Aadi Saikumar: డబుల్ సంబరాలు.. రెండోసారి తండ్రైన హీరో ఆది సాయి కుమార్

యంగ్ హీరో ఆది సాయి కుమార్. చాలా కాలంగా సక్సెస్ కోసం ఎదురుచూశాడు. వరుసగా సినిమాలు చేస్తున్నప్పటికీ హిట్ మాత్రం అందుకోలేకపోయాడు. రీసెంట్ గా శంబాల సినిమాతో భారీ హిట్ అందుకున్నాడు. 25 సినిమాలు చేసిన ఆదికి హిట్లు మాత్రం మూడు నాలుగే.. ఎట్టకేలకు శంబాల సినిమాతో ఆది ఖాతాలో హిట్ పడింది. ఇంట్రెస్టింగ్ కంటెంట్ తో తెరకెక్కిన ఈ సినిమా మంచి విజయాన్ని అందుకోవడంతో ఆది అభిమానులు ఆనందం వ్యక్తం చేస్తున్నారు. ఇదిలా ఉంటే ఇప్పుడు ఆది ఇంట్లో సంబరాలు డబుల్ అయ్యాయి. ఓ సంతోషకరమైన వార్తతో ఆది కుటుంబం ఆనందంలో తేలిపోతుంది. ఆది భార్య పండంటి మగబిడ్డకు జన్మనిచ్చింది.

2014 డిసెంబరులో రాజమండ్రి కి చెందిన సాఫ్ట్‌వేర్ ఇంజినీర్ అరుణను ఆది సాయి కుమార్ వివాహం చేసుకున్నాడు. ఈ లవ్లీ కపుల్ కు ముందుగా ఒక కూతురు. తాజాగా (2026 ప్రారంభంలో) రెండో బిడ్డగా మెగా బిడ్డకు జన్మనిచ్చారు ఈ జంట. దాంతో సాయి కుమార్ ఇంట సంబరాలు జరుగుతున్నాయి. ఇక ఆది సాయి కుమార్ సినీ కెరీర్ గురించి చెప్పాలంటే.. 2011లో “ప్రేమ కావాలి” సినిమాతో హీరోగా డెబ్యూ చేశాడు. ఈ సినిమా సూపర్ హిట్ అయింది, ఆది బెస్ట్ మేల్ డెబ్యూ అవార్డులు (ఫిలింఫేర్, SIIMA) గెలుచుకున్నాడు.

తర్వాత లవ్లీ, సుకుమారుడు (2013), గలిపటం (2014), గరం (2016), శమంతకమణి (2017), బ్లాక్ (2022), తీస్ మార్ ఖాన్ (2022) వంటి సినిమాలు చేశారు. చాలా సినిమాలు ఫ్లాప్ అయినా, ఆది నటనకు మంచి పేరు ఉంది. ఇక సూపర్ నేచురల్ హారర్ థ్రిల్లర్ గా తెరకెక్కిన శంబాల సినిమాతో మరో హిట్ అందుకున్నాడు. ఆది కేవలం నటుడు మాత్రమే కాదు..ఆది క్రికెట్ ప్లేయర్ కూడా..

#AadiSaikumar Blessed with a Baby Boy 💖 Congratulations to the Couple ❤️❤️ pic.twitter.com/O4TdPSd3m2

— Movies4u Official (@Movies4u_Officl) January 2, 2026

మరిన్ని ఎంటర్టైన్మెంట్ వార్తల కోసం ఇక్కడ చూడండి.