Rajinikanth- Coolie: రజనీ రేంజ్ అలాంటిది మరి.. కూలి మూవీ ఓటీటీ డీల్ ఏకంగా అన్ని కోట్లా?
సూపర్ స్టార్ రజనీకాంత్ నటిస్తోన్న లేటెస్ట్ సినిమా 'కూలీ'. ఇందులో రజనీతో పాటు నాగార్జున, ఉపేంద్ర, ఆమిర్ ఖాన్, శ్రుతి హాసన్, సౌబిన్ షాహిర్ తదితరులు ప్రధాన పాత్రలు పోషించారు. ఈ సినిమా ఆగస్టు 15న విడుదల కానుంది. ఇప్పుడు ఈ సినిమా OTT హక్కులు భారీ మొత్తానికి అమ్ముడయ్యాయి.
Updated on: Jul 16, 2025 | 8:01 AM
సూపర్ స్టార్ రజనీకాంత్ ప్రస్తుత వయసు సుమారు 74 ఏళ్లు. అయినప్పటికీ ఆయన క్రేజ్ ఏ మాత్రం తగ్గలేదు. రజనీ సినిమాలు మొదటి రోజే కోట్లాది రూపాయలను తెచ్చిపెడుతున్నాయి. బాక్సాఫీస్ రికార్డులు బద్దలు కొడుతున్నాయి. అందుకే రజనీ సినిమాలను కొనడానికి OTTలు క్యూలో నిలుస్తున్నాయి. ఈ నేపథ్యంలో రజనీకాంత్ ‘కూలీ’ సినిమా విడుదల కానుంది. లోకేష్ కనగరాజ్ దర్శకత్వం వహించిన ఈ సినిమా భారీ అంచనాలు ఉన్నాయి. సినిమా విడుదలకు కొన్ని రోజులు మాత్రమే మిగిలి ఉండగా, అంతకు ముందే ఈ మూవీ ఓటీటీ హక్కులు భారీ మొత్తానికి అమ్ముడయ్యాయి. కూలీ’ సినిమాను ప్రముఖ ఓటీటీ ప్లాట్ ఫామ్ అమెజాన్ ప్రైమ్ కొనుగోలు చేసినట్లు సమాచారం. ఇందుకోసం ఏకంగా రూ. 120 కోట్లు చెల్లించినట్లు సమాచారం. అయితే ‘కూలీ’ సినిమాను అమెజాన్ ప్రైమ్ మొదట నేరుగా స్ట్రీమింగ్ చేస్తుందా లేదా అద్దె ప్రాతిపదికన ప్రసారం చేస్తుందా అనేది క్లారిటీ రావాల్సి ఉంది.
అండర్ వరల్డ్ కి, ఒక సామాన్యుడికి మధ్య జరిగే పోరాటం ఆధారంగా ‘కూలీ’ సినిమా తెరకెక్కిందని ప్రచారం జరుగుతోంది. ఈ సినిమాలో అక్కినేని నాగార్జున రోల్ ఏంటన్నది ఇంకా క్లారిటీ రాలేదు. అయితే ఇందులో నాగ్ విలన్ గా నటించనున్నారని ప్రచారం జరుగుతోంది. అలాగే ఉపేంద్ర కూడా నెగటివ్ రోల్ లో నటిస్తారని కూడా పుకార్లు వినిపిస్తున్నాయి. ఇక బాలీవుడ్ సూపర్ స్టార్ ఆమిర్ ఖాన్ మొదటి సారి ఓ సినిమాలో అతిథి పాత్రలో కనిపించనున్నారు. అమీర్ ఖాన్ కూడా ఈ సినిమా కోసం చాలా ఆసక్తిగా ఎదురు చూస్తున్నారు.
లోకేష్ కనగరాజ్ ఇటీవల ఒక ఇంటర్వ్యూలో మాట్లాడుతూ. ఈ సినిమా పూర్తిగా పూర్తయిందని, కొన్ని రోజుల క్రితం రజనీకాంత్ కు చూపించానని అన్నారు. ఈ సినిమా చూసిన రజనీకాంత్ చాలా ఇంప్రెస్ అయ్యి లోకేష్ ను కౌగిలించుకున్నాడు. గతంలో ఇదే లోకేష్ కనగరాజ్ కమల్ హాసన్ కోసం ‘విక్రమ్’ సినిమాను దర్శకత్వం వహించారు. ఆ సినిమా కూడా భారీ హిట్ అయింది. ఇప్పుడు ఆయన రజనీకాంత్ కోసం ‘కూలీ’ సినిమాను రూపొందించారు. ఈ చిత్రంలోని ‘మోనికా’ పాట ఇప్పటికే విడుదలై బాగా ట్రెండ్ అవుతోంది. పూజా హెగ్డే ‘మోనికా’ పాటలో స్టెప్పులేసింది. ఈ సినిమా ఆగస్టు 15న థియేటర్లలో విడుదల కానుంది. తమిళంతో పాటు తెలుగు, హిందీ భాషల్లోనూ ఈ మూవీ ప్రేక్షకుల ముందుకు రానుంది.
ట్రెండింగ్ లో మోనికా సాంగ్..
How’s the Monica vibe going?💃🏻🥳
Watch the second single #Monica from #Coolie starring @hegdepooja
Tamil ▶️ https://t.co/UHACTjGi6I
Telugu ▶️ https://t.co/fDFDsYuaxQ
Hindi ▶️ https://t.co/Ll2QSJWzOV#Coolie worldwide from August 14th @rajinikanth @Dir_Lokesh… pic.twitter.com/zegCfxlQVz
— Sun Pictures (@sunpictures) July 15, 2025
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి
