Heart Health: పెరుగుతున్న గుండె సమస్యలు.. నివారించాలంటే వీటిని తప్పనిసరిగా తినండి..
గుండెపోటు సమయంలో సరైన చికిత్స పొందకపోవడం వల్ల ప్రాణాలు కోల్పోయే రిస్క్ ఎక్కువగా ఉంటుంది. గుండెపోటు ఎవరికైనా ఎప్పుడైనా రావచ్చు
Updated on: Aug 08, 2022 | 2:08 PM
Food For Heart Health: ఉరుకుపరుగుల జీవితంలో చాలా మంది గుండె జబ్బుల బారిన పడుతున్నారు. పెద్దలతోపాటు.. చిన్న వయస్సులో కూడా గుండె జబ్బులు, గుండెపోటు వంటి సమస్యలు వస్తుండటం ఆందోళన కలిగిస్తోంది. గుండెపోటు అనేది జీవితానికి పెనుముప్పుగా పరిణమించే సమస్య. గుండెపోటు సమయంలో సరైన చికిత్స పొందకపోవడం వల్ల ప్రాణాలు కోల్పోయే రిస్క్ ఎక్కువగా ఉంటుంది. గుండెపోటు ఎవరికైనా ఎప్పుడైనా రావచ్చు. దీన్ని నివారించడానికి ముఖ్యంగా జీవనశైలి, ఆహారంలో మార్పులు చేసుకోవడం ఉత్తమ మార్గం. కొన్ని ఆహారాలు తీసుకోవడం ద్వారా గుండెపోటు సమస్య నుంచి బయటపడొచ్చంటున్నారు నిపుణులు. గుండెపోటు ప్రమాదాన్ని తగ్గించే ఆహారపదార్థాలు ఏమిటో ఇప్పుడు తెలుసుకోండి..
నట్స్: రోజూ నట్స్ తినడం వల్ల గుండె జబ్బుల ముప్పు చాలా వరకు తగ్గుతుందని పేర్కొంటున్నారు. ఎందుకంటే గింజలలో అసంతృప్త కొవ్వు ఉంటుంది. ఇది గుండె ఆరోగ్యాన్ని మెరుగుపరుస్తుంది. నట్స్‌లో ఒమేగా-3 ఫ్యాటీ యాసిడ్‌లు, అమినో యాసిడ్‌లు ఉంటాయి. ఇవి గుండెకు మేలు చేస్తాయి.
తృణధాన్యాలు: బ్రౌన్ రైస్, పాప్‌కార్న్ వంటి తృణధాన్యాల నుంచి తయారైన వస్తువులు గుండెకు చాలా మంచివిగా పరిగణిస్తారు. ఎందుకంటే వాటిలో ఫైబర్ అధికంగా ఉంటుంది. ఇవి గుండె జబ్బుల ప్రమాదాన్ని తగ్గిస్తాయని పేర్కొంటున్నారు.
వెల్లుల్లి: వెల్లుల్లి ఏదైనా వంటకం రుచిని మెరుగుపరచడంలో సహాయపడుతుంది. అంతే కాకుండా ఇందులో చాలా ముఖ్యమైన ఔషధ గుణాలు కూడా ఉన్నాయి. అయితే హృదయాన్ని మరింత ఆరోగ్యవంతంగా మార్చుకోవాలంటే వెల్లుల్లిని మీ ఆహారంలో భాగం చేసుకోవాలి.
పప్పుదినుసులు: గుండెను ఆరోగ్యంగా ఉంచుకోవాలనుకున్నా.. గుండెపోటు ప్రమాదాన్ని తగ్గించుకోవాలనుకున్నా తప్పనిసరిగా ఆహారంలో పప్పులను చేర్చుకోవాలి. పప్పుధాన్యాల వినియోగం గుండె ఆరోగ్యానికి మరింత మేలు చేస్తుంది. దీన్ని రోజూ తీసుకోవడం వల్ల గుండెపోటు వచ్చే ప్రమాదం తగ్గుతుంది.
మరిన్ని హెల్త్ వార్తల కోసం ఇక్కడ క్లిక్ చేయండి
