Diabetes: మధుమేహ రోగులకి ఈ పండ్లు బెస్ట్‌.. ఎందుకంటే వీటిలో గ్లైసెమిక్ ఇండెక్స్‌ తక్కువ..!

Diabetes: మధుమేహ రోగులు పండ్లు తినాలంటే చాలా ఆలోచిస్తారు. ఎందుకంటే రక్తంలో షుగర్‌ లెవల్స్‌ పెరుగుతాయని భయపడుతారు. అయితే వీరు తక్కువ గ్లెసెమిక్‌

Diabetes Fruits

uppula Raju |
Updated on: May 23, 2022 | 3:54 PM

Diabetes: మధుమేహ రోగులు పండ్లు తినాలంటే చాలా ఆలోచిస్తారు. ఎందుకంటే రక్తంలో షుగర్‌ లెవల్స్‌ పెరుగుతాయని భయపడుతారు. అయితే వీరు తక్కువ గ్లెసెమిక్‌ ఇండెక్స్‌ ఉండే పండ్లని తినవచ్చు. ఇవి షుగర్‌ లెవల్స్‌ని ఎక్కువగా పెంచవు. ‘తక్కువ గ్లైసెమిక్ ఇండెక్స్’ అంటే 55 లేదా అంతకన్నా తక్కువ. ‘మధ్యస్థ గ్లైసమిక్‌ ఇండెక్స్‌’ అంటే 56 నుంచి 69 మధ్య. ‘అధిక గ్లైసెమిక్ ఇండెక్స్’ అంటే 70 కంటే ఎక్కువ. గ్లైసెమిక్ ఇండెక్స్ వల్ల మరి కొన్ని సమస్యలు కూడా ఉత్పన్నం అవుతాయి. అందుకే షుగర్ పేషెంట్లు తక్కువ గ్లైసెమిక్ ఇండెక్స్ పండ్లని ఎంచుకొని తింటే ఎటువంటి ఇబ్బంది ఉండదు. అలాంటి వాటి గురించి తెలుసుకుందాం.

చెర్రీ పండు: చాలా రుచికరమైన చెర్రీ యాంటీ ఆక్సిడెంట్ల పవర్‌హౌస్ అని చెప్పవచ్చు. ఇందులో ఉండే విటమిన్ సి, ఫైబర్ శరీరంలో జీవక్రియను తగ్గిస్తుంది. రక్తంలో చక్కెర స్థాయిల పెరుగుదల నుంచి కాపాడుతుంది. చెర్రీపండ్ల గ్లైసెమిక్ ఇండెక్స్ స్కోర్ చాలా తక్కువగా ఉంటుంది. ఇది రక్తంలో చక్కెర స్థాయిలని పెంచదు.

రేగుపండ్లు: రక్తంలో చక్కెర స్థాయిలను నియంత్రించడంలో రేగు పండ్లు బాగా ఉపయోగపడుతాయి. ఇందులో ఫైబర్, యాంటీఆక్సిడెంట్లతో పాటు 15 రకాల విటమిన్లు, మినరల్స్ ఉంటాయి. ఇందులో కేలరీలు తక్కువగా ఉంటాయి. అంతేకాకుండా రేగుపండు గ్లైసెమిక్ ఇండెక్స్ స్కోర్ 40. ఇది మధుమేహంతో బాధపడేవారికి ఒక అద్భుతమైన ఎంపిక.

ఇవి కూడా చదవండి

ఆరెంజ్: నారింజలో విటమిన్ సి, ఫైబర్, పొటాషియం వంటి ముఖ్యమైన విటమిన్లు, ఖనిజాలు ఉంటాయి. అందుకే దీనిని డయాబెటిస్ సూపర్‌ఫుడ్ అని పిలుస్తారు. నారింజలో ఫైబర్ కంటెంట్ కారణంగా జీర్ణం కావడానికి ఎక్కువ సమయం పడుతుంది. ఇది రక్తంలో చక్కెరను నెమ్మదిగా విడుదల చేయడంలో సహాయపడుతుంది. చాలా కాలం పాటు రక్తంలో గ్లూకోజ్ స్థాయిలను స్థిరీకరిస్తుంది. ఒక నారింజలో 40 నుంచి 43 గ్లైసెమిక్ ఇండెక్స్ ఉంటుంది.

యాపిల్: యాపిల్‌లో గ్లైసెమిక్ ఇండెక్స్ చాలా తక్కువగా ఉంటుంది. యాపిల్స్ రక్తంలో చక్కెర స్థాయిలను పెంచవు. అందుకే మధుమేహం ఉన్నవారికి బెస్ట్‌ అని చెప్పవచ్చు. యాపిల్స్‌లో పెద్ద మొత్తంలో విటమిన్లు, మినరల్స్‌తో పాటు ఫైబర్ ఉంటుంది. ఇది శరీరంలో చక్కెరను వేగంగా శోషించడాన్ని నిరోధిస్తుంది.

గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.

మరిన్ని హెల్త్‌ వార్తల కోసం ఇక్కడ క్లిక్ చేయండి