Balakrishna: బాలయ్య వారసుడి ఎంట్రీకి రంగం సిద్ధం… దర్శకుడు ఎవరంటే

నటసింహం నందమూరి బాలకృష్ణ ఇప్పటికీ యంగ్ హీరోలతో పోటీ పడుతూ సినిమాలు చేసి హిట్ అందుకుంటున్నారు. ఇప్పటికే భగవంత్ కేసరి సినిమాతో సాలిడ్ హిట్ అందుకున్న బాలయ్య. ఇప్పుడు బాబీ డైరెక్షన్ లో సినిమా కోసం రెడీ అవుతున్నారు. అలాగే డైనమిక్ డైరెక్టర్ పూరిజగన్నాథ్ దర్శకత్వంలో ఓ సినిమా.. హరీష్ శంకర్ డైరెక్షన్ లో ఓ సినిమా చేయనున్నాడు బాలయ్య. ఇదిలా ఉంటే బాలకృష్ణ వారసుడు మోక్షజ్ఞ ఎంట్రీ కోసం నందమూరి అభిమానులంతా ఎంతో ఈగర్ గా ఎదురుచూస్తున్నారు. మోక్షజ్ఞ ఎంట్రీ అంటూ ఇప్పటికే చాలా వార్తలు వచ్చాయి.కానీ సాలిడ్ అప్డేట్ మాత్రం రాలేదు. బాలకృష్ణ కూడా మోక్షజ్ఞ ఎంట్రీ ఉంటుందని ఇప్పటికే చాలా సార్లు చెప్పారు. తాజాగా బాలయ్య వారసుడి గురించి క్రేజీ న్యూస్ ఫిలిం సర్కిల్స్ లో చక్కర్లు కొడుతోంది.

త్వరలోనే మోక్షజ్ఞ హీరోగా ఎంట్రీ ఇవ్వనున్నడని తెలుస్తోంది. నటసింహం వరుసగా సినిమాలు చేస్తున్న విషయం తెలిసిందే బాలయ్య లైనప్ చేసిన సినిమాల్లో అఖండ 2 ఒకటి బోయపాటి, బాలయ్య కాంబినేషన్ లో వచ్చిన ఈ సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. గతంలో ఈ ఇద్దరి కాంబోలో వచ్చిన సింహ , లెజెండ్ సినిమాను కూడా భారీ విజయాలను అందుకున్నాయి.

ఇక ఇప్పుడు అఖండ 2 రాబోతుంది. ఈ సినిమాతోనే మోక్షజ్ఞ ఎంట్రీ ఇవ్వనుండని తెలుస్తోంది. బోయపాటి డైరెక్షన్ లో అయితే సాలిడ్ ఎంట్రీ ఉంటుందని బాలయ్య ప్లాన్ చేశారట. బోయపాటి కూడా అదే రేంజ్ లో ఉండేలా కథను కూడా సిద్ధం చేస్తున్నారట. మోక్షజ్ఞ ఎంట్రీ మూవీ ‘ఆదిత్య 369’ సీక్వెల్  అవుతుందని గతంలో వార్తలు వచ్చాయి.కానీ ఇప్పుడు బోయపాటి చేతికి తన వారసుడి ఎంట్రీ బాధ్యతలు అప్పజెప్పారట బాలయ్య. త్వరలోనే దీని పై అధికారిక ప్రకటన వచ్చే అవకాశం ఉంది.

Cast Your Vote For A Change 🖐️#TelanganaElection2023 pic.twitter.com/ot8xuGiwSo

— Nandamuri Mokshagna Teja (@Mokshagna_Offl) November 30, 2023

మరిన్ని సినిమా వార్తల కోసం ఇక్కడ క్లిక్ చేయండి