OTT Movies: నెట్ఫ్లిక్స్ సినిమాల జాతర.. ధనుష్ సార్ చిత్రంతోపాటు.. చంద్రముఖి 2 కూడా వచ్చేస్తోంది..
న్యాచురల్ స్టార్ నాని నటిస్తోన్న దసరా.. మెగాస్టార్ చిరంజీవి..తమన్నా కాంబోలో రాబోతున్న భోళా శంకర్, విరూపాక్ష, మీటర్, కార్తీకేయ కొత్త ప్రాజెక్ట్ ఇలా ఒక్కటమేది అరడజనుకుపైగా సినిమాలను అనౌన్స్ చేసింది.
Updated on: Jan 17, 2023 | 6:55 AM
ప్రముఖ ఓటీటీ మధ్యమం నెట్ఫ్లిక్స్ ఈసారి తెలుగు చిత్రాలపై దృష్టి పెట్టింది. ఇప్పటికే విడుదలై సూపర్ హిట్ అందుకున్న సినిమాలతోపాటు.. అమ్ కమింగ్ మూవీస్ డిజిటల్ స్ట్రీమింగ్ రైట్స్ సొంతం చేసుకుంది. న్యాచురల్ స్టార్ నాని నటిస్తోన్న దసరా.. మెగాస్టార్ చిరంజీవి..తమన్నా కాంబోలో రాబోతున్న భోళా శంకర్, విరూపాక్ష, మీటర్, కార్తీకేయ కొత్త ప్రాజెక్ట్ ఇలా ఒక్కటమేది అరడజనుకుపైగా సినిమాలను అనౌన్స్ చేసింది. అందులో నిఖిల్.. అనుపమ నటించిన 18 పేజెస్, రవితేజ ధమాకా, అర్జున్ దాస్ నటించిన బుట్టబొమ్మ, కళ్యాణ్ రామ్ నటిస్తోన్న అమిగోస్, సందీప్ కిషన్ బడ్డీ, నవీన్ పోలిశెట్టి, అనుష్కల కొత్త సినిమా, డీజే టిల్లు సీక్వెల్, వైష్ణవ్ తేజ్ కొత్త సినిమా, వరుణ్ తేజ్ న్యూ ప్రాజెక్ట్, రానున్నాయి. ఇక ఇప్పుడు మరిన్ని సినిమాల ఓటీటీ హక్కులను సొంతం చేసుకుంది నెట్ ఫ్లిక్స్. తాజాగా మరిన్ని చిత్రాలను ప్రకటించింది.
తమిళ్ స్టార్ హీరో ధనుష్ కథానాయకుడిగా వెంకీ అట్లూరి దర్శకత్వంలో రాబోతున్న చిత్రం సార్. ప్రస్తుతం షూటింగ్ శరవేగంగా జరుపుకుంటున్న ఈ సినిమాలో సంయుక్త మీనన్ కథానాయికగా నటిస్తోంది. ఈ చిత్రం థియేటర్లలో విడుదలైన తర్వాత తెలుగు, తమిళ, కన్నడ, మలయాళ భాషల్లో స్ట్రీమింగ్ కానుంది. అలాగే.. డైరెక్టర్ పా.రంజిత్ దర్శకత్వంలో రూపొందుతున్న చిత్రం తంగలాన్. ఇందులో విక్రమ్ కీలకపాత్రలో నటిస్తున్నారు. ఈ సినిమా ఓటీటీ స్ట్రీమింగ్ రైట్స్ కూడా నెట్ ఫ్లిక్స్ సొంతం చేసుకుంది.
కీర్తి సురేశ్ నటిస్తోన్న లేడీ ఓరియెంటెడ్ చిత్రం రివాల్వర్ రీట. ఈ చిత్రానికి కె.చంద్ర దర్శకత్వం వహిస్తున్నారు. ఈ సినిమా కూడా థియేట్రికల్ రన్ అనంతరం ఓటీటీలోకి రానుంది. అలాగే కార్తీ నటిస్తున్న జపాన్ కూడా తమిళం, తెలుగు భాషల్లో నెట్ ఫ్లిక్స్ లోకి రానుంది. వీటితోపాటు.. అజిత్ 62వ చిత్రం… జయం రవి ఇరైవన్.. లారెన్స్ చంద్రముఖి 2, విష్ణు విశాల్ క్రైమ్ థ్రిల్లర్ ఆర్యన్, లారెన్స్ జిగర్తాండతోపాటు.. మరిన్ని తమిళం చిత్రాలు స్ట్రీమింగ్ కానున్నాయి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
