Silk Smitha: ‘సిల్క్ స్మిత అందుకే అప్పులు పాలైంది.. అప్పుడే జరగరానిది జరిగింది’
సిల్క్ స్మిత.. తెలుగు ప్రేక్షకులకు ఈ పేరు సుపరిచితమే. చనిపోయి ఇన్నేళ్లు అవుతున్నా.. ఆమెను ఇంకా ఎవ్వరూ మరిచిపోలేదు.
Updated on: Apr 10, 2023 | 9:14 PM
సిల్క్ స్మిత.. తెలుగు ప్రేక్షకులకు ఈ పేరు సుపరిచితమే. చనిపోయి ఇన్నేళ్లు అవుతున్నా.. ఆమెను ఇంకా ఎవ్వరూ మరిచిపోలేదు. మత్తెక్కించే కళ్లు, తనదైన శైలి హావభావాలతో, గ్లామర్తో అప్పట్లో ప్రేక్షకులను తన వైపుకు తిప్పుకుంది సిల్క్ స్మిత. అలాంటి సిల్క్ స్మిత జీవితంలో ఎదురైన కొన్ని షాకింగ్ విషయాల గురించి కాకినాడ శ్యామల తాజాగా ఓ ఇంటర్వ్యూలో వెల్లడించింది.
‘ నేను సిల్క్ స్మిత సొంత సినిమాకు డబ్బులిచ్చాను. అయితే ఆ ఫిల్మ్ సరిగ్గా ఆడకపోవడంతో స్మిత అప్పులుపాలైంది. మొత్తం ఆస్తులన్నీ పోగొట్టుకుంది. నిజానికి స్మిత వెండితెరపై వేసే పాత్రలు వేరు.. రియల్లో ఆమె వ్యక్తిత్వం వేరు. ఆమె నిజాయితీ గల మనిషి.. అందరికీ అప్పులు తీర్చేసింది’.
‘ఆ తర్వాత ఆమె కెరీర్ కూడా బాగా సాగింది. కానీ అంతలోనే ఆమె చనిపోయిందని వార్త విన్నాను. కొంతమంది ఆమెను హత్య చేశారని అంటే.. మరికొందరు ఆత్మహత్య చేసుకుందని అన్నారు. అసలు ఏం జరిగిందో ఆపైవాడికే తెలియాలి. కానీ ఆమె చనిపోవడానికి గల కారణాలు మాత్రం తెలియవు’ అని కాకినాడ శ్యామల అన్నారు.
