టపడరు. ఎందుకంటే దీనిని తిన్న తర్వాత నోటి నుంచి దుర్వాసన వస్తుంది. అయితే దానిని వదిలించుకోవడానికి చిట్కాలు ఉన్నాయి. కానీ వెల్లుల్లి తినడం మానేస్తే శరీరానికి మాత్రం చాలా నష్టం జరుగుతుంది. ముఖ్యంగా ఎండాకాలం వెల్లుల్లిని కచ్చితంగా డైట్‌లో చేర్చుకోవాలి. వెల్లుల్లి వల్ల కలిగే ఐదు పెద్ద ప్రయోజనాల గురించి తెలుసుకుందాం.

1. ఇన్ఫెక్షన్ రాకుండా కాపాడుతుంది

ఒక సంవత్సరంలో మూడు సీజన్లు ఉంటాయి. ప్రతి సీజన్లో వివిధ రకాల ఇన్ఫెక్షన్లు వ్యాపిస్తాయి. ఈ రకమైన ఇన్ఫెక్షన్లన్నింటినీ నివారించడంలో వెల్లుల్లి సహాయపడుతుంది. మీరు మీ రోజువారీ ఆహారంలో వెల్లుల్లిని చేర్చుకుంటే మీ రోగనిరోధక శక్తి చాలా బలంగా తయారవుతుంది. అంతేకాదు సీజనల్‌ వ్యాధులకి దూరంగా ఉంటారు.

2. చర్మ సౌందర్యాన్ని పెంపొందిస్తుంది

వెల్లుల్లి మీ చర్మాన్ని అందంగా, యవ్వనంగా ఉంచడంలో సహాయపడుతుంది. ఇందులో యాంటీ ఇన్ఫ్లమేటరీ లక్షణాలు పుష్కలంగా ఉంటాయి. దీని కారణంగా చర్మం మెరుస్తూ ఉంటుంది. వెల్లుల్లిలో ఉండే యాంటీ బ్యాక్టీరియల్ లక్షణాలు చర్మాన్ని ఆరోగ్యంగా మచ్చలు లేకుండా చేయడంలో సహాయపడతాయి.

3. అధిక రక్తపోటును నియంత్రిస్తుంది

వెల్లుల్లి అధిక రక్తపోటును అదుపులో ఉంచుతుంది. మీకు రక్తపోటుకు సంబంధించిన సమస్యలు ఉంటే తప్పనిసరిగా ఆహారంలో వెల్లుల్లిని చేర్చుకోవాలి. ఎందుకంటే దీన్ని తినడం వల్ల రక్తనాళాలు రిలాక్స్ అవుతాయి. ఒత్తిడి తగ్గుతుంది.

4. జుట్టు రాలడాన్ని నిరోధిస్తుంది

ఈ విషయం మీకు ఆశ్చర్యాన్ని కలిగించవచ్చు. కానీ మీరు జుట్టు రాలడం సమస్యతో ఇబ్బంది పడుతుంటే రోజువారీ ఆహారంలో వెల్లుల్లిని తీసుకుంటే మంచిది. దీంతో పాటు వెల్లుల్లి మొగ్గలను పేస్ట్ చేసి జుట్టు మూలాలపై అప్లై చేయాలి. దీనిని పెరుగు లేదా తేనెతో కలిపి అప్లై చేయవచ్చు. ఇది జుట్టు రాలడాన్ని తగ్గిస్తుంది.

5. మొటిమలని నివారిస్తుంది

మొటిమలు, కురుపుల సమస్యలు ఉన్నవారు ఆహారంలో వెల్లుల్లిని చేర్చుకోవడం వల్ల చాలా ప్రయోజనాలు పొందుతారు. వెల్లుల్లిలో అద్భుతమైన ఔషధ గుణాలు ఉంటాయి. ఇవి ముఖంపై ఏర్పడిన నల్లటి మచ్చలను తొలగించడానికి సహాయపడుతాయి.

గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.

మరిన్ని హెల్త్‌ వార్తల కోసం ఇక్కడ క్లిక్ చేయండి