Health: ఎక్కిళ్లు ఎంతకీ తగ్గడం లేదా.. ఈ పద్ధతులు పాటించండి.. అంతే ప్రాబ్లమ్ సాల్వ్..
ఎక్కిళ్లు రావడం సహజమే. ఇవి అందరికీ వస్తాయి. సాధారణంగా ఇవి కొంత సమయం ఉండి, తర్వాత వాటంతట అవే తగ్గిపోతాయి. ఎక్కిళ్లు వచ్చినప్పుడు నీళ్లు తాగుతుంటాం. ఇలా చేస్తే ఇవి తగ్గిపోతాయి. కానీ కొందరిలో...
ఎక్కిళ్లు రావడం సహజమే. ఇవి అందరికీ వస్తాయి. సాధారణంగా ఇవి కొంత సమయం ఉండి, తర్వాత వాటంతట అవే తగ్గిపోతాయి. ఎక్కిళ్లు వచ్చినప్పుడు నీళ్లు తాగుతుంటాం. ఇలా చేస్తే ఇవి తగ్గిపోతాయి. కానీ కొందరిలో స్టార్ట్‌ అయిన వెంటనే తగ్గవు. నీళ్లు తాగినా ఆగవు. ఆరోగ్య సమస్యలకు దారి తీస్తాయి. అలాంటి పరిస్థితుల్లో చాలా విసుగు కలుగుతుంది. సాధారణంగా భోజనం చేసేటప్పుడు, నీరు తాగే సమయంలో పొలమారుతుంది. అప్పుడు మనం వెంటనే నీటిని తాగుతాం. ఇది కొన్ని సందర్భాల్లో ఎక్కిళ్లకూ దారి తీస్తుంది. అయితే చాలా మంది ఎవరో తలుచుకోవడం వల్లనో, తమ గురించి మాట్లాడుకోవడం వల్లనో ఇలా జరుగుతుందని భావిస్తుంటారు. కానీ అసలు నిజం అది కాదు. ఛాతీని, కడుపును వేరు చేసే డయాఫ్రం పొర హఠాత్తుగా సంకోచించటం వల్ల ఎక్కిళ్లు వస్తాయని నిపుణులు చెబుతున్నారు. దీంతో స్వరపేటిక కొద్దిసేపు మూసుకుపోయి శబ్ధం వస్తుంది. వీటినే ఎక్కిళ్లు అంటారు.
డయాఫ్రం చికాకుకు గురవటం, నాడీ సంకేతాలు అందకపోవటం వల్ల ఎక్కిళ్లు వస్తాయి. ఆహారంలో మార్పులు చేసినా కొన్ని సందర్భాల్లో ఇవి వస్తుంటాయి. చాలావరకు ఎక్కిళ్లు కొద్దిసేపటికి వాటంతటవే తగ్గిపోతాయి. కొన్ని సార్లు ఎక్కువ సేపు వేధిస్తూ ఉంటాయి. ఎక్కిళ్లను ఆపడానికి ఎన్నో పద్ధతులు పాటిస్తారు. అవేంటో ఇప్పుడు తెలుసుకుందాం. ఎక్కిళ్లను ఆపేందుకు చాలా మంది నీటిని తాగుతుంటారు. ఇది అందరికీ తెలిసిందే. అయితే నీటితో నే కాకుండా ఇతర పదార్థాలనూ ఉపయోగించి ఎక్కిళ్లను తగ్గించుకోవచ్చు.
ఎక్కిళ్లను ఆపడంలో యాలకుల పొడి అద్భుతంగా పని చేస్తుంది. ఒక గ్లాస్‌ నీటిలో చెంచా యాలకుల పొడి వేసి మరిగించాలి. ఆ నీటిని చల్లార్చి తాగితే ఎక్కిళ్లు తగ్గుతాయి. ఎక్కిళ్లను ఇబ్బంది పడుతుంటే టీ స్పూన్‌ చక్కెర నోట్లో వేసుకుని నెమ్మదిగా చప్పరించాలి. ఒక చెంచా పెరుగు తింటే చాలు. ప్రాబ్లమ్ సాల్వ్.. ఎక్కిళ్ల నుంచి త్వరగా ఉపశమనం పొందాలంటే అల్లం ముక్కను నిదానంగా నమిలి తినాలి. అల్లంలో అనేక ఔషధ గుణాలు ఉండటం వల్ల ఎక్కిళ్లు తగ్గుతాయి. ఈ పద్ధతులన్నీ పాటించినా ఎక్కిళ్లు ఆగకుంటే వైద్యులను సంప్రదించాలి.
నోట్.. ఈ కథనంలో పేర్కొన్న విషయాలు కేవలం అవగాహన కోసం మాత్రమే. వీటిని పాటించే ముందు నిపుణుల సలహాలు తీసుకోవడం ఉత్తమం.
మరిన్ని హెల్త్ వార్తల కోసం క్లిక్ చేయండి..
