Son of India Trailer: ప్రపంచంలో ఏ పోరాటమైనా ఒక్కడితోనే ప్రారంభమవుతుంది.. సన్నాఫ్ ఇండియా ట్రైలర్

Son of India: డైలాగ్ కింగ్ మోహన్ బాబు(Mohan Babu )కొంతకాలం గ్యాప్ తరవాత తిరిగి వెండితెరపై అలరించడానికి సిద్ధం అవుతున్నారు. మొన్నామధ్య సూర్య నటించి ఆకాశం నీ హద్దురా..! సినిమాలో చిన్న పాత్రలో కనిపించారు మోహన్ బాబు. దాదాపు 7 సంవత్సరాల  తర్వాత  ‘సన్ ఆఫ్ ఇండియా’ సినిమాలో హీరోగా కనిపించనున్నారు మోహన్ బాబు. ఇప్పటికే ఈ సినిమా నుంచి విడుదలైన పోస్టర్స్,  టీజర్లు అభిమానులను ఆకట్టుకున్నాయి. ముఖ్యంగా మెగాస్టార్ చిరంజీవి వాయిస్ ఓవర్ తో  విడుదలైన  గ్లింప్స్ సినిమాపై అంచనాలను పెంచేసింది. ఈ సినిమాకు డైమండ్ రత్నబాబు దర్శకత్వం వహిస్తున్నారు.  శ్రీ లక్ష్మీప్రసన్న పిక్చర్స్, 24 ఫ్రేమ్స్‌ సంస్థలు సహకారంతో నటుడు మంచు విష్ణు ఈ సినిమాను నిర్మిస్తున్నారు. సంగీత దిగ్గజం మ్యాస్ట్రో ఇళయరాజా స్వరాలు సమకూరుస్తున్నారు.

తాజాగా ఈ సినిమానుంచి ట్రైలర్ ను విడుదల చేశారు. ఈ సినిమాలో మోహన్ బాబు మరోసారి డైనమిక్ పాత్రలో కనిపించనున్నారని అర్ధమవుతుంది. దేశంను పట్టి పీడిస్తున్న సమస్యలపై పోరాటం చేసే పాత్రలో కనిపించబోతున్నారు మోహన్ బాబు. ప్రపంచంలో ఏ పోరాటమైనా ఒక్కడితోనే ప్రారంభమవుతుంది. ప్రపంచం అంతా నా కుటుంబం ప్రపంచం బాధే నా బాధ.ధర్మ సంస్థాపనార్థాయ సంభవామి యుగే యుగే నేను దాన్నే ఫాలో అవుతున్నాను. అంటూ మోహన్ బాబు చెప్పే డైలాగ్స్ తో ట్రైలర్ ప్రారంభం అవుతుంది. డబ్బున్నోడికి ఓ న్యాయం డబ్బులేనోడికి ఓ న్యాయం… పవర్ ఉన్నోడికి ఓ న్యాయం పవర్ లేనోడికి ఓ న్యాయం.. డెమోక్రసీలో లా ఒకొక్కడికి ఒక్కోలా ఉండటం ఎందుకు.అయ్యోధ్య లో శ్రీరామ అని రాసిన ప్రతి ఇటుక మీద ప్రమాణం చేసి చెబుతున్నాను ఈ సొసైటీ లో ఉన్న క్రిమనల్స్ ఏరిపారేయాలి  అంటూ మోహన్ బాబు చెప్పే డైలాగులు చాలా పవర్ ఫుల్ గా ఉన్నాయి.

మరిన్ని ఇక్కడ చదవండి : 

Avika Gor: చీరకట్టులో సోయగాలు వలక పోస్తున్న చిన్నారి పెళ్లి కూతురు లేటెస్ట్ ఫోటోస్ వైరల్

Bhanu Shree: లంగా ఓణీలో తన అందాలు చూపిస్తూ ఫాన్స్‌ను మైమరిపిస్తున్న భాను శ్రీ లేటెస్ట్ ఇమేజెస్

Unstoppable NBK: బాలయ్య తనపై వచ్చే మీమ్స్‌ చూసి ఏమనుకుంటారు.? నెట్టింట వైరల్‌ అవుతోన్న ‘ఆహా’ వీడియో..