Pawan Kalyan: ఏపీ డిప్యూటీ సీఎం పవన్ కల్యాణ్ను కలిసిన టాలీవుడ్ నిర్మాతలు.. ఏం చర్చించారంటే?
ఏపీ డిప్యూటీ సీఎం పవన్కళ్యాణ్తో సినీ నిర్మాతలు భేటీ అయ్యారు. అల్లు అరవింద్, అశ్వనీదత్, ఏఎం రత్నం, దిల్రాజు, దగ్గుపాటి సురేష్ సహా పలువురు సినీ ప్రముఖులు డిప్యూటీ సీఎం పవన్ని కలిశారు. సినిమాటోగ్రఫీశాఖ మంత్రి కందుల దుర్గేష్ కూడా ఈ సమావేశంలో పాల్గొన్నారు.
![Pawan Kalyan: ఏపీ డిప్యూటీ సీఎం పవన్ కల్యాణ్ను కలిసిన టాలీవుడ్ నిర్మాతలు.. ఏం చర్చించారంటే?](https://images.tv9telugu.com/wp-content/uploads/2024/06/pawan-kalyan-tollywood-pro.jpg?w=1280)
ఏపీ డిప్యూటీ సీఎం పవన్కళ్యాణ్తో సినీ నిర్మాతలు భేటీ అయ్యారు. అల్లు అరవింద్, అశ్వనీదత్, ఏఎం రత్నం, దిల్రాజు, దగ్గుపాటి సురేష్ సహా పలువురు సినీ ప్రముఖులు డిప్యూటీ సీఎం పవన్ని కలిశారు. సినిమాటోగ్రఫీశాఖ మంత్రి కందుల దుర్గేష్ కూడా ఈ సమావేశంలో పాల్గొన్నారు. ఏపీలో సినీరంగ అభివృద్ధి, విస్తరణపై చర్చించారు. డిప్యూటీ సీఎంని కలవడం చాలా సంతోషంగా ఉందన్నారు నిర్మాత అల్లు అరవింద్. టికెట్ల అంశం చాలా చిన్న విషయం. అంతకన్నా పెద్ద సమస్యలు ఉన్నాయి. వాటిపై త్వరలోనే ప్రభుత్వానికి వినతిపత్రం ఇస్తామన్నారు. సినీ ఇండస్ట్రీ తరపున అభినందించేందుకు సీఎం అపాయింట్మెంట్ ఇప్పించాలని కోరామన్నారు అల్లు అరవింద్. చంద్రబాబు అపాయింట్మెంట్ ఇస్తే.. సినీ ఇండస్ట్రీలోని అన్ని అసోషియేషన్ల నుంచి ప్రతినిధులు వచ్చి సీఎంకి సన్మానం చేయనున్నారు. ఇండస్ట్రీలోని సమస్యలపై సీఎంకు వినతిపత్రం ఇచ్చే ఆలోచనలో ఉంది టాలీవుడ్.
మరోవైపు ముఖ్యమంత్రి, ఉప ముఖ్యమంత్రులను సినీ పరిశ్రమ తరఫున అభినందించడానికి అపాయింట్మెంట్ అడిగినట్టు అల్లు అరవింద్ తెలిపారు. తమ విజ్ఞప్తికి ఉప ముఖ్యమంత్రి పవన్ కళ్యాణ్ గా సానుకూలంగా స్పందించినట్టు ఆయన తెలిపారు. ముఖ్యమంత్రి చంద్రబాబు నాయుడు గారితో మాట్లాడతానని పవన్ కళ్యాణ్ హామీ ఇచ్చారన్నారు. తెలుగు చిత్ర పరిశ్రమలో ఉన్న సమస్యలపై పూర్తి స్థాయిలో చర్చించలేదనీ, త్వరలోనే మరోసారి కలిసి చిత్ర పరిశ్రమ సమస్యలు, రాష్ట్రంలో సినీ రంగ విస్తరణకు ఉన్న అవకాశాలపై చర్చిస్తామని తెలిపారు. . ఈ సమావేశంలో రాష్ట్ర పర్యాటక సినిమాటోగ్రఫి శాఖ మంత్రి కందుల దుర్గేష్ , నిర్మాతలు సి.అశ్వనీదత్, ఎ.ఎం.రత్నం, డి.సురేష్ బాబు, ఎస్.రాధాకృష్ణ (చినబాబు), దిల్ రాజు, భోగవల్లి ప్రసాద్, డి.వి.వి.దానయ్య , సుప్రియ, ఎన్.వి.ప్రసాద్, బన్నీ వాసు, నవీన్ ఎర్నేని, నాగవంశీ, టి.జి.విశ్వప్రసాద్, వంశీ కృష్ణ, వై.రవిశంకర్ తదితరులు పాల్గొన్నారు.
పవన్ తో టాలీవుడ్ నిర్మాతలు.. వీడియో ఇదిగో..
ఆంధ్రప్రదేశ్ రాష్ట్ర ఉప ముఖ్యమంత్రి శ్రీ @PawanKalyan గారితో తెలుగు సినీ నిర్మాతల భేటీ
ఇండస్ట్రీ ఎదుర్కొంటున్న సమస్యలు, రాష్ట్రంలో సినీ పరిశ్రమ అభివృద్ధి గురించి చర్చించిన నిర్మాతలు, సినీ పరిశ్రమకు అండగా ఉంటుందని హామీ ఇచ్చిన గౌ. ఉప ముఖ్యమంత్రి శ్రీ పవన్ కళ్యాణ్ గారు. pic.twitter.com/oCqZghQ8Zt
— JanaSena Party (@JanaSenaParty) June 24, 2024
ఉప ముఖ్యమంత్రి శ్రీ పవన్ కళ్యాణ్ గారిని కలిసిన తెలుగు సినీ నిర్మాతలు
గౌరవ ముఖ్యమంత్రి, ఉప ముఖ్యమంత్రులను సినీ పరిశ్రమ తరఫున అభినందించడానికి అపాయింట్మెంట్ అడిగినట్టు, తమ విజ్ఞాపనకు ఉప ముఖ్యమంత్రి శ్రీ పవన్ కళ్యాణ్ గారు సానుకూలంగా స్పందించినట్టు ప్రముఖ నిర్మాత శ్రీ అల్లు అరవింద్… pic.twitter.com/PhxWR3qXAw
— JanaSena Party (@JanaSenaParty) June 24, 2024
ఆంధ్రప్రదేశ్ రాష్ట్ర ఉప ముఖ్యమంత్రి శ్రీ @PawanKalyan గారిని, విజయవాడలోని ఆయన క్యాంప్ కార్యాలయంలో కలిసి అభినందించి, సినిమా ఇండస్ట్రీపై చర్చించేందుకు సమావేశమైన తెలుగు సినీ నిర్మాతలు
* తెలుగు చిత్ర పరిశ్రమ ఎదుర్కొంటున్న సమస్యలు, రాష్ట్రంలో సినిమా రంగం అభివృద్ధికి ఉన్న అవకాశాలు,… pic.twitter.com/U43pMwiRat
— JanaSena Party (@JanaSenaParty) June 24, 2024
మరిన్ని సినిమా వార్తల కోసం ఇక్కడ క్లిక్ చేయండి.