Ram Pothineni: ఆచితూచి అడుగులేస్తున్న ఎనర్జిటిక్ హీరో.. కెరీర్ లో ఫస్ట్ టైం అలాంటి క్యారెక్టర్ లో నటిస్తున్న రామ్

Ram Pothineni:

యంగ్ హీరో రామ్ పోతినేని ప్రస్తుతం ఆచితూచి సినిమాలను ఎంచుకుంటున్నాడు. ఇస్మార్ట్ శంకర్ సినిమా ఇచ్చిన కిక్ తో వరుసగా మాస్ సినిమా కథలను లైన్ లో పెడుతున్నాడు. డైనమిక్ డైరెక్టర్ పూరిజగన్నాథ్ తెరకెక్కించిన ఈ సినిమా మాస్ ఆడియన్స్ కు బాగా కనెక్ట్ అయ్యింది. దాంతో సినిమా సూపర్ హిట్ అయ్యింది. ఈ సినిమా తర్వాత రామ్ తిరుమల కిశోర్ దర్శకత్వంలో రెడ్ అనే సినిమా చేసాడు. ఈ సినిమా కూడా మంచి టాక్ ను సొంతం చేసుకుంది. ఈ సినిమాలో రామ్ మొదటిసారి ద్విపాత్రాభినయం చేశారు. ఇక ఇప్పుడు తమిళ్ దర్శకుడు లింగుస్వామి డైరెక్షన్ లో సినిమా చేస్తున్నాడు ఈ ఉస్తాద్ . యాక్షన్ ఎంటర్టైనర్ గా తెరకెక్కనున్న ఈ హై వోల్టెజ్ మూవీ షూటింగ్ త్వరలోనే ప్రారంభించె సన్నాహాలు చేస్తున్నారు. ఈ సినిమా రివెంజ్ నేపథ్యంలో ఉండబోతుందని టాక్. అంతేగాక ఈ సినిమాలో రామ్ క్యారెక్టర్  చూడని విధంగా ఉంటుందని అంటున్నారు.

ఫస్ట్ టైం రామ్ కెరీర్ లో పోలీస్ క్యారెక్టర్ లో కనిపించనున్నట్లు తెలుస్తుంది. మరి రామ్ ఇంతవరకు ఏ సినిమాలో కూడా పోలీస్ గా కనిపించలేదు. కాబట్టి ఈ సినిమాలో పోలీస్ అనేసరికి ఫ్యాన్స్ లో ఈ సినిమా ఏదో వెరైటీగా ఉండబోతుందని అంచనాలు ఏర్పడుతున్నాయి. ఈ మాస్ సినిమాలో రామ్ సరసన హీరోయిన్ గా ఉప్పెన ఫేమ్ కృతిశెట్టి నటిస్తోంది. ఈ సినిమాను రామ్ కెరీర్లోనే భారీ బడ్జెట్ తో నిర్మాత చిట్టూరి శ్రీనివాసరావు నిర్మించనున్నారు.

మరిన్ని ఇక్కడ చదవండి :

FIR On Tiger Shroff: లాక్‌డౌన్ నిబంధ‌న‌ల‌ను ఉల్లంఘిస్తే సెల‌బ్రిటీల‌నూ వ‌ద‌లం.. బాలీవుడ్ హీరో, హీరోయిన్‌పై కేసు న‌మోదు..

Murugadoss: టాలీవుడ్ యంగ్ హీరోతో తమిళ్ స్టార్ సినిమా.. మురగదాస్ డైరెక్షన్ లో చేసే ఆ లక్కీ హీరో ఎవరంటే..

Balakrishna : మరోసారి గొంతు సవరించనున్న నటసింహం.. ముచ్చటగా మూడోసారి ఎన్టీఆర్ పాటను ఆలపించనున్న బాలయ్య