Mahesh Babu: మహేష్ సినిమా కోసం ఆ సీనియర్ హీరోయిన్‌ను రంగంలోకి దింపనున్నారా.?
ఇప్పుడు అందరి చూపు సూపర్ స్టార్ మహేష్ బాబు(Mahesh Babu)త్రివిక్రమ్ కాంబోలో రాబోతున్న సినిమాపైనే.. దాదాపు పుష్కర కాలం తర్వత ఈ ఇద్దరు కలిసి సినిమా చేస్తుండటంతో అభిమానులు ఫుల్ ఖుష్ అవుతున్నారు.
ఇప్పుడు అందరి చూపు సూపర్ స్టార్ మహేష్ బాబు(Mahesh Babu)త్రివిక్రమ్ కాంబోలో రాబోతున్న సినిమాపైనే.. దాదాపు పుష్కర కాలం తర్వత ఈ ఇద్దరు కలిసి సినిమా చేస్తుండటంతో అభిమానులు ఫుల్ ఖుష్ అవుతున్నారు. రీసెంట్ గా మహేష్ బాబు సర్కారు వారి పాట సినిమాతో హిట్ అందుకున్న విషయం తెలిసిందే. పరశురామ్ దర్శకత్వం వహించిన ఈ సినిమా మంచి విజయాన్ని అందుకుంది. అటు త్రివిక్రమ్ కూడా అల వైకుంఠపురం సినిమా తర్వాత భీమ్లానాయక్ సినిమాకు మాటలు, స్క్రీన్ ప్లే అందించి హిట్ అందుకున్నారు. ఇక ఇప్పుడు మహేష్ కోసం ఓ పవర్ ఫుల్ కథను సిద్ధం చేసి రంగంలోకి దిగుతున్నారు. మొనీమద్యే ఈ మూవీ షూటింగ్ మొదలైంది. కంప్లీట్ యాక్షన్ ఎంటర్టైనర్‌గా ఈ సినిమాను తెరకెక్కించనున్నాడు గురూజీ. పూజాహెగ్డే హీరోయిన్ గా నటిస్తున్న ఈ సినిమాకు తమన్ స్వరాలు అందించనున్నారు. ఇదిలా ఉంటే ఈ సినిమాకు సంబంధించిన ఓ ఇంట్రెస్టింగ్ వార్త ఫిలిం సర్కిల్ లో చక్కర్లు కొడుతోంది.
ఈ సినిమాలో కీలక పాత్ర కోసం ఓ సీనియర్ నటిని సంప్రదిస్తున్నారట. మాములుగా త్రివిక్రమ్ సినిమాలో కీలక పాత్ర కోసం సీనియర్ నటులను తీసుకుంటూ ఉంటారు. నదియా, కుష్బూ, టబు లాంటి హీరోయిన్స్ ను తన సినిమాలో పవర్ ఫుల్ లేడీ పాత్రల్లో చూపించారు త్రివిక్రమ్. ఇక మహేష్ సినిమాలో కూడా లాంటి పాత్ర కోసం సీనియర్ నటి రమ్యకృష్ణను సంప్రదిస్తున్నారట. రమ్యకృష్ణ ఇటీవల వరుస సినిమాలతో బిజీగా ఉన్న విషయం తెలిసిందే. బాహుబలి సినిమా తర్వాత జోరుపెంచిన రమ్యకృష్ణ రీసెంట్‌గా లైగర్ సినిమాలో నటించి మెప్పించారు. ఇక మహేష్ సినిమాలో ఎలాంటి పాత్రలో కనిపిస్తారో.. అసలు ఈ వార్తల్లో వాస్తవమెంత అన్నది తెలియాల్సి ఉంది.
