తెలుగులో ఓకే.. కానీ తమిళంలో ‘సైరా’ కష్టమే..!!

ఈ నెల ఫస్ట్ వీక్‌లో తమిళ బాక్సాఫీస్ వద్ద సినిమాలు పందెంకోళ్లలా పోటీ పడబోతున్నాయి . అరవ ప్రేక్షకులకు నిండైన వినోదాన్ని పంచడానికి మూడు చిత్రాలు విడుదలవుతున్నాయి. మెగాస్టార్‌ చిరంజీవి ‘సైరా’గా ఈ నెల రెండో తేదీన తెరపైకి వస్తోంది. వెట్రిమారన్‌, ధనుష్‌ కాంబినేషన్‌లో తెరకెక్కిన ‘అసురన్‌’… జీవీ ప్రకాశ్‌ నటించిన ‘100% కాదల్‌’ 4వ తేదీన విడుదల అవుతున్నాయి.

భారీ బడ్జెట్‌తో రూపొందిన ‘సైరా’ చిత్రాన్ని ప్యాన్‌ ఇండియా సినిమాగా విడుదల చేస్తున్న విషయం తెలిసిందే. మెగాస్టార్‌ చిరంజీవి అన్ని రాష్ట్రాలకు వెళ్లి సినిమా ప్రమోషన్‌ కార్యకలాపాల్లో పాల్గొంటున్నారు. తమిళంలో ఈ సినిమాపై భారీ అంచనాలు నెలకొన్నాయి. తమిళ ట్రైలర్‌కు ఇప్పటికే మంచి స్పందన వచ్చింది. మెగాస్టార్‌తో పాటు అమితాబ్‌బచ్చన్‌, నయనతార, విజయ్‌ సేతుపతి, తమన్నా, సుదీప్‌లు ఉన్నందున తమిళంలో కూడా సైరాకు మంచి బజ్ ఉంది.

ఇదిలా ఉండగా, ‘అసురన్‌’లో భిన్నమైన గెటప్‌లో నటించిన ధనుష్‌ జాతీయ అవార్డుపై దృష్టి పెట్టిపెట్టినట్లు సమాచారం. ఈ చిత్రాన్ని నాలుగో తేదీన విడుదల చేయనున్నట్లు నెల క్రితమే ప్రకటించారు. 500పైగా థియేటర్లలో ఈ సినిమా విడుదలవుతున్నట్లు సమాచారం. వెట్రిమారన్‌, ధనుష్‌ కాంబినేషన్‌ అంటేనే తప్పకుండా వైవిధ్యం ఉంటుందని ప్రేక్షకులు ఎదురు చూస్తారు. ఇక తమిళ్ వాళ్లకి లోకల్ ఫీలింగ్ ఎలా ఉంటుందో చెప్పాల్సిన పనిలేదు. అందుకే అవార్డు ఓరియంటడ్ మూవీగా భావిస్తున్న అసురన్‌ను హైప్ చెయ్యడానికి సైరాను సైడ్ చేస్తారనే రూమర్స్ వినిపిస్తున్నాయి.

ఇక తెలుగులో విజయం సాధించిన ‘100% లవ్‌’ చిత్రాన్నే ‘100% కాదల్‌’ పేరుతో తమిళ్‌లో రిలీజ్ చేయనున్నారు. ఈ చిత్రంలో నటించిన జీవీ ప్రకాశ్‌ యువతలో మంచి గుర్తింపు తెచ్చుకుంటున్న హీరో. మరి తమిళ సినీ ప్రేమికులు తమ రెండు సొంత చిత్రాలతో పాటుగా సైరాను హిట్ చేస్తారా? లేక పర్సనల్‌గా తీస్కోని పక్కకి పడేస్తారో చూడాలి.