Sivakarthikeyan: తెలుగు మూవీ మొదలుపెట్టిన తమిళ్ హీరో.. శివకార్తికేయన్ సినిమా షూటింగ్ షురూ..

తమిళ్ హీరో శివకార్తికేయన్ నటించిన సినిమాలు తెలుగులో కూడా డబ్ అయ్యి మంచి విజయాలను అందుకుంటుంటాయి.

Sk 20

Rajeev Rayala |

Updated on: Feb 11, 2022 | 8:14 AM

Sivakarthikeyan: తమిళ్ హీరో శివకార్తికేయన్ నటించిన సినిమాలు తెలుగులో కూడా డబ్ అయ్యి మంచి విజయాలను అందుకుంటుంటాయి. ఆయన నటించిన రెమో, వరుణ్ డాక్టర్ సినిమాలు తెలుగులోనూ మంచి హిట్స్ గా నిలిచాయి. తాజాగా శివకార్తికేయన్ డైరెక్ట్ గా తెలుగులో సినిమా చేస్తున్నాడు. రీసెంట్ గా జాతిరత్నాలు(Jathi Ratnalu) సినిమాతో మంచి విజయాన్ని అందుకున్న అనుదీప్ కెవి(Anudeep KV )డైరెక్షన్ లో శివకార్తికేయన్ సినిమా చేస్తున్నాడు. శ్రీ వెంకటేశ్వర సినిమాస్ ఎల్‌ఎల్‌పి, సురేష్ ప్రొడక్షన్స్, శాంతి టాకీస్ బ్యానర్‌లపై నారాయణ్ దాస్ నారంగ్, పుస్కుర్ రామ్ మోహన్ రావు, సురేష్ బాబు సంయుక్తంగా ఈ సినిమాను నిర్మిస్తున్నారు. ఈ చిత్రానికి ఎస్ తమన్ సంగీతం అందిస్తున్నారు.

శివ కార్తికేయన్ కెరీర్ లో 20వ సినిమా ఇది. శివకార్తికేయన్ కు ల్యాండ్‌మార్క్ గా వుండే ఈ 20వ చిత్రం గురువారం లాంఛనంగా ప్రారంభమైంది. గురువారం నుంచే సినిమా షూటింగ్ ను ప్రారంభించనున్నట్లు మేకర్స్ తెలియజేసారు. సింగిల్ షెడ్యూల్ గా ఈ సినిమా కరైకుడి, పాండిచ్చేరిలో షూట్ చెయ్యనున్నారు. ఈ షూటింగ్ లో నటుడు సత్యరాజ్ కూడా పాల్గొన్నారు. ఈ సినిమా విభిన్నమైన కాన్సెప్ట్‌తో కూడిన కామెడీ అండ్ రొమాంటిక్ ఎంటర్‌టైనర్ గా రూపొందుతోంది. ఈ చిత్ర కథ భారతదేశంలోని పాండిచ్చేరి, UKలోని లండన్ నేపథ్యంలో ఉంటుందని తెలుస్తుంది. త్వరలోనే ఈ సినిమా పూర్తి వివరాలు వెల్లడించనున్నారు. మరి ఈ క్రేజీ కాంబోలో సినిమా ఎలా ఉంటుందో చూడాలి.

మరిన్ని ఇక్కడ చదవండి :