Foods To Purify Blood: రక్తాన్ని సహజంగా శుద్ధి చేసే ఆహారాలు.. ఆహారంలో తప్పక చేర్చుకోండి
మన శరీరంలోని అన్ని భాగాలు కూడా ఆరోగ్యంగా ఉండాలంటే అవి సక్రమంగా పనిచేయాలి. రక్త సరఫరా బాగా ఉన్నప్పుడే ఇది సాధ్యమవుతుంది. రక్తం శరీరంలోని ప్రతి భాగానికి ఆక్సిజన్‌ను తీసుకువెళ్లడమే కాదు.. ప్రోటీన్లు, కొవ్వులు, కార్బోహైడ్రేట్లు, హార్మోన్లను కూడా తీసుకువెళుతుంది. ఇది శరీర pH సమతుల్యతను నిర్వహిస్తుంది..
మన శరీరంలోని అన్ని భాగాలు కూడా ఆరోగ్యంగా ఉండాలంటే అవి సక్రమంగా పనిచేయాలి. రక్త సరఫరా బాగా ఉన్నప్పుడే ఇది సాధ్యమవుతుంది. రక్తం శరీరంలోని ప్రతి భాగానికి ఆక్సిజన్‌ను తీసుకువెళ్లడమే కాదు.. ప్రోటీన్లు, కొవ్వులు, కార్బోహైడ్రేట్లు, హార్మోన్లను కూడా తీసుకువెళుతుంది. ఇది శరీర pH సమతుల్యతను నిర్వహిస్తుంది. ఉష్ణోగ్రతను కూడా నియంత్రిస్తుంది. కాబట్టి రక్తాన్ని సరిగ్గా శుద్ధి చేయకపోతే వివిధ రకాల శారీరక సమస్యలు దాడి చేస్తాయి. అలాగే చర్మం, మూత్రపిండాలు, గుండె, కాలేయం, ఊపిరితిత్తులలో వివిధ సమస్యలు తలెత్తుతాయి. రక్తం నుంచి విషాన్ని తొలగించడానికి తగినంత నీరు తాగడంతో పాటు, కొన్ని ముఖ్యమైన ఆహారాలను కూడా తీసుకోవాలి. ఇవి కొలెస్ట్రాల్ స్థాయిలను కూడా నియంత్రిస్తాయి.
నిమ్మరసం
నిమ్మరసం రసం రక్తం, జీర్ణవ్యవస్థను శుద్ధి చేయడానికి సహాయపడుతుంది. నిమ్మకాయలోని ఆమ్ల గుణాలు శరీరంలోని pH స్థాయిని సమతుల్యం చేస్తాయి. శరీరం నుంచి విషపూరిత టాక్సిన్స్ తొలగిస్తుంది. గోరువెచ్చని నీటిలో నిమ్మరసం కలిపి తాగితే చక్కని ఆరోగ్యం మీ సొంతం అవుతుంది.
బీట్‌రూట్ రసం
బీట్‌రూట్ కూడా రక్త శుద్ధిలో సహాయపడుతుంది. ఈ కూరగాయ హిమోగ్లోబిన్ స్థాయిని పెంచడానికి, రక్తాన్ని నిర్విషీకరణ చేయడానికి సహాయపడుతుంది. రక్తపోటును కూడా అదుపులో ఉంచుతుంది.
పసుపు
పసుపు సాధారణంగా ప్రతి ఇంటి వంట గదిలోనూ ఉంటుంది. ఇది రక్తాన్ని శుద్ధి చేస్తుంది. వాపుతో పోరాడుతుంది. కాలేయ పనితీరును పెంచుతుంది. పాలలో పసుపు కలిపి తాగడం వల్ల శరీరానికి మేలు జరుగుతుంది. అంతేకాదు రోజూ వంటల్లో పసుపును ఉపయోగించడం ఆరోగ్యానికి చాలా మంచిది.
వెల్లుల్లి
కొంతమందికి వెల్లుల్లి వాసన పెద్దగా నచ్చదు. అందుకే కొంతమంది పచ్చి వెల్లుల్లిని తినడానికి సంకోచిస్తారు. కానీ వెల్లుల్లి కాలేయం, రక్తాన్ని నిర్విషీకరణకు సహాయపడుతుంది. వెల్లుల్లిలోని యాంటీ బ్యాక్టీరియల్ లక్షణాలు రక్తాన్ని శుద్ధి చేసి పేగు ఆరోగ్యాన్ని మెరుగుపరుస్తాయి. పచ్చి వెల్లుల్లిని అన్నంతో రోజూ తినవచ్చు.
బ్రోకోలీ
బ్రోకోలీ ఆరోగ్యానికి చాలా మంచిది. ఇందులో కాల్షియం, ఒమేగా-3 ఫ్యాటీ యాసిడ్స్, విటమిన్ సి, పొటాషియం, మాంగనీస్, ఫాస్పరస్, యాంటీ ఆక్సిడెంట్లు పుష్కలంగా ఉంటాయి. ఇవి రక్తాన్ని సహజంగా శుద్ధి చేస్తాయి. రోగనిరోధక శక్తిని పెంచుతాయి.
