Murugadoss: టాలీవుడ్ యంగ్ హీరోతో తమిళ్ స్టార్ సినిమా.. మురగదాస్ డైరెక్షన్ లో చేసే ఆ లక్కీ హీరో ఎవరంటే..

తమిళ్ దర్శకుడు మురగదాస్ సినిమాలకు మన దగ్గర కూడా మంచి మార్కెట్ ఉంది ఆయన సినిమాలు తెలుగులోకూడా డబ్ అయ్యి మంచి విజయాలను అందుకుంటున్నాయి.

Rajeev Rayala |

Updated on: Jun 03, 2021 | 7:07 AM

Murugadoss: తమిళ్ దర్శకుడు మురగదాస్ సినిమాలకు మన దగ్గర కూడా మంచి మార్కెట్ ఉంది ఆయన సినిమాలు తెలుగులోకూడా డబ్ అయ్యి మంచి విజయాలను అందుకుంటున్నాయి. మెగాస్టార్ నటించిన స్టాలిన్, మహేష్ బాబు నటించిన స్పైడర్ వంటి స్ట్రయిట్ తెలుగు సినిమాలను చేసారు మురుగదాస్. ఈ క్రమంలో ఇప్పుడు మరో స్ట్రయిట్ సినిమా చేయబోతున్నారని తెలుస్తుంది. అయి కూడా ఓ యంగ్ హీరోతో… ఆ హీరో ఎవరో కాదు ఎనర్జిటిక్ స్టార్ రామ్ పోతినేని. పూరీ తెరకెక్కించిన ఇస్మార్ట్ శంకర్ సినిమాతో కెరియర్ లో భారీ హిట్ ను అందుకున్నాడు. ఈ సినిమాతో లవర్ బాయ్ గా ఇమేజ్ ఉన్న రామ్ మాస్ హీరోగా మారిపోయాడు. ఈ సినిమా తర్వాత తిరుమల కిషోర్ దర్శకత్వంలో సినిమా చేసాడు. రెడ్ అనే టైటిల్ తో తెరకెక్కిన ఈ సినిమా కూడా మంచి విజయాన్ని అందుకుంది. ఈ సినిమాలో రామ్ డ్యూయల్ రోల్ లో నటించి ఆకట్టుకున్నాడు. ఇప్పుడు హ్యాట్రిక్ హిట్ కోసం చూస్తున్నాడు ఈ యంగ్ హీరో. ప్రస్తుతం రామ్ లింగు స్వామి దర్శకత్వంలో సినిమా చేస్తున్నాడు. ఈ సినిమా తెలుగు ,తమిళ్ భాషల్లో తెరకెక్కనుంది. ఈ సినిమాలో కృతిశెట్టి హీరోయిన్ గా నటిస్తుంది. ఈ క్రమంలో మురగదాస్ తో ఓ ప్రాజెక్ట్ గురించి చర్చలు జరుగుతున్నాయని టాక్ నడుస్తోంది.

ఇటీవలే రామ్ కు మురగదాస్ ఓ స్ర్కిప్ట్ వినిపించారని.. దీనికి హీరో సైడ్ నుంచి పాజిటివ్ సిగ్నల్ కూడా వచ్చిందని అనుకుంటున్నారు. ప్రాజెక్ట్ గురించి డిస్కషన్ పూర్తైన వెంటనే అధికారిక ప్రకటన వచ్చే అవకాశం ఉందని చెబుతున్నారు.

మరిన్ని ఇక్కడ చదవండి :