Health Tips: ఉదయం లేవగానే ఈ ఆహారాలను తీసుకుంటున్నారా.. అయితే డేంజర్ లో పడ్డట్లే!
ఉదయం లేవగానే కొందరు కాఫీ లేదా టీలు తాగుతారు. మరికొందరు పండ్ల రసాలను తాగుతూంటారు. ఆ తర్వాత ఎవరికి ఇష్టం వచ్చినట్లు వారు బ్రేక్ ఫాస్ట్ లను తీసుకుంటూ ఉంటారు. అయితే ఉదయం లేవగానే పరగడుపున తీసుకునే ఆహారం చాలా ముఖ్యం. ఖాళీ కడుపుతో తీసుకునే ఆహారంపైనే మన లైఫ్ ఆధారపడి ఉంటుంది. కాబట్టి ఇలాంటి ఆహార విషయాల్లో తగిన జాగ్రత్తలు తీసుకోవాలి. లేదంటే అనారోగ్య సమస్యల బారిన పడ్డట్లే. రోజంతా ఉత్సాహంగా ఉండాలంటే.. మంచి హెల్దీ..
ఉదయం లేవగానే కొందరు కాఫీ లేదా టీలు తాగుతారు. మరికొందరు పండ్ల రసాలను తాగుతూంటారు. ఆ తర్వాత ఎవరికి ఇష్టం వచ్చినట్లు వారు బ్రేక్ ఫాస్ట్ లను తీసుకుంటూ ఉంటారు. అయితే ఉదయం లేవగానే పరగడుపున తీసుకునే ఆహారం చాలా ముఖ్యం. ఖాళీ కడుపుతో తీసుకునే ఆహారంపైనే మన లైఫ్ ఆధారపడి ఉంటుంది. కాబట్టి ఇలాంటి ఆహార విషయాల్లో తగిన జాగ్రత్తలు తీసుకోవాలి. లేదంటే అనారోగ్య సమస్యల బారిన పడ్డట్లే. రోజంతా ఉత్సాహంగా ఉండాలంటే.. మంచి హెల్దీ అయిన డైట్ తీసుకోవాలి. మరి హెల్దీగా ఉండాలంటే పరగడుపున ఎలాంటి ఆహారం తీసుకోవాలో, ఎలాంటి ఆహారం తీసుకోకూడదో ఇప్పుడు తెలుసుకుందాం.
శీతల పానీయాలు:
ఉదయం లేవగానే కొంత మంది శీతల పానీయాలను తాగుతూంటారు. ఇది ఎంత మాత్రం శ్రేయస్సు కాదు. ఉదయం ఖాళీ కడుపులో హైడ్రోక్లోరిక్ యాసిడ్ అనేది ఉంటుంది. ఉదయాన్నే శీతల పానీలు తాగడం వల్ల అది మరింత ఎక్కువై గ్యాస్, కడుపు ఉబ్బరం, అరుగుదల వంటి సమస్యలు తలెత్తుతాయి. కాబట్టి లేచిన వెంటనే శీతల పానీయాలు తాగకూడదు.
పుల్లటి పండ్లు, జ్యూస్ లు:
పరగడుపునే పుల్లటి పండ్లు, జ్యూస్ లను తినకూడదని నిపుణులు చెబుతున్నారు. పైనాపిల్, బత్తాయి, నారింజ వంటి వాటిని తాగడం వల్ల గ్యాస్, అజీర్తి సమస్యలు మరింత ఎక్కువ అయ్యే అవకాశాలు ఉన్నాయట. ఈ జ్యూస్ లు హైడ్రోక్లోరిక్ యాసిడ్ ని ఉత్పత్తి చేస్తాయి. కాబట్టి ఖాళీ కడుపుతో వీటిని తీసుకోకుండా దూరంగా ఉంచితేనే బెటర్ అని చెబుతున్నారు.
ఘాటు పదార్థాలు:
ఉదయం ఖాళీ కడుపుతో ఘాటుగా ఉన్న ఆహార పదార్థాలను తీసుకోకూడదట. మసాలాలు, కారం ఎక్కువగా ఉన్న ఆహారాలను తినడం వల్ల ప్రేగుల ఆరోగ్యం దెబ్బతింటుంది. దీంతో జీర్ణ సంబంధిత సమస్యలు తలెత్తే అవకాశాలు ఉన్నాయని అంటున్నారు.
కాఫీ – టీ:
ఉదయం లేవగానే చాలా మంది కనీసం నోరు కూడా క్లీన్ చేసుకోకుండా కాఫీ, టీలను తాగేస్తూంటారు. కాఫీ, టీలను కూడా తీసుకోవచ్చు. కానీ ముందు నోరు శుభ్రం చేసుకోవాలి. ఆ తర్వాత నీరు త్రాగి ఏదైనా తీసుకోవాలి. కానీ నేరుగా మాత్రం వీటిని అస్సలు తీసుకోకూడదు. ఇలా తాగడం వల్ల ప్రేగు సమస్యలు, జీర్ణ సమస్యలు, గ్యాస్, అజీర్తి వంటి ప్రాబ్లమ్స్ ని ఫేస్ చేయాల్సి ఉంటుంది.
కాబట్టి లేవగానే ఇలాంటి ఆహారాల పట్ల దూరంగా ఉండాలని నిపుణులు సూచిస్తున్నారు. వీలైనంత వరకూ పరగడుపున తీసుకునే ఆహారంలో ప్రొటీన్స్, విటమిన్లు, మినరల్స్ వంటి పోషకాలు ఉండేలా చూసుకోవాలి. లేవగానే నీరు తాగడం ఉత్తమమని నిపుణులు సూచిస్తున్నారు.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణుల నుంచి సేకరించిన సమాచారం. దీన్ని ఫాలో అయ్యే ముందు ఒకసారి వైద్యుల్ని సంప్రదించడం మేలు.
