Jr Soundarya: ఆ సౌందర్యమే మళ్లీ వచ్చిందా ?.. మర్చిపోలేని జ్ఞాపకాలను గుర్తుచేస్తోన్న ఆ అమ్మాయి ఎవరో తెలుసా..
మహానటి సావిత్రి తర్వాత ఆ స్థాయి నటిగా గుర్తింపు తెచ్చుకున్నారు. కెరీర్ మంచి ఫాంలో ఉండగానే విమాన ప్రమాదంలో అకాల మరణం చెందారు.
Updated on: Jan 17, 2023 | 9:48 AM
అందం కూడా అసూయ పడేంత అందం.. సహాజ నటనతో తెలుగు ప్రేక్షకుల మనసులలో చెరగని స్థానం సంపాదించుకున్నారు సౌందర్య. గ్లామర్ షోలకు అమడ దూరంలో ఉంటూ.. తెలుగమ్మాయిగా ఎంతో మంది అభిమానులను సొంతం చేసుకున్నారు. టాలీవుడ్ ఇండస్ట్రీలోని అందరూ స్టార్ హీరోలతో స్క్రీన్ షేర్ చేసుకుని..ఎన్నో బ్లాక్ బస్టర్ హిట్ చిత్రాలతో బాక్సాఫీస్ వద్ద సంచలనం సృష్టించారు ఆమె. అమ్మోరు సినిమాతో ఒక్కసారిగా సౌందర్య కెరీర్ టర్న్ అయ్యింది. ఈ మూవీ తర్వాత ఆమెకు వరుస ఆఫర్లు వచ్చాయి. మనవరాలి పెళ్లి సినిమాతో తెలుగు తెరకు పరిచయమై దాదాపు 100కు పైగా చిత్రాల్లో నటించారు. మహానటి సావిత్రి తర్వాత ఆ స్థాయి నటిగా గుర్తింపు తెచ్చుకున్నారు. కెరీర్ మంచి ఫాంలో ఉండగానే విమాన ప్రమాదంలో అకాల మరణం చెందారు. సౌందర్య మరణం సినీ పరిశ్రమకు తీరని లోటు. ఇప్పటికీ ఆమె రూపం ప్రేక్షకుల మనసులలో నిలిచిపోయింది. అయితే తాజాగా సోషల్ మీడియాలో సౌందర్య పోలికలతో ఉన్న అమ్మాయి వీడియోస్ హల్చల్ చేస్తున్నాయి.
ఆ వీడియోలలో ఉన్న అమ్మాయి అచ్చం సౌందర్యలాగే కనిపిస్తుంది. అంతేకాకుండా.. ఆమె చేస్తున్న వీడియోస్ అన్ని కూడా సౌందర్య నటించిన చిత్రాలే. అందులో సౌందర్య మాటలకు తగినట్టుగా ఎక్స్ ప్రెషన్స్ ఇస్తూ.. ఆ సౌందర్యాన్ని మరిపిస్తుంది. దీంతో ఈ అమ్మాయి ఎవరా అని తెలుసుకోవడానికి ఆరాలు తీస్తున్నారు నెటిజన్స్.
chitra_jii2.. అనే ఇన్ స్టా ఖాతలో ఉన్న అమ్మాయి అచ్చం సౌందర్యలాగే ఉందంటూ కామెంట్స్ చేస్తున్నారు. ఆ యువతి పేరు చిత్ర. ఆమెకు ఇప్పటివరకు 2 లక్షలకు పైగా ఫాలోవర్స్ ఉన్నారు. అచ్చం సౌందర్యలాగే రూపురేఖలతో ఉన్న ఈ అమ్మాయి.. ప్రేక్షకులు ఎప్పటికీ మర్చిపోలేని జ్ఞాపకాలను మళ్లీ సోషల్ మీడియా ప్రపంచంలోకి తీసుకువస్తుంది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
