Garlic Peel Benefits: వెల్లుల్లి పొట్టును పడేస్తున్నారా.. దానితో ఎన్ని రకాల ఉపయోగాలు ఉన్నాయో తెలుసా!
వెల్లుల్లి ఆరోగ్యానికి ఎంతో మేలు చేస్తుందన్న విషయం తెలిసిందే. ఉదయం ఖాళీ కడుపుతో పచ్చి వెల్లుల్లి తిన్నా.. లేదా వంటల రూపంలో తీసుకున్నా ఎన్నో ఆరోగ్య ప్రయోజనాలు ఉన్నాయి. సరైన మోతాదులో వెల్లుల్లిని తీసుకుంటే గుండె ఆరోగ్యం మెరుగు పడటంతో పాటు రోగ నిరోధక శక్తిని కూడా పెంచుకోవచ్చు. చర్మానికి, జుట్టుకు, ఆరోగ్యానికి ఇలా చాలా రకాలుగా వెల్లుల్లి మనకు ఉపయోగ పడుతుంది. అయితే వెల్లుల్లి మాత్రమే కాదు వెల్లుల్లి పొట్టు వల్ల కూడా ఎన్నో రకాల..
Chinni Enni | Edited By: Phani CH
Updated on: Oct 06, 2023 | 10:08 PM
వెల్లుల్లి ఆరోగ్యానికి ఎంతో మేలు చేస్తుందన్న విషయం తెలిసిందే. ఉదయం ఖాళీ కడుపుతో పచ్చి వెల్లుల్లి తిన్నా.. లేదా వంటల రూపంలో తీసుకున్నా ఎన్నో ఆరోగ్య ప్రయోజనాలు ఉన్నాయి. సరైన మోతాదులో వెల్లుల్లిని తీసుకుంటే గుండె ఆరోగ్యం మెరుగు పడటంతో పాటు రోగ నిరోధక శక్తిని కూడా పెంచుకోవచ్చు. చర్మానికి, జుట్టుకు, ఆరోగ్యానికి ఇలా చాలా రకాలుగా వెల్లుల్లి మనకు ఉపయోగ పడుతుంది. అయితే వెల్లుల్లి మాత్రమే కాదు వెల్లుల్లి పొట్టు వల్ల కూడా ఎన్నో రకాల ఉపయోగాలు ఉన్నాయన్న విషయం చాలా మందికి తెలీదు. వెల్లుల్లిని తీసి దానిపై ఉండే పొట్టును పడేస్తారు. ఈ వెల్లుల్లి పొట్టుని ఇలా కూడా వాడవచ్చా అని షాక్ అవుతారు. చాలా రకాల బెనిఫిట్స్ ఉన్నాయి. అందులో కొన్ని ఇప్పుడు తెలుసుకుందాం.
టీ చేసుకోవచ్చు:
అదేంటి షాక్ అవుతున్నారా.. అవును వెల్లుల్లి పొట్టుతో టీ కూడా చేసుకోవచ్చు. వెల్లుల్లి పొట్టును నీటిలో వేసి బాగా మరిగించి టీలా తయారు చేసుకోవచ్చు. దీన్ని వడ కట్టి తాగితే.. ఆరోగ్యానికి చాలా మంచిది. ముఖ్యంగా జీర్ణ సమస్యలు ఉండవు.
స్క్రబర్ లా ఉపయోగించుకోవచ్చు:
చాలా మంది ఫేస్ కి రక రకాల స్క్రబర్స్ ని వాడుతూంటారు. వెల్లుల్లి పొట్టుని కూడా మనం ముఖానిక స్క్రబర్ లా వాడవచ్చు. ఈ పొట్టును పౌడర్ లా చేసుకుని.. అందులో కొద్దిగా పాలు లేదా నీలు కలిపి ఫేస్ కి స్క్రబర్ లా ఉపయోగించుకోవచ్చు.
మట్టి పాత్రలను క్లీన్ చేయవచ్చు:
వెల్లుల్లి పొట్టుతో మట్టి పాత్రలను శుభ్ర పరుచుకోవచ్చు. ఇలా చేస్తే మట్టి పాత్రల్లో ఉండే దుర్వాసన పోతుంది.
బట్టలు ఉండే చోట పెట్టవచ్చు:
సాధారణంగా మనం బట్టలు పెట్టుకునే చోట.. ఈ పొట్టును ఒక కవర్లో వేసి పెడితే.. గాలిలో ఉన్న దుర్వాసన పోతుంది.
ఎరువుగా ఉపయోగించుకోవచ్చు:
కంపోస్ట్ ఎరువులో వెల్లుల్లి పొట్టును కూడా వేసి తయారు చేసుకోవచ్చు. అలాగే ఇంటి వద్ద ఉన్న మొక్కలకు ఎరువుగా ఈ పొట్టును ఉపయోగించుకోవచ్చు.
వంటల్లో ఉపయోగించవచ్చు:
వెల్లుల్లి పొట్టును మిక్సీలో వేసి మెత్తని పౌడర్ లా చేసుకోవాలి. ఈ పొడికి ఉప్పును కలిపి నిల్వ చేసుకోవాలి. దీన్ని వంటల్లో వేసుకుంటూ ఉంటే మంచి టేస్ట్ వస్తుంది.
సలాడ్స్ లో వాడవచ్చు:
ఒక గాజు కంటైనర్ లో కానీ చిన్న జాడీలో కానీ ఆలీవ్ ఆయిల్ వేసుకుని అందులో వెల్లుల్లి పొట్టును కూడా వేసి.. కొన్ని రోజుల పాటు నిల్వ చేసుకోవాలి. ఇలా తయారు చేసిన మిశ్రమాన్ని సలాడ్స్ లో యూజ్ చేసుకోవచ్చు. ఆలీవ్ ఆయిల్ ప్లేస్ లో వెనిగర్ ను కూడా ఉపయోగించుకోవచ్చు.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణుల నుంచి సేకరించిన సమాచారం. వీటిని ఫాలో అయ్యే ముందు ఒకసారి వైద్యుల్ని సంప్రదించడం మేలు.
