Honey Health: తేనె చేదుగా ఉంటుందని మీకు తెలుసా.. ఈ ఇంట్రెస్టింగ్ విషయాలు మీ కోసం..
తేనె తియ్యగా ఉంటుందనే విషయం అందరికీ తెలుసు. అయితే తేనె చేదుగా కూడా ఉంటుందంటే నమ్ముతారా? నమ్మకలం కలగకున్నా.. నమ్మి తీరాల్సిందే. ఎందుకంటే కర్నాటకలోని చామరాజనగర్..
Updated on: Feb 14, 2023 | 5:59 PM
తేనె తియ్యగా ఉంటుందనే విషయం అందరికీ తెలుసు. అయితే తేనె చేదుగా కూడా ఉంటుందంటే నమ్ముతారా? నమ్మకలం కలగకున్నా.. నమ్మి తీరాల్సిందే. ఎందుకంటే కర్నాటకలోని చామరాజనగర్ జిల్లా లో చేదు తేనె కూడూ దొరుకుతోంది. బిలిగిరిరంగన కొండల్లో తీపి తేనెతో పాటు చేదు తేనెనూ సేకరిస్తుంటారు అక్కడి స్థానికులు. వైలెట్ ఫ్లవర్, స్టార్ ఫ్లవర్, బీట్ ఫ్లవర్ మకరందాన్ని పీల్చే తేనెటీగలు ఆ సీజన్ లో ఉత్పత్తి చేసే తేనె చేదుగా ఉంటుంది. ఈ సీజన్ లో గ్రామస్థులు.. నేరుగా అడవులకు వెళ్లి చేదు తేనెను సేకరిస్తుంటారు. గతంలో అడవి నుండి సేకరించిన తేనెతో కలిపి ప్రాసెస్ చేసేవారు. కానీ కొన్ని రోజులుగా దీనికి అడవి అనే పేరు పెట్టి.. మార్కెట్ లో విడుదల చేస్తున్నారు.
చేదు తేనెతో అనేక ఆరోగ్య ప్రయోజనాలు ఉన్నాయని అక్కడి గిరిజనులు చెబుతున్నారు. షుగర్ బాధితులకు తీపి తేనె కంటే చేదు తేనె చాలా ప్రయోజనాలు కలిగిస్తుందంటున్నారు. చేదు తేనెలో ఔషధ గుణాలు ఎక్కువగా ఉన్నాయని, దీనిని ఉపయోగించడం వల్ల ఎలాంటి ఆరోగ్య సమస్యలు రావని చెబుతున్నారు.
తేనెను ఉపయోగించేటప్పుడు కొన్ని జాగ్రత్తలు తీసుకోవాలి. వేడి ఆహారాలు, నీటిలో కలపడకుండా చూసుకోవాలి. వేడి వాతావరణంలో పనిచేస్తున్నవారు తేనె తినకూడదు. తేనెను నెయ్యితో కలపొద్దు. వేడి మసాలా ఆహారాలు, పులియబెట్టిన పానీయాలు విస్కీ, రమ్ బ్రాందీతో అస్సలు కలపొద్దు. స్పైసీ ఫుడ్తో కలిపి తేనెని తీసుకున్నప్పుడు పొట్టలో ఇబ్బంది కలిగిస్తుంది.
మరిన్ని లైఫ్ స్టైల్ వార్తల కోసం..
