Brain Stroke: అకస్మాత్తుగా మైకము వచ్చినట్లయితే దానిని తేలికగా తీసుకోకండి.. అది స్ట్రోక్ లక్షణం కావచ్చు

ఇప్పుడున్న రోజుల్లో రకరకాల అనారోగ్య సమస్యలు వస్తున్నాయి. కారణం జీవన శైలిలో మార్పులు. టెన్షన్‌ లైఫ్‌, పని ఒత్తిడి, ఆర్థిక ఇబ్బందులు తదితర కారణాల వల్ల మనుషుల్లో అనారోగ్య సమస్యలు తలెత్తుతున్నాయి. అకస్మాత్తుగా తలతిరుగుతున్నట్లు అనిపిస్తే తేలిగ్గా తీసుకోకండి. ఇది శరీరంలో స్ట్రోక్ లక్షణం. స్ట్రోక్ అనేది ప్రమాదకరమైనది. రోగికి సకాలంలో వైద్యం అందకపోతే ప్రాణాపాయం తప్పదు. బ్రెయిన్ స్ట్రోక్ లక్షణాలు కళ్లు తిరగడం, ఆకస్మికంగా తలనొప్పి, చూపు మసకబారడం, ముఖం వాపు, ఇలాంటివన్నీ ఒక వ్యక్తికి ఇబ్బంది కలిగిస్తే తేలికగా తీసుకోవద్దు. మీరు వెంటనే ఆసుపత్రికి తీసుకెళ్లడం ఉతమమని వైద్యలు చెబుతున్నారు. ఇలాంటి సమస్యలను తేలికగా తీసుకోవడం వల్ల ప్రాణాలకే ముప్పు ఏర్పడే ప్రమాదం ఉందని అంటున్నారు.

గురుగ్రామ్‌లో ని ఆర్టెమిస్-అగ్రిమ్ ఇన్‌స్టిట్యూట్ ఆఫ్ న్యూరోసైన్స్ న్యూరో ఇంటర్వెన్షన్ అండ్ స్ట్రోక్ యూనిట్ డైరెక్టర్ విపుల్ గుప్తా టీవీ 9తో మాట్లాడుతూ భారతదేశంలో బ్రెయిన్ స్ట్రోక్ కేసులు రోజురోజుకు పెరుగుతున్నాయని చెప్పారు. ఈ వ్యాధి చాలా ప్రమాదకరమైనది. మీరు స్ట్రోక్ వచ్చిన 2 నుండి 3 గంటల లోపు సరైన చికిత్స పొందకపోతే రోగి చనిపోవచ్చు. పక్షవాతం వచ్చినప్పుడు సకాలంలో చికిత్స అందకపోవడానికి ప్రధాన కారణం ఈ వ్యాధి లక్షణాల గురించి చాలా మందికి తెలియకపోవడమే. ముఖ్యంగా గ్రామీణ ప్రాంతాల్లో ఈ వ్యాధిపై అవగాహన కొరవడింది. లక్షణాలపై అవగాహన లేకపోవడం వల్ల రోగిని ఆసుపత్రికి తీసుకెళ్లడంలో జాప్యం జరుగుతుందని ఆయన అన్నారు.

స్ట్రోక్ కేసులు పెరుగుతున్నాయి:

డాక్టర్ విపుల్ మాట్లాడుతూ భారతదేశంలో ప్రతి సంవత్సరం స్ట్రోక్ కేసులు పెరుగుతున్నాయన్నారు. ఇందుకోసం ప్రతి నగరంలో స్ట్రోక్ యూనిట్‌ను ఏర్పాటు చేయాలని అన్నారు. రోగిని ఈ స్ట్రోక్ యూనిట్‌కి తీసుకెళ్లే ముందు ఎమర్జెన్సీ క్లాట్-కరిగించే మందులను ఇవ్వాలి. అత్యవసర పరిస్థితుల్లో స్ట్రోక్ పేషెంట్‌కు క్లాట్ కరిగించే మందు ఇస్తారని, తద్వారా రోగి ఆసుపత్రికి వెళ్లేందుకు సమయం ఉంటుందని విపుల్ చెప్పారు.

ఇవి కూడా చదవండి

పిల్లలలో టైప్ 1 డయాబెటిస్‌.. అనుసరించాల్సిన చిట్కాలు

ఎండు కొబ్బరి తినడం వల్ల కలిగే ప్రయోజనాలు ఏంటో తెలుసా..?

క్యాన్సర్‌ను తరిమికొట్టే గుమ్మడికాయ.. బెనిఫిట్స్‌, సైడ్‌ ఎఫెక్ట్

ఎంత వయసొచ్చినా ఫిట్‌గా ఉండాలంటే ఈ వ్యాయామాలు తప్పక చేయాలి!

ఈ విధంగా సేవ్ చేయండి:

జీవనశైలిలో మార్పుల వల్ల స్ట్రోక్ రిస్క్ తగ్గుతుంది. ఇందుకోసం మధుమేహం, అధిక కొలెస్ట్రాల్ వంటి వ్యాధులను అదుపులో ఉంచుకోవాలి. ధూమపానం మానేయండి. అలాగే మద్యం సేవించవద్దు. 6 గంటల వ్యాయామం, మంచి ఆహారం తీసుకోండి. ఈ విషయాల్లో జాగ్రత్తలు తీసుకుంటే పక్షవాతం వచ్చే ప్రమాదాన్ని తగ్గించుకోవచ్చు.

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే నిపుణులను సంప్రదించండి.)

మరిన్ని హెల్త్‌ వార్తల కోసం ఇక్కడ క్లిక్‌ చేయండి