Shiva Prajapati |
Updated on: May 10, 2022 | 8:50 AM
Healht Tips: వ్యక్తి ఆరోగ్యంగా ఉంటే.. శరీరానికి అనేక రకాల పోషకాలు, విటమిన్లు అవసరం. అవి లోపిస్తే అనేక అనారోగ్య సమస్యలు తలెత్తుతాయి. అయితే, విటమిన్లు అన్నింటిలోనూ విటమిన్ డి చాలా ముఖ్యమైనది. వ్యక్తిలో డి విటమిన్ లోపిస్తే అనారోగ్య సమస్యలు వెంటాడుతాయి. ఈ విటమిన్ డి సూర్యకాంతి ద్వారా, కొన్ని రకాల ఆహారాల ద్వారా పొందవచ్చు. ఈ విటమిన్ లోపానికి కారణం ఏంటి, దాని లక్షణాలు ఎలా ఉంటాయి, ఎలాంటి ఆహారం తీసుకోవాలో ఇప్పుడు మనం తెలుసుకుందాం..
విటమిన్ డి లోపానికి కారణం: మనం ఏదైనా వేస్ట్ ఫుడ్ తినడం ప్రారంభించినప్పుడు అది శరీరంలో విటమిన్ డి లోపానికి దారితీస్తుందని నిపుణులు చెబుతున్నారు. రుచి, సౌలభ్యం కోసం అనారోగ్యకరమైన ఆహారానికి అలవాటు పడుతున్నారు జనాలు. ఇది శరీరానికి అనేక రకాలుగా హాని చేస్తుంది.
పనీర్: పాల ఉత్పత్తులు ఆరోగ్యకరమైన కొవ్వులు, విటమిన్ డి మూలాలు. ఈ పాల ఉత్పత్తులలో ఒకటి పనీర్. దీనిని రోజూ తినవచ్చు. పరిమిత పరిమాణంలో దీనిని తీసుకోవడం వల్ల శరీరంలో విటమిన్ డి, కాల్షియం లోపాన్ని అధిగమించవచ్చు.
బచ్చలికూర: ఆరోగ్యంగా ఉండాలంటే ఆకు, ఆకుకూరలు తినడం చాలా ముఖ్యం. వాటిలో ముఖ్యమైనది బచ్చలికూర. ఇందులో ఐరన్తో పాటు విటమిన్ డి మూలంగా పరిగణించబడుతుంది. దీన్ని ఆహారంలో భాగం చేసుకోండి.
పాలు: కాల్షియంతో పాటు అనేక పోషకాలు ఈ పాలలో ఉన్నాయి. పాలను రోజూ తాగడం వల్ల ఆరోగ్యానికి మంచి జరుగుతుంది. ఇందులో సహజ కొవ్వు అధికంగా ఉంటుంది. రోజూ పాలను తాగడం ద్వారా విటమిన్ డి పొందుతారు.