Pistachio Benefits: పిస్తా పప్పు తింటున్నారా.. బెనిఫిట్స్ తో పాటు నష్టాలు కూడా ఉన్నాయండోయ్!
నట్స్ లో ఒకటి పిస్తా. వీటి గురించి ప్రత్యేకంగా చెప్పాల్సిన అవసరం లేదు. ప్రస్తుతం ఇప్పుడున్న కాలంలో చాలా మంది ఆరోగ్యంపై శ్రద్ధ పెట్టారు. ఇందులో భాగంగానే డ్రై ఫ్రైట్స్ ను కూడా వారి డైట్ లో యాడ్ చేసుకుంటున్నారు. పిస్తాను చాలా మంది ఇష్టంగా తింటూంటారు. ఇవి రుచికి కూడా చాలా బావుంటాయి. ఇందులో పోషక విలువలు కూడా ఎక్కువే. వీటిల్లో ప్రొటీన్, ఫైబర్, యాంటీ ఆక్సిడెంట్లు, కాల్షియం, ఐరన్, పొటాషియం, మెగ్నీషియం, విటమిన్ ఏ, బి వంటి పుష్కలంగా ఉన్నాయి. ముఖ్యంగా పిస్తా తినడం వల్ల మెదడు ఆరోగ్యంగా..
Updated on: Sep 10, 2023 | 1:00 PM
నట్స్ లో ఒకటి పిస్తా. వీటి గురించి ప్రత్యేకంగా చెప్పాల్సిన అవసరం లేదు. ప్రస్తుతం ఇప్పుడున్న కాలంలో చాలా మంది ఆరోగ్యంపై శ్రద్ధ పెట్టారు. ఇందులో భాగంగానే డ్రై ఫ్రైట్స్ ను కూడా వారి డైట్ లో యాడ్ చేసుకుంటున్నారు. పిస్తాను చాలా మంది ఇష్టంగా తింటూంటారు. ఇవి రుచికి కూడా చాలా బావుంటాయి. ఇందులో పోషక విలువలు కూడా ఎక్కువే. వీటిల్లో ప్రొటీన్, ఫైబర్, యాంటీ ఆక్సిడెంట్లు, కాల్షియం, ఐరన్, పొటాషియం, మెగ్నీషియం, విటమిన్ ఏ, బి వంటి పుష్కలంగా ఉన్నాయి. ముఖ్యంగా పిస్తా తినడం వల్ల మెదడు ఆరోగ్యంగా, చురుకుగా పని చేస్తుంది. పిస్తా పప్పు తీసుకోవడం వల్ల చాలా ప్రయోజనాలు ఉన్నాయి. అలాగే ఎక్కువగా తినడం వల్ల కలిగే నష్టాలు గురించి కూడా ఇప్పుడు తెలుసుకుందాం.
పిస్తా పప్పు ప్రయోజనాలు:
కంటి చూపు మెరుగు పడుతుంది: పిస్తాలో ఉండే విటమిన్ ఏ వల్ల.. కంటి చూపు మెరుగు పడడమే కాకుండా.. వయసు పైబడడం వల్ల వచ్చే కంటి చూపు సమస్యలు రాకుండా చూస్తుంది.
ఎముకలు బలంగా ఉంటాయి: పిస్తాను క్రమ తప్పకుండా తీసుకుంటూ ఉంటే ఎముకలు బలంగా ఉంటాయి. ఎముకలకు సంబంధించిన సమస్యలు కూడా దరి చేరవు.
లైంగిక సామర్థ్యం పెరుగుతుంది: పురుషులు పిస్తా పప్పును తినడం వల్ల లైంగిక సామర్థ్యం పెరుగుతుంది.
మధుమేహం కంట్రోల్ లో ఉంటుంది: పిస్తాను తినడం వల్ల రక్తంలో చక్కెర స్థాయి అదుపులో ఉంటాయి. షుగర్ వ్యాధి ఉన్న వారు కూడా పిస్తాను ఆహారంగా తీసుకోవచ్చు.
చాలా సమస్యలకు చెక్: పిస్తా పప్పు క్రమం తప్పకుండా తీసుకుంటే బరువు కంట్రోల్ లో ఉంటుంది. అలాగే చర్మం కూడా ఆరోగ్యంగా ఉంటుంది. రక్త హీనత సమస్య ఉంటే తగ్గుతుంది.
పిస్తా పప్పును అతిగా తినడం వల్ల నష్టాలు:
పిస్తా పప్పు రుచిగా ఉండటం వల్ల చాలా మంది ఎక్కువగా తినేస్తూంటారు. అయితే ఇలా చేయడం చాలా పెద్ద తప్పు. దీనివల్ల చాలా నష్టాలు ఉన్నాయి. కిడ్నీల్లో రాళ్లు ఏర్పడే అవకాశం ఉంది. అలాగే చర్మంపై దురద, దద్దుర్లు, తుమ్ములు వస్తాయి. అలాగే బరువు కూడా పెరుగుతారు. కడుపు నొప్పి, కడుపు ఉబ్బరం వంటి సమస్యలు కూడా తలెత్తుతాయి. రోజుకు కేవలం నాలుగు లేదా 5 పిస్తా పప్పులు మాత్రమే మనల్ని ఆరోగ్యంగా ఉండేలా చేస్తాయి. అంతకు మించి తింటే అనారోగ్య సమస్యలు తలెత్తుతాయని నిపుణులు చెబుతున్నారు.
మరిన్ని హెల్త్ వార్తల కోసం ఇక్కడ క్లిక్ చేయండి
