Shivani – Shivathmika: మరోసారి అదృష్టం పరీక్షించుకోనున్న సీనియర్ హీరో కుమార్తెలు.. కోలీవుడ్‌లోకి ఎంట్రీ..

Shivani and Shivathmika: సీనియర్ హీరో రాజశేఖర్ హీరోగా కంటెంట్ ఉన్న కథలను ఎంచుకుంటూ సినిమాలు చేస్తున్నారు. గరుడ వేగా సినిమా తో మంచి హిట్ అందుకున్న రాజశేఖర్ ఆతర్వాత కల్కీ సినిమా చేసారు. ఇప్పుడు శేఖర్ అనే సినిమా చేస్తున్నారు. ప్రస్తుతం ఈ సినిమా షూటింగ్ దశలో ఉంది.ఇదిలా ఉంటే రాజశేఖర్ కుమార్తెలు శివాని, శివాత్మిక కూడా హీరోయిన్ గా ఎంట్రీ ఇచ్చిన విషయం తెలిసిందే. ఈ ముద్దుగుమ్మలు హీరోయిన్స్ గా మొదటి సినిమాతోనే మంచి గుర్తింపు తెచ్చుకున్నారు.  ముందుగా చెల్లెలు శివాత్మిక హీరోయిన్ గా ఇండస్ట్రీకి పరిచయం అయ్యింది. దేవరకొండ బ్రదర్ ఆనంద్ దేవరకొండ హీరోగా నటించిన దొరసాని సినిమాలో నటించి ఆకట్టుకుంది ఈ భామ. మొదటి సినిమాలోనే తన నటనతో కట్టిపడేసింది శివాత్మిక. అలాగే ఈ బ్యూటీ  ‘రంగమార్తాండ’లోను కనిపించనుంది.

ఆ తర్వాత శివాని హీరోయిన్ గా పరిచయం అయ్యింది. తేజ సజ్జ హీరోగా నటించిన అద్భుతం సినిమాతో హీరోయిన్ గా మారింది ఈ బ్యూటీ. ఓటీటీ వేదికగా విడుదలైన ఈ సినిమా మంచి టాక్ ను సొంతం చేసుకుంది. ఇలా అక్క చెల్లెల్లు సూపర్ ఎంట్రీ ఇచ్చారు. ఇక ఈ ముద్దుగుమ్మలకు తెలుగులో ఆఫర్స్ క్యూ కడుతున్నాయి. ఈ నేపథ్యంలో ఈ బ్యూటీస్ కోలీవుడ్ లో కూడా తమ అదృష్టాన్ని పరీక్షించుకోనున్నారు. శివాని చేసిన తమిళ్ సినిమా ‘అన్బరివు’ వచ్చేనెల 7వ తేదీ నుంచి హాట్ స్టార్ లో స్ట్రీమింగ్ కానుంది. అలాగే  శివాత్మిక చేసిన ‘ఆనందం విలయాడుం వీడు’ సినిమా ఈ నెల 24వ తేదీన థియేటర్లలో విడుదల కానుంది. ఇలా తెలుగుతో పాటు తమిళ్ లోను సెటిల్ అవ్వాలని చూస్తున్నారు రాజశేఖర్ ముద్దుల తనయాలు.

మరిన్ని ఇక్కడ చదవండి :