Tollywood: మన సినిమాల్లో మలయాళ వాసనలు.. టాలీవుడ్ వైపు అడుగులేస్తున్న స్టార్స్ వీరే
ఈ మధ్య కాలంలో క్రేజ్ ఉన్న ప్రాజెక్టులను కరెక్ట్ గా పరిశీలిస్తే ఎక్కడో ఒకచోట మలయాళం టచ్ కనిపిస్తుంది. మాలీవుడ్ హీరోలు చేసిన తెలుగు సినిమాల మీద మనవాళ్లు స్పెషల్ అటెన్షన్ పెడుతున్నారు.
Updated on: Sep 24, 2022 | 1:10 PM
ఈ మధ్య కాలంలో క్రేజ్ ఉన్న ప్రాజెక్టులను కరెక్ట్ గా పరిశీలిస్తే ఎక్కడో ఒకచోట మలయాళం టచ్ కనిపిస్తుంది. మాలీవుడ్ హీరోలు చేసిన తెలుగు సినిమాల మీద మనవాళ్లు స్పెషల్ అటెన్షన్ పెడుతున్నారు. ఫీమేల్ ఓరియంటెడ్ సినిమా అయినా, కథలో బలం ఉన్న సబ్జెక్ట్ అయినా, సినిమాకు ప్యాన్ ఇండియా అప్పీల్ కావాలనుకుంటున్న ప్రతి సారీ మేకర్స్ మలయాళ హీరోల మీద కాన్సెన్ట్రేట్ చేస్తున్నారు. ఇప్పుడు ఎక్కడ చూసినా అందరి నోటా ఒకటే మాట. సీతారామం సినిమాను మళ్లీ మళ్లీ చూస్తున్నాం అని! రామ్గా దుల్కర్ సల్మాన్ యాక్టింగ్కి ఫిదా అయిపోయారు జనాలు. దుల్కర్కి తెలుగులో ఇదేం ఫస్ట్ స్ట్రయిట్ సినిమా కాదు. ఆల్రెడీ మహానటి చేశారు. ఇప్పుడు సీతారామమ్తో మరోసారి తెలుగు ఆడియన్స్ ని ఫిదా చేశారు. అలాగే శాకుంతలం సినిమా ప్రమోషన్లు స్పీడందుకున్నాయి. ఈ సినిమాలో శకుంతలగా సమంతకు ఎంత క్రేజ్ ఉందో, అంతకు మించి వైరల్ అయింది దేవ్ మోహన్ పేరు. మలయాళంలో దేవ్ ఫిల్మోగ్రఫీ కూడా పెద్దదేం కాదు. కానీ దుష్యంతుడి కేరక్టర్కి పక్కాగా సెట్ అవుతారని సెలక్ట్ చేసుకున్నారు డైరక్టర్ గుణశేఖర్.
శాకుంతలంలోనే కాదు, యశోదలోనూ మలయాళ హీరోతోనే జోడీ కడుతున్నారు సమంత. న్యూ ఏజ్ యాక్షన్ థ్రిల్లర్గా తెరకెక్కుతోంది యశోద. రీసెంట్గా రిలీజైన టీజర్కి మంచి స్పందన వస్తోంది. యశోదలో డాక్టర్గా కనిపిస్తున్నారు ఉన్నిముకుందన్. గతంలో స్ట్రెయిట్ తెలుగు సినిమాలు చేశారు ఉన్నిముకుందన్. ఇక డైరక్ట్ గా హీరోగా కాకపోయినా, విలన్గా తెలుగులో సాలిడ్ ఎంట్రీ ఇచ్చారు ఫాహద్ ఫాజిల్. పార్టీ లేదా పుష్పా అని ఆయన సినిమాలో బన్నీని అడిగినా, ఆయన పెర్ఫార్మెన్స్ కి ఫిదా అయిన వారు మాత్రం పార్టీ లేదా ఫాహద్ అని అడుగుతున్నారు. తెలుగులో పుష్ప, తమిళ్లో విక్రమ్, మలయాళంలో హీరోగా చేసిన సినిమాలు అంటూ బ్యాక్ టు బ్యాక్ హిట్లున్నాయి ఫాహద్ ఖాతాలో. ఇదిలా ఉంటే ఫాహద్కి ఎంత క్రేజ్ ఉందో, పృథ్విరాజ్కి కూడా అంతే క్రేజ్ ఉంది. లూసిఫర్ రీమేక్, బ్రో డాడీ, రీసెంట్గా జనగణమన అంటూ హిట్ల మీద హిట్లు కొడుతున్నారు. సాలిడ్ కంటెంట్ తో జనాలను అట్రాక్ట్ చేస్తున్నారు పృథ్విరాజ్. అందుకే ఆయన్ని సలార్లో కీ రోల్కి తీసుకున్నారు ప్రశాంత్ నీల్. ప్రభాస్ హీరోగా నటిస్తున్న సలార్లో పృథ్విరాజ్ కేరక్టర్ ఎలా ఉంటుందోనని డార్లింగ్స్ అందరూ వెయిటింగ్. ఇలా మలయాళ హీరోలు మన సినిమాల్లో మెరుస్తున్నారు.
మరిన్ని సినిమా వార్తల కోసం క్లిక్ చేయండి..
